حكمنا الهواء الكاتبة شيماء محمد الفصل الخامس
رأيك
فكر واختار كلماته بهدوء يتفصلوا أسبوع وبعدها ترجعهم على الامتحانات ودي تكون مجرد قرصة ودن انهم يحترموا بعض ويتعاملوا بأدب مع بعض ومنافستهم تكون شريفة.
حرك راسه بتفكير وبيدرس الكلام اللي بيسمعه وبعدها بص لسيف بتركيز ولبس نظارته من تاني دلوقتي دورك انت ليه كل القلق اللي حواليك ده ليه كل الإشاعات اللي بسمعها حواليك ! ليه اهتمامك بالبنت دي بالذات
سيف اتوتر شوية بس حاول يتكلم بشكل طبيعي أنا بهتم بكل طلابي و ...
قاطعه بغيظ لو سمحت ما تكلمنيش بشكل عام يا سيف أنا بحبك وبحترمك وبحترم والدك واحنا أصحاب بشكل شخصي بس ده مش هيديلك الحق أبدا انك تعمل علاقات مع طلابك و ....
سأله باهتمام امال ايه سر اهتمامك بيها كل شوية بسمع اتهام أو رغي أو كلام أو فيديو يتنشر أو صورة تتهدد بيها أو أو أو ليه البنت دي بالذات
بصله وهو بيفكر يقول ايه ولوهلة فكر يقول انه بيحبها بس تراجع لان ده هيثبت كل الإشاعات اللي طالعة حواليهم .
بصله بهدوء همس الأولى على الدفعة بتاعتها بنت شعلة نشاط ذكية طموحها واصل للسما وده اللي لفت انتباهي ليها وحبيت أدعمها وأشجعها تحقق حلمها انها تتعين معيدة هي بطبيعتها بتسأل كتير بتتناقش أكتر أسئلتها ما بتنتهيش وأنا مكتبي مفتوح لكل طلبتي مش بس هي تميزها خلى اللي حواليها يغيروا منها بعدين حضرتك تعرفني من زمان وعارف اني مرتبط وخاطب الدكتورة شذى فأكيد مش هبص لطالبة عندي .
بصله پصدمة تسمع مين
ابتسم بخبث الطرف التاني من الحكاية على صوته ادخل .
دخلت همس والاتنين اتفاجئوا ببعض وهمس قلبها وقع بين رجليها نقلت نظراتها بينهم الاتنين بعدها ركزت على دكتور ممدح بتوتر خير يا دكتور حضرتك طلبتني
بصلها بصرامة ايه كل المشاكل اللي انتي عاملاها دي يا بشمهندسة همس مشاكلك كترت أوي السنة دي وأنا مش بحب الطالب اللي بيعمل مشاكل فايه حكايتك طول عمري بعزك وبحترمك فايه اللي اتغير دلوقتي
سيف قاعد بجمود ظاهري وباصص قدامه بس من جواه قلبه بيدق پعنف وخصوصا انه حاسس برعبها وخۏفها واتمنى لو يقدر يطمنها بس أي كلمة هتكون ضدها مش في محلها واتمنى همس القوية اللي هزأته في أول يوم ترجع النهارده.
همس كانت هتعيط بس لو اڼهارت أو عيطت حياتها كلها هتنتهي النهارده لازم تكون همس القوية اللي بتقف في وش أي دكتور ومش بيهمها حد أخدت نفس طويل وتماسكت وبصت لممدوح وحاولت تظهر طبيعية وهادية أي مشاكل يا دكتور حضرتك وضح بالظبط تقصد ايه
أعجب بهدوئها أما سيف فابتسم من جواه انها اتكلمت بثقة وبص لممدوح اللي سألها أي طالب لما بيغلط بيكون عارف غلطه فين فانتي غلطتي في ايه انتي قوليلي ايه غلطك
سيف بصلها بذهول وحرك راسه برفض بس ممدوح اعترض سيبها تتكلم براحتها يا دكتور سيف .
بصله بغيظ أنا نسيت أضيف ان من ضمن صفاتها انها مندفعة شوية ومش بتعرف امتى تفرمل .
ممدوح رد بفضول عايز أعرف الدكتور
