كامل الأوصاف عشق وكنان الكاتبة صفاء حصريا وكاملة

كامل الأوصاف 
عشق الكنان 
وقف كنان وقال 
استنوني دقيقة وراجع مسك الصينية وجاب ورقة وكتب فيها
أنا عايز أسألك الأكل دا إنتي بتحضريه زي مابتحضريه لحبيبك أنا عايز بكره صنف أكل جديد غير دا وابعثيلي قهوة 
حط الورقة جوا الصينية ونزل بيها كنان لعند عشق ..
اخدت عشق الصينية وسألته 
هو اضايق منك ولا نفذت كل المطلوب ..
إبتسم كنان وقال 
عملت زى ماقولتيلي بالظبط هو طلب مني استنى ..أكل الأكل وبعدها طلب مني أنزل الصينية ..
عشق مسكت الصينية ومسكت الورقة وقراتها وإبتسمت

سألها كنان 
خير فيها إيه الورقة هو بيشتكي مني ..
ضحكت عشق وقالت 
لا بيسألني لو كنت بحضر الأكل لحبيبي بالطريقة دي ولا لا ..
كنان إستغرب ضحكتها وسألها 
طيب بتضحك ليه ..
ردت عشق وهي لسه بتضحك 
بضحك لسببين الأول إني ماعنديش حبيب ومعنى كلامه دا إنه بيقولي إن الأكل مش مظبوط فلازم أعمله بحب وفعلا أنا النهارده كنت ملبوخة والأكل مظبطش معايا وهو حس بكدا من طعم الأكل ..
كنان متوقعش إنها هتفهم قصده واللي بيفكر فيه من مجرد كلمتين كتبهم سألها 
طيب هو هيسألك ليه إن كنتي بتحبي حد ولا لا هو ملهوش حقك إنه يسأل ..
طيب وإيه السبب التاني
عشق 
السبب التاني إنه كشف إن اللي بيعمل الأكل بنت وبيفهمني إنه كشفني لكنه سايبني أكل عيش ..
كملت عشق بتبرير 
هو ميقصدش الإهانة هو بس بيستفسر إن كنت بحب أو لا هو كان عايز يوصلي إني لازم أشتغل بحب مش مجرد واجب وخلاص وإني لازم أغير في صنف الأكل يعني عايز يعطني فرصة ويختبرني إن كنت أستاهل إني أستمر في الشغل ولا لا ..
كنان هز راسه وهو من جواه مبسوط إنها فهمت معنى كلامه وسألها 
طيب إنتي كتبتي إيه ..
إبتسمت عشق وقالت 
لا دا سر هعمل القهوة وابقى طلع له القهوة ومعاها الورقة ..
عشق فتحت صندوق وحطت الورقة فيه
إستغرب كنان تصرفها وسألها 
إنتي ليه بتجمعي كل الورق اللي بيكتبه ..
وضحت عشق 
علشان أفهم شخصيته الورق دا عبارة عن شخصية المدير وعلشان أفهم إذا كان في تغيير في أسلوبه ولا لا ومن الرسائل بكتشف إن كنت نجحت في شغلي ولالا ..
كنان 
وتقييمك إيه لنفسك لحد النهاردة ..
فكرت شويه وقالت 
مادام طلب مني أتغير يبقى وجودي هنا زي عدمه ..
والله ما أنا عارفه أنا هعمل القهوة وهشوف ردوا .. 
عملت القهوة وطلبت منه يطلعها 
كنان كان ملهوف يعرف هي كتبت إيه رغم إنه إطمن إن ملهاش حبيب 
طلع ودخل على مكتبه و قراء الورقة قبل مايشرب القهوة فتحها كان مكتوب فيها 
أنا النهاردة غلطت فعلا ومعملتش الأكل بحب أنا بحب شغلي وماعنديش حبيبي يعطلنى عن شغلي ومرة ثانية هركز في شغلي كويس 
شرب كنان القهوة وهو مستمتع دخل عند أبوه والمأذون ومضى على الورقة جنب إسمها وبقت عشق مرات كنان بس من غير