كامل الأوصاف عشق وكنان الكاتبة صفاء حصريا وكاملة

طلب تاني وبإذن الله أحاول اظبط الدنيا عشان هو ميحسش إني مقصرة أنا كل اللي عايزاه ٣ شهور بس لحد ما أتخرج وبعد كدا ربنا يكرمني وأتوظف
أنا هستأذنك دلوقتي علشان عندي إمتحان ادعيلي لأني للأسف مقدرتش أراجع المادة كويس شغل الفترة المسائية مع دا ضيعوا كل وقتي ..
سألها كنان بتشتغل ايه بليل ..
ردت عشق والتعب والإرهاق باين عليها وكأنها هيغمى عليها 
في محل ورد 
عشق حست إن الدنيا بتلف بيها وكانت هتقع لحقها كنان ونظرات عيونهم التقت وبعد كدا غابت عن الوعي ..
كنان اټصدم شالها وكانت دي أول مره في حياته ېلمس بنت وتكون بين إيديه بالشكل دا مكنش عارف إيه اللي لازم يعمله كان متلخبط 
كل اللي كان شاغل تفكيره إزاي يفوقها لأنه كان خاېف عليها ..
كنان شالها وخرج وهو مش عارف يعمل إيه 
شافته شهد قربت منه پخوف وسألته 
هي عشق مالها حصلها إيه ..
كنان بلع ريقه پخوف 
كانت بتتفق معايا على الشغل وفجاءة وقعت من طولها
شهد قالت 
للأسف مش هتلاقي مكان تحطها فيه علشان ترتاح غير مكتب أستاذ رفيع ..
من غير ما يفكر أخدها ودخل بيها على مكتب أبوه واتصل بالدكتور
رفيع دخل وشاف إبنه متلخبط وقلقان لكن أتعامل معاه على إنه أيمن 
رفيع
هو في إيه ممكن حد يفهمني ..
شهد وقالت 
عشق أغمى عليها وكان لازم ومافيش مكان نحطها فيه علشان ترتاح غير مكتب حضرتك إحنا آسفين أوي ..
رفيع بص لإبنه اللي كان واضح على ملامحه القلق والخۏف
وابتسم إن ممكن مشاعره تكون اتحركت ومادام إبنه مشاعره اتحركت يبقى كل حاجه هتكون بخير وخصوصا إنه بعت التقرير لدكتور خارج مصر والدكتور أكدله إن إستحالة التقارير دي تكون حقيقه وإن أكيد إبنه بيضحك عليه علشان مايتجوزش وقتها رفيع فرح واتمنى إن إبنه يقع في الحب
جيه الدكتور وكل الشركه عرفت إن عشق أغمى عليها الكل كان قلقان عليها لأنها خلال ال ٣ شهور قدرت تكسب محبة كل اللي في الشركة ..
الدكتور كشف عليها وقال إن عندها هبوط بسبب الإجهاد والزعل على أبوها وفعلا اداها حقنة وبدأت تفوق وتفتح عينيها
الكل كان ملهوف علشان يطمن عليها وخصوصا كنان 
كنان قرب منها وسألها 
إنتي كويسه ..
عشق فتحت عينيها وهي مش فاكره إيه اللي حصل معاها 
كانت بتحاول تقوم من مكانها 
لكنها حست بدوخة
شهد سندتها وقالت 
كدا ياعشق تخضينا عليكي أنا قلبي وقع في رجليا لما شفوت أيمن شايلك ومش عارف يعمل إيه ساعتها دخلناكي هنا في مكتب رفيع بيه ..
عشق بصتلهم وهي بتعتذر لرفيع وقالت 
حضرتك أنا آسفة أوي على اللي حصل وبصت للساعة 
ميعاد فنجان القهوة بتاعت مستر كنان ..
كنان حس بالغيرة للحظه وكأن كنان دا شخص تاني وزعق فيها 
هو دا وقته قاعدة تفكري في الشغل يتحرق كنان .. 
المهم إنتي إزاي تقعدي طول اليوم من غير أكل إنتي
مجنونه أنا كنت هتجنن عليكي ..
يتبع .........