اسيرة القاسې
تختار معاك يتكملوا مع بعض يا تسيبوا بعض بس القرار يكون مشترك بينكم انتوا الاثنين مش قرار فردى ليك انت بس
يوسف انا لا يمكن اعمل كدا لانى متأكد انها مش هترضى تسيبنى وانا بالشكل ده وممكن تضحى بعمرها معايا حتى لو مش بتحبنى
طارق بس اللى انا شفته منها لما انت كنت فى العمليات خلانى متأكد انها بتحبك
طارق خلى بالك يا يوسف اللى انت عايزه ده غلط لانك لو خسړت رقيه عمرك ما هتلاقى زيها ابدا
يوسف پألم وهو يرجع رأسه إلى الوراء عارف يا طارق بس مفيش قدامى غير كدا
كانت ريهام دائمة الشكوى من فاطمه وتختلق المشاكل حتى توقع بين عماد وفاطمه
كانت فاطمه تحضر لها ساندوتش حتى تتناوله قبل الذهاب الى النوم عندما دخلت عليها ريهام المطبخ
ريهام بأمر اعمليلى ساندوتش معاكى
فاطمه ببرود اعملى لنفسك انا مش الخدامه بتاعتك
ريهام وهى تقترب منها لا طبعا انتى اقل من الخدامه عارفه ليه لان الخدامين بيكون عندهم كرامه إنما انتى معندكيش اى ذره كرامه..عايشه فى بيت مع واحد متأكدين أنه بيكرهك ومستحملك بس لغايه لما تولدى تبقى فين الكرامه دى
ريهام وهى ترا عماد يدخل المطبخ انا
مش عارفه انتى ازاى تقولى على عماد زباله انتى ناسيه أنه ابن عمك قبل ما يكون جوزك
عماد وهو ينظر لفاطمه پغضب انتى بتقولى على مين زباله
فاطمه بتحدى هى اللى زباله واژبل من الزباله كمان
فاطمه انا اصلا مستنضفشى اتكلم عليها او عليك علشان موسخشى لسانى
عماد وهو يجذبها من ذراعها اتلمى يا فاطمه وغورى على اوضتك علشان مأذكيش
فاطمه اللى عندك اعمله ..واعلى ما فى خيلك اركبه
ودفعته بعيدا عنها وخرجت من المطبخ وسط ذهول عماد من طريقتها فى الحديث معه وڠضب ريهام لانها لم تنل ما كانت تريده
فى غرفه حمزه
فى غرفه كريم
كانت سلمى قد انتهت من حمامها وارتدت ملابسها واتجهت إلى كريم النائم لتوقظه ولكنها وجدته يهزى وعندما اقتربت منه ووضعت يدها على جبهته وجدت حرارته عاليه جدا فركضت الى الهاتف واتصلت بالطبيب الذى لم يستغرق لحظات وانى وكتب لكريم على بعض الادويه الضروريه ونصح بالراحه ثم الراحه
كانت سلمى جالسه بجانب كريم تضع الكمادات على رأسه عندما فتح عينيه ونظر اليها
سلمى بفرحه كريم انت كويس ...انت سامعنى
كريم وحشتينى اوى يا سالى
سلمى والدموع تتجمع فى حدقتيها انا سلمى مش سالى
لينفض كريم يدها بعيدا ويقول
كريم ابعدى عنى انا عايز سالى مش عايزك انتى ...
بسم الله الرحمن الرحيم
لا تدع القراءه تلهيك عن الصلاه
الفصل الحادي والعشرون
فى غرفه حمزه
خرجت هبه من دورة المياه وجدت حمزه جالس فوق الفراش فتقدمت منه بخجل
هبه صباح الخير الحمام فاضى لو عايز تدخل
حمزه صباح الورد يا جمر عامله ايه النهاردة
هبه بخجل الحمد لله انا.
