كامل الأوصاف عشق وكنان الكاتبة صفاء حصريا وكاملة

كامل الأوصاف عشق الكنان
كنان كان ملهوف وخاېف على عشق لدرجة إنه شتم نفسه من غير مايحس وشتم الشغل وقالها 
إنتي لازم تروحي ترتاحي دلوقتي مفهوم إنتي ضغطي على نفسك كثير وكدا حرام وأنا هبلغ مديرك في الشغل إنه يرحم شويه ..
عشق اتعدلت وابتسمت 
ماهو كمان مديرك اهدى ياأيمن أنا كويسه ولازم أقوم للأن عندي إمتحان الساعه ٤ لازم أروح ساعديني ياشهد بالله عليكي ..
قربت شهد وسندتها
كنان كان حاسس بالعجز والحيرة واستغبى نفسه كنان في نفسه
هو إيه اللي أنا قولته دا إنت بتحرض موظفينك عليك وكمان إنت مالك إيه اللي حصلك 

بس أنا مش هقدر اسيبها لوحدها وبردوا مش قادر أكون معاها ..
كنان خرج وساب المكان وطلع على مكتبه وهو في حالة رفض للإحاسس اللي جواه كان هيتجنن من كل اللي حصل .. 
إزاي بالسهولة دي اتخلى عن قناعاته ليه أتغير موقفه من ناحية البنات هو عارف إن هيجي يوم وينخدع قربه من البنت دي صعب 
طيب ليه وافقت تكتب كتابك عليها ليه وافقت على الرهان ماكنت سيبتها ليه طاوعت أبوك طيب ينفع تسيبها تعبانه وتقعد هنا تفكر يبقى فعلا إنت مش راجل هي دلوقتي مراتك حتى لوهي متعرفش هتسيبها تروح الجامعه لوحدها وهي بالحالة دي هتسيبها تتعب وتشتغل ليل نهار دا غير زعلها على أبوها على الأقل أقف جنبها علشان يوم ماتعرف حقيقة مرضك تقف جنبك ..
هرب من تفكيره وقلبه كسب قدام عقله طلع تلفونه واتصل على مكان شغلها وطلب منهم إنهم يهتموا بعشق وإنها متخرجش إلا بعد ما تاكل وبعث حد يجيبلها أكل وعصير والدوا من برا وطلب من السواق إنه يوصلها للجامعة 
ومن جواه كان بيختبرها هي هتختار إيه
نزل كنان للكفتيريا بشخصية أيمن وقف تاكسي 
كانت شهد في الوقت دا واخذ بالها من عشق جابتلها ساندوتشات وعصير علشان تاخد الدوا 
كانت عشق محرجة أوي وقالت 
ميصحش كدا أنا اللي بشتغل هنا
إبتسمت شهد وقالت 
مټخافيش دا طلب مخصوص جاي من برا طلبه مستر كنان علشانك لما عرف إنك تعبانة وكمان لما عرف إن عندك إمتحان طلب من السواق إنه يوصلك ..
عشق بدهشه 
إنتي بتقولي مين مستر كنان شخصيا ..
إبتسمت شهد وقالت 
شوفتي إزاي طلع عندك حق إن عنده قلب مش حجر لكن أكيد في سر مخليه يبعد عن الناس ..
وكملت بمرح
أو ممكن تكوني حطيتي حاجه في الأكل خليته بقى بيحب الناس ..
ضحكت عشق في وسط تعبها 
حطيت الحب
دخل كنان في الوقت دا وسمع كلام عشق 
فضحك وسألها 
حب إيه هو إنتي وقعتي في حبي من غير ما أعرف ياكسوفي ..
ضحكت عشق 
والله العظيم أنا مش قادره كفايه ھموت من الضحك ..ونسيت كل اللي ذاكرته أنا هعك في الإمتحان
طمنها كنان وقال 
مټخافيش أنا هاجي معاكي وهغششك ووقتها ممكن تقعي في حبي أنا كمان