الفصل الثاني
كامل الأوصاف عشق وكنان الكاتبة صفاء حصريا وكاملة
يابنتي تعملي كدا هتذاكري إمتا يعني الصبح هنا وبالليل هناك دا كان وقت محاضراتك بردوا هتشتغلي فيه ..
قربت عشق منه ومسحت دموع أبوها وقالت
أنا كلي ملكك يا بابا وفداك أي حاجه ولا إنك تتحوج لمخلوق فى الكون إنت قولتلي إن أستاذ كنان عصبي أوي ..
قطعت كلامهم شهد اللي دخلت من غير ما تاخذ بالها من وجود كنان وقالت
عصبي وبس دا معقد يابنتي أنا سمعت إنه بيكره البنات ربنا سترها معاكي إنه مكشفكيش وإلا كان طلعك برا الشركه إنتي وأبوكي..
إتنهدت عشق وقالت
عارفه ياشهد آخر مرة لما اتأخرت وهو كان موجود أنا كنت مړعوپة أوي علشان كدا ماصدقت إن عمي إبراهيم قال هيبعث واحد يشتغل معايا والحمد الله الأستاذ جه في معاده ..
ولسه هيتكلم دخل عليهم رفيع وهو بيكلم عشق
عشق يابنتي أنا عندي ليكي عرض هيريحك من الشغل والتعب وكمان تقدري تكملي تعليمك وهيكون علاج أبوكي في أحسن مستشفى
ممكن دقيقة عاوز أتكلم معاكي..
قبل ما ترد عشق
رد كنان على عشق وقال
محسوبك أيمن يافندم ومتقلقيش أنا هكون معاكي وهكون مسؤول عن دور الأستاذ كنان لو يسمحلي حضرة المدير ..
رفيع اټصدم لما شاف كنان موجود معاهم وفهم نظرات إبنه فرد
إنت الشاب الجديد ..
كنان هز رأسه وقال اه يافندم ..
طيب تعالى معايا على المكتب ..
سألته عشق وأنا كمان يا فندم ..
بصلها رفيع وبص لإبنه وقال
وقت تاني يابنتي .
ووجه كلامه لكنان هات ورقك وتعالى ..
رد كنان
حاضر يافندم ..
كنان كان معاه ملف اخده معاه ودخل مع رفيع كل واحد كان عايز يسأل الثاني
اتكلموا في نفس الوقت
إنت بتعمل إيه
عم الصمت بعدها
إتنهد كنان
مين فيهم اللي إنت كنت عايز تذل إبنك قدامها عايزها تتجوز إبنك علشان محتاجه لفلوسه هي دي كاملة الأوصاف اللي عايزها تستحمل عجز إبنك مش معنى إنها بتشيل أبوها في مرضه إنها كدا هتشيل إبنك كمان فاهم ..
البنت مفيهاش غلطة إنسانه كويسه أوي أراهنك إنها هتوافق وهتكون في ظهرك ..
كنان مد إيده في إيد أبوه وقال
أنا موافق على الرهان لكن سيبني اختبرها الأول وأشوف إذا كان عندها استعداد تضحي بكل حاجه علشان الإنسان اللي معاها ولا كل طموحها الفلوس ..
إستغرب رفيع وسأله هتعمل ايه
رد كنان وقال
هشتغل مع عشق في الكافتيريا وكويس إن مفيش حد يعرفني وهتعامل مع كل الناس على إني أيمن الولد البسيط ومع الوقت هقرب منها وأعرف إذا كانت بتحب حد أو مرتبطه بحد ..
مينفعش ياوالدي تختار واحده قلبها مع حد وتطلب منها تكون مخلصة واللي بتبيع حد بتحبه ممكن تبيعني أنا كمان وأنا هثبتلك إن مفيش ست كاملة الأوصاف ..
إبتسم رفيع وقال
وأنا موافق على الرهان دا ويوم ماتقولي نفذ هنفذ لكن عندي حاجه
