موسي الكاتبة امانى السيد
ناويه تعرفينا بيكى ولا كنتى منتظره ايه عشان تعرفينا على معاليكى وتخلينا نشوف حفيدتنا كنتى محضرالنا مفاجأة
اينور بصت پصدمه لانه عرفها
موسى كمل كلامه انا هطلع مكتبى دلوقتي قدامك خمس دقايق وتحصلينى بعدها سامعه
اينور هزت رأسها وهى ومشى وهدى دخلت التواليت غسلت وشها عشان تضيع التوتر
طلعت إينور المكتب عند موسى وسابت الباب متوارب وراها ودخلت
موسى ايه يا مدام حضرتك معرفتناش على نفسك ليه بعد وفاه اخويا وجوزك الله يرحمه
اينور بتحاول تمسك أعصابها من المفاجاه محمود الله يرحمه اللى طلب منى مقلش اى حاجه ليكوا دى وصيته قبل مايموت وقالى لو انتوا عايزين بنته وعايزين تدوها حقها اخدت نفس وكملت هتنفذ وصيته وتدور علينا وتلاقينا
إينور لا ماقلش ليه اى حاجه لانى مش كنت بعرف ازوره
موسى والبنت موجوده فين دلوقتي سيباها في حضانة طبعا
إينور لا طبعا مع ماما اكلها وحاجتها كل جاهزه وبتقعد مع ماما
موسى اعملى حسابك بكره هتيجى على القصر مع البنت عشان ننفذ وصيه أخويا الله يرحمه
إينور طيب ممكن اعرف ايه هى الوصيه
موسى بكره هتعرفى ماتستعجليش تقدرى تتفضلى دلوقتي
خرجت إينور من عند موسى وكانت حاسه زى مايكون حد كان كاتم نفسها دايما بتسمع انه صعب لكن اول مره تتعامل معاه ده اصعب من كلامهم ايه ده ايه الړعب اللى انا فيه ده ليك حق يا محمود تخاف منه
عند إينور دخلت البيت وحضنت بنتها وباست راس ماماتها
إينور ازى حضرتك يا ست الكل
ام اينور بخير يا حبيبتي مال وشك شكله مخطۏف ليه
إينور مش هتصدقى يا ماما مين كلمنى انهارده
ام إينور مين يا حبيبتي
إينور عم تولين
امها پخوف موسى انا اسمع انه صعب اوى
إينور ليه هيبه كده تخلى الواحد ڠصب عنه ېخاف منه قالى اننا لازم نروح بكره القصر عشان ننفذ وصيه اخوه
امها مالقكيش ايه هى الوصيه
اينور مقالش قالى هتعرفى بكره تفتكرى ايه هى وصيه محمود الله يرحمه
إينور معقول بسهوله كده عموما يا خبر بفلوس بكره يبقى ببلاش
امها عندك حق
...............
عند موسى دخل القصر ودخل المكتب على طول وطلب من العامله انها تنده للابوه
دخل مهران المكتب على موسى
موسى عرفت كل حاجه عنها الهانم كل ده شغاله تحت ادينا فى الشركه فى الفرع اللى ابنك كان بيديره كانت شغاله فى الحسابات من سنتين تقريبا من وقت جوازها بابنك
مهران وطالما هى قريبه اوى كده ليه مجتش تعرفنا على نفسها
موسى حكاله كل اللى دار بينهم فى الشركه
موسى اه هبعتلها العربية تجبها وتيجى لحسن اللى زى دى تتوه فى مكان زى ده اكيد عمرها مادخلته ولا حتى شفته في الاحلام . مجايب ابنك
مهران ووصيه اخوك ليه انا وانت هتعمل فيها ايه
موسى هنفذها طبعا الكلام هيبقى بكره هنا فى المكتب بينا احنا التلاته
مهران ومراتك هتعرف
موسى وانا اخبى عنها ليه من امته وانا بخاف وبعدين انا هنفذ وصيه اخويا مش هعمل حاجه غلط
وفوق ده كله انا مش معتبرها زوجه اصلا وهى لازم تعرف كده اللى بينا ورقه ننفذ بيها الوصيه وبس
مهران وامك هتعمل معاها ايه
موسى امى دلوقتي مش نفسها فى اى حاجه غير انها تشوف حفيدتها
مهران شكلها ايه البت دى
موسى منقبه معرفش شكلها وهى لو كانت حلوه اوى كانت هتلبسه ليه انا كده كده مش فارق معايا شكلها زى ما قولتلك حلوه وحشه مش فارقه
خلص موسى الحديث مع والده وطلع غرفته عشان ياخد شاور ويريح جسمه
خرج من الحمام لقى مراته قدامه غمض عينه وقفلها وبيستعد عشان يعرفها
منه ايه ده جيت بدرى انهارده
موسى ارجع تانى ولا ايه
منه لا استغربت بس حمد لله على السلامه
موسى اقعدى يا منه عايز اكلمك فى موضوع
منه قول يا موسى
موسى انا هتجوز هتجوز إينور اللى كان متجوزها محمود
