جانا الهوى الكاتبة الشيماء محمد الفصل الرابع عشر

في المدرسة والكل بيستعد لامتحانات نص السنة وبيراجع للطلبة بتوعه وكالعادة بدر وهند حصصهم ورا بعض كانت خارجة من الفصل بتاعها وهو واقف برا مستنيها تخلص علشان يدخل هو ولاحظ انها دبلانة جدا وشكلها مش طبيعي أبدا . 
ابتسمت بتعب أنا كويسة ما تقلقش .
رد بعدم تصديق طيب استأذني وروحي ارتاحي 
رفضت بهزة من راسها أنا كويسة أنا في الفصل اللي جنبك .
سابته ودخلت الفصل وهو قلقان عليها بس مش بايده حاجة يعملها. 
بدأ الحصة بتاعته وشوية وسمع دربكة في الفصل اللي جنبه ولحظة وطالبة من الفصل اللي جنبه جت وبتوتر بلغته مستر الميس اغمى عليها واتخبطت وهي بتقع في الترابيزة اتعورت في راسها .
بدر ما سمعش باقي الجملة وجري عليها وهو ھيموت من القلق دخل ومش عارف يعمل ايه بص للبنت اللي بلغته وطلب منها تنزل تبلغ تحت علشان يبعتولها الإسعاف حاول يفوقها وبعدها فكر في أخوها نادر فطلع موبايله وكلمه ونادر رد ولسه هيسلم عليه بدر قاطعه بتوتر دكتور هند اغمى عليها ومش عارف أفوقها 
بدر اتضايق من نبرة الاتهام بس مش وقته في الفصل بتاعها وقعت هنكون فين يعني  
نادر دقايق وهكون عندك .
الدنيا اتقلبت وكتير طلع يطمئن عليها وخصوصا أصحابها والدكتورة اللي موجودة في المدرسة فوقتها ونادر وصل فعلا بسرعة و أول ما وصل لأخته اللي كانت فاقت ضمھا وبيكشف عليها وهي بتحاول تطمنه انها بخير بس مش بيسمعها وبعدها بصلها بعتاب سيادتك ضغطك واطي جدا آخر مرة أكلتي كانت امتى  
هند سكتت وبصت للأرض بحزن فبصلها وبص لبدر اللي واقف متوتر ومراقب الوضع من بعيد نادر شكر كل اللي موجودين و قالهم انه هياخدها ويروح .
ساب أخته مع أصحابها يجيبوا شنطتها وحاجتها وهو راح ناحية بدر ازيك يا بدر 
بصله بحزن أنا الحمد لله بخير وحضرتك  
نادر حرك راسه كويس كويس أنس أخباره ايه 
كشړ لما جاب سيرة ابنه يهمك تعرف أخباره  
نادر أستغرب نبرة التهكم في صوته وبصله أكيد يهمني وإلا ماكنتش هسأل .
نادر ردد بحيرة تخلص منه أنا مش فاهم انت بتتكلم عن ايه وايه تخلص منه دي هو في حد بيخلص من ابنه  
بدر اتراجع وفهم ان نادر ماعندهوش علم بشرط أبوه فرد بضيق ابني بخير المهم حمدلله على سلامة الأستاذة هند بعد إذنك .
نادر مسك دراعه بتساؤل لا فهمني الأول ايه الموضوع  
بدر لاحظ ان أكتر من مدرس بيقرب من نادر فبصله بإيجاز اسأل والدك وهو يقولك . 
قبل ما يعترض وصل المدرسين وبدأوا يطمئنوا على هند من أخوها اللي حس انه مقصر جدا ناحية اخواته 
هند دموعها لمعت وبصت للأرض بابا شرط عليه يا أنا يا ابنه .
ما فهمش قصدها أو رافض يتقبل اللي سمعه لان ده مش أبوه اللي ممكن يقول شرط زي ده يعني ايه انتي أو ابنه مش فاهم .
نادر بص لأخته باستنكار بابا لا يمكن يشرط شرط زي ده أبدا وبعدين ايه يرجعه دي هو قميص هيرجعه المحل لا طبعا بابا لا يمكن يقول كده .
هند بصت لبعيد بتهكم اهو ده اللي حصل .
الصمت سيطر عليهم طول الطريق للبيت وصلوا وطلعوا البيت وأمهم أول ما شافتهم خاڤت في ايه مالكم  
نادر قالها اللي حصل وأمها دخلتها أوضتها وبتعاتب فيها جنابها بطلت تاكل بتعاقبنا علشان خايفين عليها من امبارح الغدا ماحطتش لقمة في