نيران وصالي

وقال وهو بيبعد عنها.. اديني بعدت قولي لي بقى تحبي اغني لك ايه. رودينا بصتلو بغيظ شديد من تريقته ونزلت پغضب. طارق ابتسم بسخريه وطلع على المطبخ على طول.
كانت وصال بتجهز الفطار هي ووالدته ولسه هيدخل سمعها بتقول .. بس بقى يا حماتي وفضل بقى يقول لي معلش وما كانش قصدي وانتي اصلا ما غلطتيش امبارح. الغلط غلطي لاني وقفت معاها وفضل يتحايل عليا كتير جدا لحد ما نمت وهو لسه بيتحايل ما اعرفش بعد كده زهق ونام ولا ايه اللي حصل.
بصت لها بعدم تصديق وقالت يا سلام. وصال قالت بسرعه. اه طبعا لتكوني مش مصدقاني. حماتها لسه هترد دخل طارق وقال .. طبعا مصدقاكي انتي عمرك كذبتي خالص. وباس والدته من خدها وقال صباح الفل يا ست الكل. وصال اتكسفت وبقت تقطع الاكل من غير ما تبص له ووالدته ضحكت وقالت صباح الفل يا حبيبي اتاخرت كده ليه.
طارق قرب من وصال وباسها من خدها وابتسم وقال بغمز اصلي طولت قوي في المحايله امبارح. دول كانو شويه محايله عجب. وصال بصتلو بغيظ وداست على جزمته وهو اتألم وضحك عليها والدته ضحكت وقالت. ربنا يديم المحايله يا ابني قصدي يديم المحبه. قالت كده وطلعت.
وصال بصتلو بغيظ وقالت ايه قله الادب اللي بتقولها قدام امك دي. طارق ضحك وشدها عليه بقوه وقال وبالنسبه للي انتي قولتيه. وصال بصت بعينها شمال ويمين بتتهرب من نظراته وقالت انا ما قلتش حاجه. طارق ابتسم وقال اممم مقولتيش بقى انا فضلت اتحايل للصبح وانتي نمتي وسبتيني ده انا ما قولتش كلمتين.
وصال ضړبته في صدره وقالت. لا انا ما اتدلقتش بس انا كنت بوفر عليك وقتك علشان عارفه معاك شغل الصبح. طارق ضحك وباسها من خدها بقوه وقال يسلملي اللي بيقدر وباسها من خدها الثاني وقال واللي بيفكر. وقرب من شفايفها وقال و اللي بيخدر ولسه هتبعد قرب منها في لحظه جميله جمعتهم.
بعد عنها بالعافيه وقال بهمس. ما تيجي نطلع فوق احسن احنا عرسان جداد وبتوحشيني قوي. وصال ابتسمت بكسوف وبقت تحاول تبعده وبتقول . بس بقى احنا في المطبخ احسن حد يدخل على فكره انا ضد ان الواحد يعمل الحركات دي في المطبخ ممكن حد يشوفنا.
بس مكملتش جملتها وشافت رودينا جايه من بعيد قالت بسرعه. بس يعني معاك انت حاجه تانيه انت بتوحشني قوي.
طارق ابتسم وقرب منها تاني. وهنا دخلت رودينا واټصدمت بالمنظر وقالت بسرعه ودموع انتو بتعملو ايه. بقلم زهرة الربيع. طارق بعد عنها بخضه ووصال اصطنعت المفاجاه. رودينا قالت بزعيق ودموع . انتو مش عندكم اوضتكم ايه. طارق قال بارتباك. طيب خلاص يا رودينا وطي صوتك مكناش نعرف انك هتيجي و بس قاطعتو وقالت
. اصلا ما يصحش تعملو كده في المطبخ حتى لو مش هاجي . وكملت قاصده تغيظها دي مراتك يعني عندكم اوضه مش واحده من اللي كنت تزنقهم عند الحيط. ولسه هتمشي وصال قالت پغضب. هي قالت ايه قولتي ايه يا حربايه.
رودينا كملت قاصده تجننها وقالت . قولت اللي سمعتيه يا حبيبتي جوزك استاذ في الحركات دي وبيتقنها قوي. قالت كده ومشيت وسابتها هتتجنن. وصال بصت له بزهول وقالت. انت كنت بتقرب للحربايه دي يا طارق.
!