كامل الأوصاف عشق وكنان الكاتبة صفاء حصريا وكاملة

وخصوصا النهارده ..
إبتسمت عشق بإعجاب مكتوم واتكلمت بهمس مسموع
أنا كان جوايا إحساس إنه إنسان كويس وأهي الأيام بتثبت للكل صحت كلامي ..
سمعها كنان وهي بتكلم نفسها وسألها 
كنت بتقولي حاجه ..
إبتسمت عشق وقالت 
لا يلا علشان بجد هتأخر ..
كنان راح للعربية وأقعد فيها وطلب منها تقعد جنبه هي كانت محتارة وقالت 
حاضر لكن أنا بجد معرفش نظام الركوب في العربيات الخاصة دي يعني عادي أكون جنبك ولا أركب ورى .. والله العظيم أنا مكسوفة أوي من نفسي ..
إبتسم كنان وقال 
مالك يابنتي هو إحنا ركبنا من وراهم هو موافق يبقى بلاش القلق دا..
عشق هزت رأسها بالموافقة وإبتسمت 
إنت عارف إيه أجمل حاجه حصلتلي النهارده إني حسيت بحب وخوف الناس اللي بتشتغل هنا إحساس جميل إن الناس تحبك من غير مايكون في مصلحة ..
وطلعت ملزمة الماده بتاعتها وقعدت تراجع وهو بيسوق بيها شافها واقفة عند نقطة 
أخد منها الملزمة اللي كانت بإيديها وحطها على الدركسيون وكتب لها الحل على جنب وقالها 
دي خطوات حل السؤال دا وقلب في الملزمة على السريع عمل إشارة جنب كذا مسألة 
وقالها ركزي في الأربعة دول علشان مهمين أوي والإمتحان مش هيعدي من غير ماتيجي واحد منهم ..
عشق كانت مبسوطه بيه أوي إنه بيعرف يسوق كويس ومركز في الطريق وكمان شاطر في الحل بطريقة جميل أوي..
عشق ركزت على كل المسائل اللي علم عليهم كنان وهي مش عارفه ليه وثقت فيه وفي كلامه ..
خلال نص ساعه كانت وصلت للجامعة نزلت من العربية وكل أصحابها انبهروا بشكل العربية وفخامتها ..
لدرجة إن في بنات مكنوش بيتكلموا معاها قربوا منها وسألوها إنتي جديده هنا ..
كان إحساس غريب على عشق مكنتش فرحانه بالإحساس دا خالص هي هنا من ٣ سنين مكنش حد فيهم بيكلمها ولا بيقرب منها إشمعنا النهارده 
لكن عشق مهتمتش بيهم وراحت لمكان هادي وقعدت تراجع
قرب منها شاب من اللي مستواهم حلو فى الجامعه 
عشق نسيت تليفونها في عربية كنان نزل علشان يديهولها وقف وطلع بطاقته للأمن
الأمن رحب بيه بحفاوة 
إتفضل يا دكتور معلش اللي مايعرفك يجهلك
دخل كنان وراح ناحية عشق وانتبه إنها بتهرب من لمة الطلبة وشاف الشاب اللي قرب منها 
قعد الشاب جنب عشق وسألها 
إنتي جديده هنا إنتي في سنة كام وإسمك إيه مد إيده وقال سليم المنصور وإنتي
أخدت عشق شنطتها وقامت من مكانها سليم وقفها 
إنتي رايحه فين أنا عايز أتعرف عليكي بجد ..
الټفت عشق يمين وشمال 
شافت إزازة ميه موجوده جنب شجرة مسكتها وفتحتها ورشت الميه على وشه وقالت 
أعتقد كدا وصلك الرد ..
يتبع ........