كامل الأوصاف عشق وكنان الكاتبة صفاء حصريا وكاملة

.. 
ضحكت عشق جامد 
هو أنا حبيت أولاني لما أحب تاني ..
ضحت شهد وقالت من وسط ضحكها
أنا كنت بسألها حطت إيه في ورق العنب اللي أكله مستر كنان خلاه يهتم بيها بالشكل دا طلبلها عربية وكمان أكل وعصير وهي قالت حطيت الحب ودلوقتي إنت عايز تساعدها علشان تقع في حبك يبقى أكيد ورق العنب فيه حاجه ..
ضحكوا كلهم وعشق أخدت الكلام هزار لحد ما قالها كنان 
يلا علشان أوصلك التاكسي واقف برا ..
شهد بتذكير 
بس مستر كنان مجهز عربية بسوق لعشق علشان توصلها للجامعة ..
استنى كنان رد فعلها وقال 
أكيد هتختار العربية الفخمة هي هتيجي إيه جنب تاكسي الغلبان أيمن ..
إبتسمت عشق وقالت 
بس أنا عاوزه تاكسي الغلبان ده علشان أكيد مستر كنان بيجمال وهتكون وحشه أوي إننا نكون زي اللي ما صدقوا وكمان أكيد وصى عليه يستناني ..
وبصراحة كفايه جمايلهم عليا كفاية إنهم متكفلين بعلاج أبويا في مستشفى كبيرة كفايه بجد يلا يا أيمن ..
اتحركت عشق مع أيمن لعند التاكسي في نفس الوقت السواق فتح الباب لكنان وعشق وقال
إتفضل يافندم
كنان حس بالقلق لحسن السواق يكشفه 
لكن عشق قربت من السواق وقالت 
متشكرة أوي وبلغ شكري لمستر كنان لكن إحنا طلبنا تاكسي علشان يوصلني للجامعه وبعد الجامعه هرجع على البيت مش عايزة أعطلكم ..
السواق مكنش فاهم هي بتتكلم عن إيه ويشكر كنان بيه إزاي وهو واقف قدامها بشحمه ولحمه وخصوصا 
إنه أصر عليه إنها لازم توافق بنظرات عينيه مسك كنان التلفون وبعت رسالة للسواق وقال أطلب منها تركب هي والشاب اللي معاها
السواق قرأ الرسالة ومكنش فاهم حاجة وقاعد بيدور على الشاب اللي معاها دا 
استغباه كنان وحس إنه هيعك الدنيا هو عايز يكون مع عشق وكمان عايز يريحها 
بعت رساله ثانية للسواق وقال سلملي مفتاح العربية قدام البنت ومتفتحفش بوءك بكلمة مفهوم ..
السواق قرأ الرساله ونفذ المطلوب منه قرب من كنان وعطاه المفتاح ومشي ..
إستغربت عشق تصرفه وقالت 
هو اداك المفتاح ليه ..
إبتسم كنان وعمل نفسه مش فاهم 
علمي علمك والله تعالي نسلم المفتاح ونمشي كدا هنتأخر يابنتي ..
ردت عشق وقالت 
فعلا يلا علشان أنا كدا هتأخر ..
راح للأمن علشان يسلمله المفتاح 
رد الأمن اللي كان واخذ التعليمات من رفيع بيه واللي كان متابع كل اللي بيحصل ومبسوط إن إبنه اتقبل إن عشق تكون مراته علشان كدا هو حاسس بالمسؤولية فطلب من الأمن يبلغه إنه يكون السواق الخاصه بالمستر كنان ..
الأمن بلغه بدا بالكلام اللي قاله رفيع الجراحي
استغربت عشق وقالت 
إمتا يابني إنت بقيت سواق للمدير واضح كدا إنك دخلت دماغه ..
ضحك كنان وقال 
والله مكنت أعرف واضح فعلا إن ورق العنب بتاعك أثر عليه هو فعلا سألني لوكنت بعرف أسوق قولتله اه وعرفته إني كنت شغال على تاكسي بالليل لكن متصورتش إنه هيخليني السوق بتاعه