حكمنا الهواء الكاتبة شيماء محمد الفصل الخامس

اللي لازم أمسك ايده وأعديه من الأزمة دي أنا سيبت همس لان اللي حصل للشركة غلطي لأني سيبته لوحده بعدين أبونا عمره ما كان غبي أو ضعيف أو ما بيعرفش ياخد قرارات فمعنى ده ان حد وقع الشركة بالشكل ده ومسئوليتنا دلوقتي نعرف مين وقعها وليه ونرجعها من تاني حطي ايدك في ايدي وخلينا نقف جنب بعض . 
بصتله بعجز بادلها بأمل ان الأيام الجاية هتبقى أحسن
بالفعل رجعت الشركة جنب أخوها والاتنين قرروا يوقفوها من تاني .
سيف راح الكلية وطلب من الأمن يجيبوا هايدي عنده من المدرج بتاعها وبالفعل جابوها وسط حالة من الذهول عند دكتور ممدوح رئيس القسم دخلت متوترة وخاېفة وبصت لسيف ولممدوح وهي مش عارفة ايه اللي حصل  
سيف قاعد وحاطط رجل على رجل وبصلها بهدوء هاتي الكارنيه بتاعك .
طلعت الكارنيه بتوتر وبتديهوله فشاور بدماغه تحطه على المكتب وهي حطته وبصتله بتوتر خير يا دكتور  
أمرها بدون ما يبصلها خلاص امشي برا الكلية .
بصتله بذهول أمشي يعني ايه والكارنيه  
التفتلها بحسم لا انسي الكلية وانسي الكارنيه سيادتك ممنوعة من دخول الامتحانات فاتفضلي .
دموعها نزلت پخوف ليه أنا عملت ايه  
ممدوح بصلها باحتقار انتي عارفة كويس عملتي ايه والطلاب اللي بأخلاقك مالهمش مكان هنا فاتفضلي ما تضيعيش وقتنا .
هايدي قربت وهي بټعيط طيب عرفوني أنا عملت ايه أرجوكم أنا خلاص فاضلي سنة وأتخرج بصت لسيف برجاء دكتور سيف لو سمحت فهمني عملت ايه  
سيف فضل ساكت شوية وبعدها بصلها باستخفاف انتي عارفة عملتي ايه كويس يا هايدي سواء في المدرج عندك أو في الرحلة . 
حركت راسها برفض أنا ماعملتش أي حاجة ولو قصدك الصورة فدي مش أنا دي .....
قاطعها وابتسم بتهكم هي قالت انه انتي .
حركت راسها بإنكار وهيستريا كدابه دي هي . 
بصلها بتركيز يعني انتي عارفة اهو انتي عملتي ايه 
اتوترت واتراجعت پخوف أنا ماعملتش أي حاجة أنا ....
قاطعها پغضب انتي صورتي الصورة دي ليه وكنتي قاصدة بيها ايه  
مسحت دموعها پخوف والله كانت بس مجرد هزار أنا بس زقيت همس علشان أوقعها وعارفة انه هزار رخم بس هزار على أساس تقع وأصورها ونضحك شوية بس اتفاجئت بحضرتك لحقتها ومسكتها واتفاجئنا بالصورة بالشكل ده ومافكرتش أبدا أستخدم الصورة بأي شكل نانيس هي اللي استخدمتها أرجوك صدقني يا دكتور ولو عايزني أتأسف لهمس هنزل أتأسفلها بس والله ما كان قصدي أبدا أضرها أو أضر حضرتك .
سيف بص لممدوح بهدوء سمعت حضرتك بنفسك ان الموضوع كله سخافة بنات مع بعض 
ممدوح بصلها باتهام وليه زقيتيها في الميا كنتي عايزة تقتليها ولا ايه  
عينيها وسعت وحركت راسها پعنف ترفض الاتهام ده لا محدش كان قصده قتل أبدا وبرضه نانيس اللي زقتها مش أنا هي قالتلي بس أمسك ايدها فمسكت ايدها وأنا مش فاهمة هي هتعمل ايه واتفاجئت بيها بتزقها ده بس اللي حصل . 
ممدوح سمعها وبعدها حرك راسه بهدوء طيب اتفضلي من هنا.
بصت للكارنيه بتوتر آخد الكارنيه 
بصلها بصرامة لا طبعا سيادتك مرفودة فاتفضلي برا.
داس على زرار وجم بتوع الأمن طلعوها برا الكلية كلها وسط عياطها واڼهيارها .
نفس اللي حصل مع هايدي عملوه مع نانيس اللي اټصدمت لانها افتكرت ان سيف هيسيبها في حالها بعد ماكسر غرورها في القسم ويكتفي بس انتقامه ماوقفش لمجرد اعتذارها ده ضيع مستقبلها تماما. 
سيف بص لممدوح باستفسار حضرتك ناوي تطردهم بجد  
بصله باهتمام وقلع نظارته انت ايه