قطع حديثها دقات على باب الغرفه
واتجهت إلى باب الغرفه وفتحته لتدخل كوثر وتفيده التى لا تكف عن الزغاريد
تفيده وهى تضع الطعام على الطاوله وتحمل الطعام البائت الف مبروك يا ست هانم منه المال ومنك العيال مكلتوش الوكل امبارح ليه
هبه الله يبارك فيكى يا تفيده وقولتلك قبل كدا بلاش ست هانم دى انا كدا هزعل منك
كوثر وهى تلاحظ خجل هبه صباحيه مباركه يا ولدى ربنا يخليكوا يا رب
حمزه وهو يبتسم يارب يا حجه دعواتك
كوثر دعيالك فى كل صلاه يا ولدى يلا نستأذن احنا علشان تأخدوا راحتكم
حمزه ماشى يا حجه ربنا يخليكي ليا يا رب
حمزه يلا جبل الفطور ما يبرد انى بنحب نأكله سخن
هبه يهمس حاضر يلا بينا
فى المستشفى
كانت رقيه تجلس مع يوسف الذى كان يتجاهل وجودها عندما لاحظت قيامه من الفراش
رقيه وهى تتجه نحوه رايح فين
يوسف داخل الحمام هكون رايح فين مسافر مثلا..وتعثر فى المقعد الموجود بجوار دوره المياه
رقيه وهى تحاول اسناده خلى بالك هتتعور
يوسف وهو يدفعها بعيده عنه ابعدى عنى ملكيش دعوه بيا انتى...وصمت عندما سمع صوت اصطدامها بالارض...رقيه..رقيه انتى كويسه
يوسف رقيه ...رقيه انتى كويسه... حبيبتي انتى كويسه...ردى عليا أرجوكى ..انا اسف ..اسف على كل حاجه عملتها...رقيه انتى سمعانى أرجوكى قولى اى حاجه...انا مش عارف انتى مالك ...ردى عليا يا حبيبتي...ردى عليا يا رقيه
كانت رقيه تشعر بالدوار بسبب اصطدامها بالارض ولكنها سمعت كل كلمه قالها يوسف مما اعطاها امل لتفعل ما املت أن تفعله كثير ا رفعت ذراعها ووضعت كفها على وجنته
رقيه پبكاء ومدام انا حبيبتك بتعمل فيا كدا ليه ...بتعذبنى ليه
يوسف مبقاش ينفع ... دلوقتى مبقاش ينفع ..انا خلاص بقيت عاجز ...انا بقيت.
رقيه وهى تعتدل وتضع كفها على فمه متقولشى كدا ابدا ...لو بجد بتحبنى متقولش كدا تانى ...لو بجد انا حبيبتك متعذبنيش
يوسف ياااه يا رقيه انتى متعرفيش انا بحبك اد ايه انا من يوم ما شفتك لما جيتى تتقدمى لوظيفه السكرتيره وانا مشفتش حد غيرك ...انا بحبك من وقتها بس اللى كان مانعنى انى بينى وبينك ١٢ سنه انا كبير اوى عليكى ودلوقتى ...انا ..
رقيه مقاطعه انت حبيبي...انا بحبك من اول يوم اشتغلت عندك فيه ...حبيت احترامك وادبك..حتى لما كنت بتزعق ليا حبيتك اكتر وفرق السن مش كبير ذى ما انت شايف بالعكس انا مش فارق معايا اي حاجه ..وپبكاء...انا اللى كان معذبنى انك بتبعدنى عنك ويوم ما سعيد اتقدملى كنت مستنيه منك اى اعتراض بس انت معملتش حاجه ...حتى جوازنا كان علشان الڤضيحه اللى حصلت فى الشركه
يوسف لا انا اللى كنت أنانى واستغليت اللى حصل علشان اتجوزك كنتى عايز اخليكى تحبينى وكنت متأكد أن بعد الجواز هقدر اعمل كدا ..لانى
بحبك بعشقك يا رقيه ومقدرشى اتخيل حياتى من غيرك بس هبقى أنانى اوى لو طلبت منك تفضلى معايا وانا كدا
رقيه انا بحبك يا يوسف ومهما حاولت تبعدنى عنك مش هبعد سواء هفضل جنبك كزوجه او كسكرتيره ..وعمرى ما اقدر ابعد عنك انت
فى اليوم التالى
كريم انا اسف تعبتك معايا اكيد
سلمى ولا تعب ولا حاجه تحب اعملك حاجه ساخنه تشربها
كريم لا شكرا يا سالى مش عايز حاجه
سلمى بدموع انا سلمى
كريم بعدم فهم نعم ..قصدك ايه
سلمى انا اسمى سلمى مش سالى
ووقفت واتجهت إلى دوره المياه وأغلقت بابها عليها بينما وضع كريم رأسه بين كفيه كيف يخطئ مثل هذا الخطا ووقف واتجه الى باب المرحاض
كريم سلمى ...سلمى لو سمحتى افتحى الباب
سلمى لو سمحت سيبنى لوحدى ...وحياة حنين عندك سيبنى لوحدى
كريم وهو يستند بجبهته على الباب انا اسف اول واخر مره والله صدقينى مكنشى قصدى
سلمى بصوت هامس وبكاء مش اول مره ولا هتكون اخر مره
