كامل الأوصاف عشق وكنان الكاتبة صفاء حصريا وكاملة

علمها ..
كنان كتب لها ملحوظه إنه عايز على الغدا أكل مختلف ..
ثاني يوم عشق حضرت له على الغدا محشي ورق عنب مع لحمة وحطته جوا حلة حافظة للحرارة 
ولما جاء كنان وشافها شايله حلة كبيرة سألها 
إيه دا
عشق دا محشي ورق عنب ..
كنان پصدمه 
إنتي بتتكلمي بجد هتأكلي الموظفين محشي ورق عنب ..
عشق بضحكة 
لا طبعا المدير هو بس اللي هياكله هو طلب أكل مختلف وغير تقليدي وأكيد واحد بشخصيته مش بياكل الأكل دا فى بيته ..
بصلها كنان من فوق لتحت وقال
طيب ممكن أذوق عمايل إيديك ..
عشق برفض  
لا طبعا المدير الأول ..
كنان كشړ لكن جواه كان هيطير من الفرحة إنها فضلت مديرها اللي مشافتهوش عن أيمن ..
لاحظت عشق تكشيرته وقالت
أنا شيلالك طبق لكن تبقى تاكل برا الشركه طباخ السم بيدوقه وضحكت ..
شهق كنان بفزع 
هو إنتي حاطه فيه سم ..
ضحكت عشق 
يابني أنا بقول مثلا إنت كل حاجه بتصدقها أكيد والدتك بتعملك كل اللي إنت نفسك فيه يجي إيه أكلي جنب أكلها ..
كنان حس بالحزن لكن مبينش دا
عشق حضرت طبق لكنان وسويته في الميكروويف وغلفته بورق فويل وكتبت ورقة 
اتمنى إنه ينول رضاك وتعرف إني بحب شغلي أكثر من أي حاجة وإني مقصرتش فيه 
عند كنان 
كنان مد إيده أخد الشوكة وبدأ ياكل كان مبهور أوي بالأكل وبدأ يشوف شغل الشركة مع شغله الجديد ..
عشق بدأت تعرفهم على كنان على إنه أيمن 
وبدأ كنان يتابع شغله لكن مش من ورى الشاشه زي مابيعمل دايما لا دا بقى بيشتغل وسطهم كان مبسوط بالفريق اللي بيشتغل معاه حب شغله وكمان هما حبوه ..
فضل كنان بيتابع تصرفات عشق مع الكل وهي بتقدم لهم الأكل والمشروبات كانت بتتعامل بجدية مع الكل و
كان شايف اهتمامها بأبوها وراح معاها مرة وهي بتزوروا في المستشفى..
كانت زعلانه من شكل أبوها بعدما شعره وقع لكن كتمت مشاعر الحزن دي جواها
في يوم عشق جمعت الكل وطلبت منهم يسمعها وقالت 
ياجماعة الأيام اللي جايه أنا هكون مشغوله وأيمن هو اللي هيوصل الطلبات ..
حس كنان إنه ادبس في الموضوع لكن سابها تكمل كلامها وبعد كدا رجعوا على الكافتيريا وسألها 
عشق إنتي هتكوني مشغوله بإيه مش إنتي قولتي إن ملكيش حبيبي ..
عشق وهى تبتسم 
وإيه علاقة انشغالي فإن يكون ليا حبيبي أو لا الموضوع إن عندي إمتحانات الترم الأول ولازم أجهز نفسي كويس دا غير إن الإمتحانات هتكون الصبح فربنا بيحبني إنك قبلت بالشغل علشان أعرف ألم المنهج .. 
والنظام هيكون أنا هحضر الأكل بالليل وأسويه الصبح وهجيبه أسخنه في الميكروويف على قد الطلب بس ودا أكل الغداء أم الفطار أنا هكون مجهزه السندوتشات وطلب كل واحد هيكون عليه إسمه انت بس هتوصلهم ..
فهم كنان وسألها وطلب مستر كنان ..
اتنهدت عشق دا