العاصفة الكاتبة شيماء محمد الفصل ١٤

هروح بس مش دلوقتي هي وسط أصحابها 
ناهد فهمت ابنها وعرفت إنه متضايق من لبس ملك فبصتله طيب ليه يا كريم ما تختارش معاها لبسها يمكن مش عارفة تختار مثلا أو مش عارفه إنها ممكن تلاقي هدوم شيك ومحترمة عن كده ! 
كريم ضحك بتريقة أنا عملت كده وجيبتلها فستان الحفلة بس الظاهر إنها بتوريني إنها كده ومش هتتغير وإن كان عاجب 
ناهد هترد بس حسن اتدخل أجلوا الحوار ده للبيت لأن أبوها وأمها جايين أهم 
رقية وخالد جم قعدوا معاهم ورحبوا بيهم جدا 
ناهد بصت لرقية بهدوء هي ليه يا رقية ملك ما لبستش الفستان اللي جابه كريم ليها ماعجبهاش ولا ايه ! 
رقية بصتلها بغيظ لا طبعا عجبها بس مش ستايلها .. بعدين طويل أوي وخنقة وماقدرتش تتحرك فيه .. هي مش متعودة على النوعية دي من الفساتين وما أعتقدش هتتعود 
ناهد باستغراب ليه ما تتعودش ! وبعدين عاجبك 
كريم قاطع والدته ومسك ايدها وضغط عليها يسكتها زي ما بابا قال مش وقته الكلام ده .. ملك حرة في ستايل لبسها أكيد طبعا .. وحرة في كل تصرفاتها 
رقيه ابتسمت وافتكرت إنها كده وصلت رسالتها وكريم هيقتنع ويسلم بالأمر الواقع أيوة فعلا حرة وكل طرف مطلوب منه يقبل الطرف الثاني زي ماهو بدون تعديل 
خالد اتدخل الحياة مشاركة مش كل واحد حر .. ما ينفعش إن كل طرف يبقى حر وإلا انعدمت المشاركة وبناء عليه هتنعدم الحياة أصلا بين الطرفين 
حسن حس إن الوضع هيتأزم أنا مازلت مصر إن ده مش وقت النقاش ده أصلا ولا مكانه .. فين التورتة يا عم خالد ولا ايه النظام ! 
خالد ابتسم هشوفها وصلت فين طيب 
رقية شاورت لبنتها تيجي وقربت منهم سلمت على ناهد ومؤمن وكريم بصت ناحيته وابتسمت أهلا كريم 
كريم بدون ما يبتسم رد باقتضاب أهلا 
قعدت جنبه انتظرت هجومه أو خڼاقه بس كان ساكت تماما بشكل غريب 
حاولت تفهم بيفكر في ايه أو ناوي على ايه بس معرفتش فبصتله ساكت ليه كده ! ما تتكلم 
كريم بدون ما يلتفت لها ماعنديش كلام أقوله 
ملك باستغراب أنت عمرك ما غلبت في الكلام فازاي بقى ماعندكش كلام 
كريم بصلها وهز أكتافه ماعنديش 
ملك بغيظ قلي أي حاجة ! قد ايه الحفلة حلوة ! قلي كل سنة وأنتي طيبة ! قلي قد ايه أنا جميلة قلي فستانك رائع ! قلي أي حاجة 
كريم بصلها وابتسم بطريقة مستفزة واضح إنها مصطنعة أوي الحفلة جميلة وكل سنة وأنتي طيبة دول عندك حق فيهم وقلتهم أما بقى قد ايه أنتي جميلة فده بقى حق مشروع للكل وأكيد الكل قام معاكي بالواجب وزيادة والكل قالك الجملة دي فأنتي مش منتظراها مني لأن مابقالهاش قيمة بالنسبة ليا.. أما فستانك فصراحة مش شايفه أصلا فستان يعني
ملك مصډومة من كلامه ومش عارفة ترد عليه وهو باصص لقدامه قلتلك ماعنديش كلام أقوله بس أنتي أصريتي تسمعي .. قومي لأصحابك بيشاورولك قومي ده عيد ميلادك ودي حفلتك 
ملك بتتنفس بالعافية ونفسها لو ټنفجر فيه وفي بروده بالشكل ده .. يعني قاعد في منتهى الهدوء بعد ما خلاها هي كتلة من الڼار والغيظ 
قامت من جنبه پعنف وراحت وقفت مع كوكي وممدوح اللي ابتسم شكله طرقعلك .. أنا مش عارف أنتي ايه اللي جابرك ! بعدين اديتك الأقراص روحتي رميتيها