كامل الأوصاف عشق وكنان الكاتبة صفاء حصريا وكاملة

صغيره ..
سأله كنان أي هي الحاجة دي ..
رد رفيع
كله في وقته حلو أخرج وابعتلي عم حسين ..
إستغرب كنان لكن هز رأسه وقال
ابقى حطني في الصورة وأوعى تخليني اتفاجئ بحاجه زي ما خليتها تطلع بهدوم شاب علشان تضحك عليا ..
إبتسم رفيع 
بس متنكرش إنها كانت مؤدبة ..
رفض كنان رأيه 
دا عيب مش صفة اللي يقدر الكذب في حاجه صغيره يقدر ېكذب في الكبيرة منكرش إني كنت حاسس بحاجه مختلفة لكن ... 
سكت كنان وهو بيفتكر ملاحظتها اللي كانت بتكتبها وتحطها على مكتبه ..
فلاش باك 
كتب كنان ملاحظة على ورقة زي مامتعود يكتب دايما 
القهوة مش مظبوطه ومش سخنة وكتب شروطه في القهوة ..
تاني يوم حطت عشق الأكل ووقفت في مكان بعيد علشان ميشوفهاش ..
كتبت ملاحظة حضرنا القهوة زي ماطلبت يافندم ممكن تجرب السندوتش قبل القهوة علشان القهوة مضره على الريق 
عندك أي ملاحظات ثانية ..
كتب كنان في الورقة 
واضح إنك بتدخل في اللي ملكش فيه بعد كدا تنفذ المطلوب وتطلع بعد ما أخرج من المكتب ..
قرأت عشق اللي كتبه كنان وابتسمت إنه أكل السندوتش قبل القهوة وكتبت 
حاضر يافندم وآسف على الإزعاج.
تاني يوم جابت مع السندوتش عصير برتقال وكتبت دا للغدا يافندم علشان حضرتك رافض إني أطلع وقت البريك ..
كنان كان كل يوم بيقرأ الرسالة ويشم عليها ريحة البرفان ..
باك ..
إبتسم كنان 
زي ماتوقعت كنت فاكر إنه شاب واستحملت رخامته لكن طلعت بنت غلباويه 
كانت بتقول حاضر وبتنفذ اللي في دماغها 
رفيع شاف الابتسامه اللي على وش كنان فحس براحه واتمنى الخير لإبنه وقرر إنه لازم يعالج إبنه مهما كان الثمن لكن لازم يضمن الأول إن عشق تكون معاه ..
خرج كنان وعشق راحت ناحيته وقالت 
ها طمني إيه الأخبار وافق إنك تشتغل معايا ولا لا اتكلم رد عليا ..
كامل الأوصاف 
سألته عشق بحيرة
عملت إيه اتقبلت في الشغل ..
كنان بصلها وهو بيفكر مع نفسه فى كل اللي حصل من وقت ماطلعته من وسط أحزانه ووجعه وهو بيقول في نفسه 
هي بجد متعرفش إني كنان ولا هي بتمثل على العموم الأيام هتثبت مين هيكسب الرهان .. 
رد كنان عليها
وافق لكن أنا مفهمتش حاجه كل اللي فهمته إني هفضل شهر تحت الإختبار ولو منجحتش ونلت الرضى هيطردني ..
عشق هزت رأسها 
تمام تعالى معايا جوا علشان أفهمك علشان بس منعطلش الشغل دا أكل عيشنا ..
دخلت عشق راحت عند أبوها عطيته العلاج وبدأت تحضر الغداء
قاطعها كنان 
هو طلب إن والد حضرتك يروحله على المكتب مش عارف ليه ..
بصت عشق لأبوها پخوف 
هتقدر تروح يا بابا ..
هز راسه بضعف 
اه يابنتي متقلقيش أكيد عايزني أفهم الشاب الجديد التعليمات زي ما عملت معاكي أنا هروح وإنتي فهميه كل حاجة ..
عشق هزت رأسها بالموافقة 
حاضر يا بابا ..
راح عم حسين لمكتب رفيع وسأله 
حضرتك طلبتني كنان باشا عنده اعتراض على