جانا الهوى الكاتبة الشيماء محمد الفصل الرابع عشر

بوقها لازم يغمى عليها .
نادر بص لأمه بعتاب هو صحيح بابا شرط على بدر علشان يوافق يسيب ابنه  
نادر مسك دراع مامته بتصميم كلميني هنا الأول يا ماما صحيح الشرط ده  
كشرت وزعقت اه صح ماهو لما تبقوا مجانين ومش عارفين فين مصلحتكم لازم نقول شروط زي دي .
حرك راسه برفض انتي متخيلة بشاعة اللي بتعملوه انتوا بجد عايزينه يرمي ابنه ويتجوز بنتكم طيب لو وافق
فاتن زعقت لابنها لان موقفها ضعيف فبتحاول تتغلب عليه بصوتها العالي واد انت انزل هات علاج لأختك وبطل تاكل دماغي وأيوة صح أبوك قال أول عروسة هيشوفها مناسبة هيطلبهالك .
نادر رفع حواجبه باستغراب وبعدم تصديق نعم انتي قلتي ايه لا انتوا بجد مش طبيعيين أبدا فالأحسن اني ما أجادلش معاكي كمل بتهكم قال عروسة قال والله يا زمن .
سابها واقفة وخارج أنا رايح أجيبلها مغذي وانتي شوفي هتعرفي تأكليها ولا 
نزل ورجع بعد فترة ركب لأخته المحلول المغذي في دراعها وقعد جنبها شوية وحاول يطمنها ما تعمليش كده في نفسك يا هند وبإذن الله كل حاجة هتتعدل دي فترة وهتعدي .
دموعها نزلت بدر لا يمكن يسيب ابنه .
بصلها بتعاطف مش هيسيب ابنه وبابا أنا هتكلم معاه وأشوف دماغه فيها ايه المهم انتي ما ينفعش تكوني ضعيفة كده مش ده الحل ومش هتلوي دراعهم بالشكل ده بالعكس أبوكي ممكن يعاند أكتر .
بصتله بحزن أنا مش بلوي دراع حد أنا بس مش قادرة يا نادر كل حاجة فقدت معناها وبريقها والأمل بيضيع مني .
رفعت عينيها له انت ألمك خف يا نادر  
بصلها وصورة بسمة اترسمت قدامه وكل لحظة حلوة معاها مرت قدام عينيه ومشهد وقوف وحاتم بيحط الدبلة في ايديها اتنهد بحزن وخرج من دوامته وبص لأخته بۏجع أنا وضعي مختلف يا هند وضعي مختلف .
حركت راسها برفض كله ۏجع يا نادر وعلى رأي المثل تعددت الأسباب والمۏت واحد .
قاطعهم دخول خاطر اللي خاېف على بنته وبصلها فيكي ايه أمك اتصلت بيا بلغتني انتي عاملة ايه بص لابنه وسأله بقلق أختك مالها يا نادر وفيها ايه  
أبوها مش فاهم ليه ابنه بيكلمه بنبرة الاتهام دي فسأله وليه ضغطها واطي وليه بتبصلي كده  
نادر قرب من أبوه بعتاب انت ازاي قدرت تتشرط على بدر انه يرمي ابنه علشان توافق عليه  
جاوبه بغيظ لأنها ما بتاكلش كويس وحزينة طول الوقت ده اللي وطى ضغطها .
خاطر رجع خطوة لورا وبصلهم الاتنين باستنكار وانتوا فاكرين انها لما تمنع الأكل وضغطها يوطى أنا هوافق عليه  
هند بعياط أنا ما منعتش الأكل وعمري ما فكرت اني أضغط عليكم أبدا .
عيطت والاتنين بصولها بۏجع بس خاطر كشړ وزعق طيب كويس وياريت تفوقي كده لنفسك لأني مش هوافق عليه بالطريقة دي وسيادتك بص لابنه وكمل لما أبقى أموت ابقى جوزهم لأي حد لكن طالما أنا عايش يبقى أقول لا وأه براحتي واللي مش عاجبه الباب يفوت ألف جمل .
دخلت فاتن على صوت جوزها العالي ومسكت دراعه بتوتر خلاص يا أبو نادر ليه ده كله 
خاطر بصلها بعصبية سيادته بيحاسبني و واقف قدامي يقولي ينفع وما ينفعش .
نادر زعق هو كمان أنا مش بحاسب حضرتك بس الشرط اللي حضرتك حاطه ده مستحيل ولا يمكن راجل يقبل بيه أبدا ما ترفضه أفضل من التعليقة دي .
خاطر وقف قصاد ابنه باستفزاز بس كده حاضر يا نادر