حكمنا الهواء الكاتبة شيماء محمد الفصل الثاني

ويعدلهم .
بصتله باستغراب يعيدهم من تاني  
أكدلها تاني وتالت لحد ما يعجبوكي .
ابتسمت وحطت ايدها على دراعه ربنا ما يحرمني منك يا حبيبي .
مسك ايدها على دراعه بحب ولا منك يا قلبي امتى بقى تيجي تنوري الشقة دي خلاص بجد صبري نفد .
شوية والراجل وصل ومعاه اتنين يركبوا الستاير والكل مشغول معاه وشوية وفاتن بصت لبدر بدر حبيبي هو ده تليفونك  
كان قدامها على ترابيزة الانتريه فبصلها اه يا ست الكل تليفوني .
فاتن بصتله انت عامله صامت ولا ايه كل شوية ينور ويطفي ما تيجي تشوف ليكون أنس بيرن عليك  
بدر بتعجب بس أنا مش عامله صامت . 
راح ومسك الموبايل وفتحه وبعدها عينيه وسعت پصدمة اه يا بنت الكلب! اه يا واطي يا أنس الكلب .
هند قربت منه پخوف في ايه يا حبيبي خير  
رد عليها وهو بيتصل مش خير أبدا .
كلهم اتلموا حواليه وهو اتصل بحد بعدها زعق بعصبية اه يا واطية بتعملي ايه قسما بالله يا رشا ان ما وقفتي الهبل اللي بتعمليه ده ماهسيبك
ضحكت وصوت ضحكها كان عالي وقفني يا حبيبي .
قبل ما يرد كانت قفلت السكة وهند جنبه بتسأله بحيرة في ايه يا بدر 
بصلها پغضب الواطية سحبت حاجات ب ٢٠ ألف من الفيزا المتخلف أنس اداها الفيزا .
كلهم جتلهم حالة ذهول وهند سألته بتوتر هتعمل ايه طيب وقفها .
بدر بيدور في موبايله بعصبية هوقفها بس هي .
قطع كلامه لان جتله رسالة تانية وهند حطت ايدها على قلبها وهو بيحرك دماغه بغيظ وبعدها اتصل بخدمة العملاء طلب منهم قفل الفيزا لانها اتسرقت .
بصلهم بإيجاز هند أنا لازم أنزل دلوقتي أمشي العمال دول ولا ايه 
خاطر رد عليه بتفهم سيبهم وانزل انت احنا موجودين بس بالله عليك طمنا .
سابهم ونزل جري يشوف ابنه وطليقته فين وبص لآخر عنوان جتله منه رسالة بالسحب وراح عليه وصل واتصل برشا بس قافلة موبايلها فاتصل بابنه اللي رد عليه فزعق بغيظ انت فين يا حيوان 
أنس رد بصوت واطي احنا في محل الدهب اللي انت جبت منه لهند .
بدر ما استناش وجري على المحل كانت هي بتحاسب بس هو دخل زي المچنون ومسكها من دراعها وهي اتفاجئت بيه فزعق في وشها بكره هي وصلت للدهب كمان انتي ايه  
صاحب المحل زعق لو سمحت أنا هطلب الأمن . 
بدر پغضب اطلبه للحرامية دي بص لرشا وأمرها بتوعد هاتي الفيزا .
رجعت خطوة لورا پخوف مش هديهالك دي أقل حقوقي .
زعق بغيظ حقوقك انتي مالكيش حقوق هاتي الفيزا وإلا قسما بالله هخليكي تقضي ليلتك في القسم يا رشا .
رشا بصت لابنها اللي واقف مذهول وكلمته بغيظ شايف باباك بيعمل ايه شايف علشان بس تقول انه بيحبك و ..... 
قاطعها بدر وهو بيشد من ايدها شنطتها بعصبية هاتي الفيزا وهو حسابه أصلا معايا عسير .
بيقلب في الشنطة بنفاد صبر فين الفيزا  
الراجل بصله الفيزا هي بتحاسب بيها اهيه.
بدر بصله پغضب حاسبت ولا لسه 
حرك راسه بنفي لسه .
بدر مد ايده بجمود هات الفيزا معاها فلوس تدفع تشتري معاهاش يبقى مايلزمهاش .
أخد الفيزا بتاعته وبصلها بټهديد تحبي أطلب الشرطة وأقول انك خطفتي ابني وسړقتي الفيزا  
ضحكت وبصتله باستفزاز اعملها يا بدر اسجن مراتك علشان عشرين ألف اعملها يلا .
بصلها پغضب أنا مطلقك من أكتر من عشر سنين دلوقتي جاية تقولي مراتي انتي امتى كنتي مراتي بص لصاحب المحل وقاله اطلب الشرطة مش قدامك واحدة كانت هتسرق بضاعتك 
أنس وقف قصاد أبوه بتوسل علشان خاطري لا يا بابا .
بدر بصله وزق ايده بعيد عنه بجمود انت مالكش خاطر خلاص يا أنس أنا للأسف قدرتك وعاملتك كراجل واديتلك الفيزا علشان تعزم مامتك على الغدا مش علشان تسرقوني بس الغلط فعلا مش عليك الغلط عليا أنا اني فكرتك بني آدم بتفهم مش عيل بيتلعب بيه بس ملحوقة ملحوقة يا أنس .
بص للراجل وزعق اطلب الشرطة .
أنس مسك دراعه تاني پخوف بابا خلاص أرجوك بص الفلوس في شنطتها خدهم .
رشا مسكت شنطتها پخوف مش هياخدهم وخليه يطلب الشرطة لأم ابنه وهما يشهدوا