حكمنا الهوى للكاتبة الشيماء محمد الاحمد
ادتلك الملف معقول
ابتسامته وسعت ورد بثبات افتح ايميلك هتلاقي كل تفاصيل الصفقة و وريني شطارتك بقى و وريني ازاي هتضربها ومش بس كده ابن المرشدي ممكن يتضر بالصفقة دي فإيه رأيك نضرب عصفورين بحجر الصياد والمرشدي
ضحكوا الاتنين ضحكة خبيثة وعصام جمع فريقه وعلى رأسهم دراعه اليمين واسمه مدحت وبيخططوا ازاي يضربوا الصفقة دي في مقټل !
بعد يومين وده اليوم اللي هيتفك فيه الحبل من حوالين رقبة سيف وحوالين رقبة الصياد جروب كلها الصبح سيف صحي متوتر وخاېف من أي سبب يخلي الصفقة دي ما تتمش بص في ساعته لقى لسه بدري جدا بس مش قادر ينام ولقى نفسه جايب رقمها حاول يمنع نفسه انه يتصل بيها بدري كده بس محتاج يسمع صوتها ويعتبرها تميمة حظ له اتصل بيها وجرسين بالظبط وردت عليه بنعاس مش قلت مش هتتصل غير في الضرورة
ماعرفش يكمل وهي اتعدلت والنوم راح من عينيها وسألته بسرعة ايه اللي هيتم النهارده
أخد نفس طويل ورد صفقة لو تمت هتكون بداية استغنائي عن المحلاوي وبنته كلمتك عايز دعوتك ربنا يقدرني عليها ويقربنا من بعض يا همستي.
دعتله من قلبها وقفل علشان يقوم يشوف اللي وراه وهي فضلت مكانها تدعي ربنا يقربهم من بعض ويوفقه في كل خطواته .
أمها دخلت عندها واستغربت انها صاحية وقالتلها انهم هينزلوا القاهرة مع نادر هو هيروح شغله وهما وراهم مشوار هيخلصوه ويرجعوا .
سأله بهدوء تيجي تعمل ايه يا كريم أنا مقدر قلقك واهتمامك بس لو احتجت لمساعدتك مش هتردد أبدا أطلبها بس ما تقلقش عليا قدها بإذن الله .
كريم ابتسم بتفهم عارف انك قدها بس أنا متوتر جدا فقولت اشوف اخبارك ايه و أعرض عليك أجيلك يمكن تكون محتاج حاجة.
شكره سيف وقفل معاه وراح يبدأ اجتماعه ومعاه فريقه كله .
حازم دخل مكتب عصام پغضب لدرجة انه حتى ما خبطش وزعق أنا عرفتك توقيت الاجتماع وسيبته يتم ! امال أنا بقولك ليه
عصام بصله بغيظ وبعدها بص في ورقه وتجاهله فحازم قرب پغضب الاجتماع دلوقتي وانت سايبه يتم انت خلاص استغنيت امال تاعبني من سنين ليه وراهم لما هتسيبهم دلوقتي
بصله بحنق بالرغم من انك غبي ومستفز بس هقولك الاجتماع لازم يتم وأنا سايبه يتم وبعدين خليه يدوق طعم النصر في بوقه الأول قبل ما نقلبهوله لعلقم يدوق ويفرح ويهيص وبكرا ياخد الضړبة على خوانة هو وابن المرشدي بكرا ابقى هاتلي الأخبار عنهم .
ابتسم بمكر هشرحلك لأنك غبي لو منعت الاجتماع فعادي جدا صفقة واتلغت وكريم مش هيغلب انه يعوضهاله لكن لو بعد ما اتفقوا ضربنا الاتفاق ده وبوظنا العلاقات وبما ان كريم الضامن فبكده هنضرب الاتنين في بعض ومع بعض سيف هيخسر صفقته وكريم هيخسر احترامهم ومش بعيد يخسر أكتر من كده وساعتها حتى لو هو سامحه أبوه مش هيسامح وبكده نقفل كل الطرق على سيف .
سأله بتفكير وهتضرب ازاي بقى
ابتسم بخبث بنفس الطريقة اللي جيبتلي بيها ملف الصفقة خليك ذكي وشغل دماغك .
ضحك حازم بإعجاب بتفكيره دماغ بنت حرام مش بتنام لا عجبتني وأكتر حاجة عجبتني انه هيفتكر نفسه نجح وبعدها نديله قلم يلوحه ويفوقه يااه أدفع نص عمري وأشوف شكله لما يعرف خبر خسارته.
نادر بعد ما وصل القاهرة ومعاه والده ووالدته بصلهم باهتمام ها قررتوا هتروحوا فين المصنع
