جانا الهواء الكاتبة شيماء محمد الفصل ٣٠
لسه مستنية .
ابتسم لأبوه علشان يطمنه انه كويس وبعدها خرج وبعد ما قفل الباب الاتنين ابتسامتهم اختفت تماما .
سيف كلم شذى بجمود أيوة يا شذى انتي فين
اتكلمت بحدة في المكان اللي المفروض سيادتك تيجي تاخدني منه !
ماعجبتهوش حدتها في الكلام ولهجتها بس هو اتأخر فعلق بضيق عشر دقايق بالكتير أو ربعاية و أكون عندك.
شذى في البيوتي سنتر وصاحبة المكان اسمها زوزو قاعدة معاها بتهزر وهي متضايقة من تأخير سيف عليها .
زوزو بمرح عارفة لو ماطلعش مز كده وماعجبنيش هتتضربي وهنتحفظ عليكي هنا
فضلوا يهزروا لحد ما سيف اتصل بيها بلغها انه برا وتطلعله فردت عليه بابتسامة ادخلي جوا .
اتنرفز أكتر أدخل ليه ما تطلعي يا شذى .
وطت صوتها وهي بتفهمه من الاتيكيت يا سيف انك تدخل تاخدني من جوا مش أنا اللي أخرج لعندك ولا ده أول مرة تعرفه
وضحتله يا سيف ادخل عند الريسيبشن بس وده مكان اوبن مش خاص ادخل وانجز .
قفلت وهو باصص للمكان بخنقة وفكر للحظات انه يمشي ويسيب كل اللي حواليه .
خرج من عربيته ودخل بتردد كان في استقبال فعلا راح ناحيته يسأل عنها .
شذى بصت مكان ما شاورت وابتسمت أيوة هو ها ايه رأيك
زوزو بصتلها بإعجاب لا كده براءة عجبني بس يا سلام لو حلق ذقنه دي وربط الكرافت اللي على رقبته خطيبك شكله نزل جري علشانك حرام عليكي يا شذى بالراحة عليه بدل ما تنزليه كده .
ابتسمت بس من جواها متضايقة أنا قلت حاجة المهم هو لمحڼي هقوم بقى .
قربت منه وهي مبتسمة بس همست صاحبة البيوتي هتسلم عليك لو سمحت افرد وشك وبعدين انت ليه أصلا مش حالق دقنك ولا مظبط نفسك
بصلها باستغراب بجد بتسألي
قاطعهم زوزو اللي علقت بابتسامة قلتلها لو خطيبك ماعجبنيش هعلقها هنا بس الحمد لله نفذت .
ابتسم بتكلف وسلم عليها وشذى كملت تعريفها زوزو ده دكتور سيف خطيبي .
زوزو باستغراب دكتور انتي مش قلتي انه مهندس
ابتسمت و وضحت واخد دكتوراة في الهندسة يا زوزو ركزي .
حركت دماغها بتفهم بس بصتله بانتباه شكلك صغير على الدكتوراة ولا بيتهيألي
وضحلها بجمود مش عارف ليه الناس بتربط السن بالدكتوراة الواحد مش محتاج أكتر من سنتين ماچستير وسنتين دكتوراة فليه أكون كبير يعني
علقت وهي بتتفحصه اممممم يعني انت من الناس الجد أوي دول اللي أخدوها استريت
ماعلقش وهي بصت لشذى مش عايزة أعطلكم بس يا شذى اربطيله الكرافت بتاعته على الأقل .
سيف بصلها باقتضاب لما أركب العربية هربطها يلا بس الأول علشان ما نتأخرش أكتر من كده
شذى قربت منه ومدت ايدها مسكت الكرافت خليني الأول أربطها .
كان هيبعد بس هي مسكت الكرافت في ايديها ونظراتهم كان فيها تحدي أو خناق صامت بينهم بس شذى من النوع اللي بيهتم جدا بالمظهر .
ابتسم ظاهريا لكن جواه ڠضب مكبوت بيحاول يسيطر عليه علشان ما ينفجرش .
زوزو بعدت عنهم وهو مسك ايدها وقفها بعصبية قلتلك هربطها بنفسي فخلاص بقى المهم وراكي حاجة تانية هنا ولا احنا واقفين ليه
بصتله بغيظ هدفع الفاتورة أو أقولهم يبعتوها على البيت .
بصلها بنرفزة وبدون ما ينطق راح للريسيبشن وطلب الفاتورة واستغرب المبلغ اللي فيها بس ما علقش طلع الفيزا وعطاها للبنت و بعدها بص لشذى علشان يخرجوا فراحت عنده وحطت ايدها في دراعه .
ركبوا العربية