فى الشركه
بعد انتهاء الاجتماع جلس عماد مع العميل يتحدث معه بينما انصرفت فاطمه الى مكتبها وعلى الرغم من اهميه العميل الذى معه إلا أنه كان شاردا فى فاطمه التى اصبح حملها ظاهرا وبدأت فى ارتداء ملابس الحمل فقد كانت ترتدى اليوم فستان خاص بالحوامل وترتدى فوقه جاكت قصير وحجاب متناسق اظهر جمالها بدون تكلف وحاول أن يقارن بينها وبين ريهام وجدها تفوز فى كل شئ وآفاقه من شروده تحدث العميل إليه
العميل عماد بيه لو مشغول ارجع لحضرتك وقت تانى
عماد لا ابدا انا مع حضرتك اهو انا بس سرحت شويه
العميل عندك حق تسرح بصراحه انا اول مره اشوف واحده حامل بالجمال ده
عماد وهو يلتفت إليه انت بتتكلم عن ايه
العميل المدام اللى كانت قاعده معانا فى الاجتماع انا لاحظت نظراتك ليها بس بجد ذوقك هايل بس خساره متجوزه
عماد بحنق اه هى فعلا متجوزه النطع اللى قاعد قدامك ده ...انت بتتكلم عن مراتى يا استاذ
العميل بأرتباك انا اسف جدا لحضرتك مكنتش اعرف والله...بعد اذنك لازم امشى دلوقتى
عماد پغضب اتفضل مع السلامه
لا يعرف عماد لماذا شعر بأن دماءه تغلى عندما تغزل هذا الرجل بفاطمه فهو يستمتع عندما يتغزل احد رفاقه بريهام وبملابسها لماذا شعر بالڠضب عندما حدث نفس الموقف مع فاطمه ...لماذا....
بسم الله الرحمن الرحيم
لا تدع القراءه تلهيك عن الصلاه
الفصل الثاني والعشرون
بعد اسبوع
فى القصر
كانت هبة تجلس مع كوثر وكانت ترتدى عباءة استقبال باللون الزهري فقد اخبرتها كوثر بوجوب الهبوط الى الاسفل حتى تأتى السيدات لتهنئتها وعندما انتهوا جميعا من إعطاؤها الهدايا وتقديم التهانى غادروا جميعا
كوثر معلهش يا بتى اكيد صدعتى من رغى الحريم بس دى عاداتنا
هبه بالعكس دول كانوا لطاف اوى
تفيده انى هجوم انجل الحاجات دى لفوج
هبه طيب استنى اجى اساعدك
تفيده يا عيب الشوم انتى ست العرايس تجعدى والكل يخدمك
عائشه التى تجلس معهم بنفور يعنى هى طول عمرها عندها اللى بيخدموها
هبه بهدوء لا طبعا مكنشى عندى والموضوع ده ميعبنيش فى حاجه
عائشه وهى تنظر اليها بقرف طبعا بنت فجر تضايجى من ايه
كوثر پغضب عايشه اتحدتى زين مع مرت الكبير يا اما تدلى على دار ابوكى
عائشه بجى كدا يا مرات عم تطردينى عشان دى ...واشارت لهبه بأشمئزاز اللى اهلها ذات نفسيهما ميعرفوش عنها حاجه رمينها رميت الكلاب اللى .
systemcode ad autoadsأوقفها جذب حمزه لها الذى لم تره وهو يدخل وضربها على وجهها بكف يده وقال لها وهو ينظر اليها بشړ
حمزه لما تتحدتى عن مرتى تتكلمى زين انتى جاعده فى دارها واى كلمه تطلع من خشمك تفكرى فيها الف مره جبل ما تجوليها هبه دى ست البنات وست النجع كله فاهمه ولا افهمك
هبه وهى تقف بينهم خلاص يا حمزه علشان خاطرى هى متقصدشى .اااه
عائشه وهى تدفعها بعيدا عنها مبجاش غيرك انتى اللى تدافع عنى انى عايشه ستك وست اهلك كلهم
حمزه الدار دى متدخليهاش تانى الا لما تعرفى تتحدتى ذين يا بت عمى اخرجى بره ...يلا
خرجت عائشه وهى تتوعد لهبه برد الصاع صاعين بينما اجلس حمزه هبه على المقعد المزدوج وجلس بجانبها
كوثر انى مش عارفه مالها عايشه عمرها ما كانت جاسيه أكده
حمزه أدى اخرت دلع عمى فيها عايشه دى عايزه كسر رجبتها...ونظر الى هبه بحنان..كيفك دلوجيت زينه
هبه بأبتسامه الحمد لله
نظرت هبه الى حمزه الذى وقف امام ابنه عمه من اجلها وامنت أن هذا الرجل هو فعلا من يستحق حبها واحترامها وقررت أن تكون الليله ليله زواجهم فقد تأكدت الان انها قد أصابت فى اختيارها
systemcode ad autoads
فى فيلا كريم
لاحظ كريم ان سلمى لا تتحدث معه كثيرا منذ أن أخطأ فى اسمها ولم تعد تبتسم فى
