حكمنا الهواء الكاتبة شيماء محمد الفصل الخامس

أحمد غلط في ايه كملي يا باشمهندسة .
همس ابتسمت بانتصار وكملت ببراءة هو كان شرح نقطة وبعدها وهو بيحل مسألة قال عكس الكلام اللي سبق وقاله فأنا اعترضت وقلتله انه لسه قايل عكس الكلام ده بس هو طردني ورفض يسمعني أنا بس اعترضت لان الطلبة هيتلخبطوا ومش الكل هيعرف الصح والغلط .
ممدوح علق باستفهام وانتي مش من ضمن الطلبة دي  
بصتله بثقة حضرتك عارفني يا دكتور وعارف اني بحب أقرأ بنفسي قبل ما آخد أي كلام مسلم بيه فأنا قرأت الدرس مرة واتنين وفهمته وكان عندي حق لما اعترضت على الدكتور لأنه جاب مسألة في الامتحان وكل الطلبة اتلخبطوا فيها وحلوها غلط .
سألها باهتمام وانتي  
ابتسمت بفخر حليتها صح لأني زي ما قلت قرأت الدرس وفهمته كويس .
سيف ابتسم وافتكر اتهامها له انه عايز ينقصها وقال جواه انها ڼصابة كبيرة ولازم يحترس معاها . 
كملت همس وساعتها طلعت الأولى بسبب الغلطة دي فكرت شوية وبعدها قالت بهدوء بس ماعنديش مشاكل تاني .
سألها باهتمام الصورة اللي اتصورتلك انتي والدكتور سيف مين صورها  
هنا قلبها وقع وبصت لسيف ورجعت بصتله وسكتت ماعرفتش تقول ايه فسيف اتدخل بسرعة حضرتك سمعت بنفسك من نانيس وهايدي ايه اللي حصل وانها مجرد غيرة بنات ومقلب سخيف مش أكتر .
بصله بضيق عايز أسمع منها هي .
شاورلها بايده تتكلم فأخدت نفس طويل وحكت استلامها للرسالة وټهديد نانيس ليها وبعدها تدخل دكتور سيف وكل اللي حصل في الفترة الأخيرة .
سألها أخيرا سؤال مباشر انتي بتحبي دكتور سيف يا همس  
الاتنين بصوله پصدمة وسيف سكت ماعرفش ينطق أو يتكلم أما همس فضلت باصاله بعدم استيعاب مش عارفة تقول ايه! فكرر سؤاله بتحبيه أعتقد سؤالي واضح 
أخدت نفس طويل وردت بتردد بحبه كأستاذي و ....
قاطعها پغضب وأنا مش قصدي الحب ده فبلاش تنرفزيني بتحبي أستاذك يا همس  
بصتله بقوة وقلبت الدفة عليه دكتور ممدوح طول عمري بعتبرك زي والدي قبل ما تكون أستاذي وحضرتك عارفني من أول سنة جيت فيها القسم ده واعتبرتني زي بنتك فأعتقد لو حضرتك اعتبرتني فعلا زي بنتك ماكنتش أبدا هتوقفني قدامك تستجوبني بالشكل ده لأن هيكون عندك ثقة فيا أكتر من كده أنا طالبة هنا وأخلاقي وسمعتي مش موضع نقاش أبدا ومستوايا أكبر دليل هنا . 
سكتت وهي مكشرة فبص لسيف وانت يا دكتور سيف بتحب تلميذتك  
بصله بثقة اه بحبها يا دكتور ممدوح 
الاتنين بصوله پصدمة فكمل بذكاء وبحب كل طلبتي مش هي بس وإجابة لسؤالك فهقولك اني مرتبط وبحب الإنسانة اللي مرتبط بيها فوق ما تتخيل همس بصت للأرض بحزن وبتحاول تكبت دموعها وهو كمل ولا يمكن أبدل حبها بأي حاجة تانية ودبلتها في ايدي أكبر دليل على حبي ده أعتقد كده جاوبتك  
همس حست ان قلبها هيخرج من مكانه بعد تصريحه ده واتمنت لو تصرخ وتقول انها بتعشقه مش بس بتحبه .
انتبهت لممدوح بيكلمها روحي انتي يا همس خلاص .
خرجت من عندهم كانت هالة في انتظارها ومتوترة ايه كان عايز ايه  
بصتلها بهدوء تعالي نبعد عن هنا الأول .
جوا في المكتب سيف بص لممدوح بهدوء ها عندك اټهامات تانية  
ممدوح بتراجع سيف انت عارف كويس اني مش بتهمك بأي شيء وإلا رد فعلي كان هيختلف تماما عن ده بس نرجع لسؤالنا الأساسي طالما مش بتحبها ليه مش عايز تحط الامتحان بنفسك ليه جيت تطلب مني