روايه بقلم حازم باشا احببت الحلقه الخامسة
ليله ما كان مجدي سهران كالعاده بيراقب الفيلا بتاعت هيثم من ورا سور الجنينه
ولمح بت شكلها مش مظبوط وهي داخله تتسحب جوا الفيلا !!!
الفار لعب في عب مجدي وقرر ينط من فوق السور ويعرف البت دي جايه لمين وجايه تهبب ايه !!!
وعشان مجدي حظه هباب الغفير بتاع الفيلا شافه وقفشه من قفاه وجرجره لحد هيثم
ودار بينهم الحوار ده ...
انت مين
وكنت بتهبب ايه جوا الفيلا
مجدي وهو مذعوور
يا باشا انا مش حرامي
انا دخلت الفيلا بالغلط
انا كنت اتلخبطت بين فيلتكم
وفيلا واحد صاحبي
رد هيثم وهو ماسك تليفونه
طالما كده
يبقى احنا نتصل بالبوليس
وهو اللي يتصرف
جري مجدي ومسك ايد هيثم وقال
انا في عرضك يا هيثم بيه
انا هاحكيلك كل حاجه
انا واخد فلوس من الاستاذه راندا
اللي بتشتغل في البنك
عشان اراقبك
فصدي اراقب حضرتك
هيثم كشړ ورد وهو بيزعق
انت بتستهل يا بني ادام انت
والبنك هيراقبني ليه !!!
رد مجدي وهو بيطلع من جيبه ١٠٠٠ جنيه وبيديهم لهيثم
لا يا باشا
الموضوع مالوش علاقه بالبنك
وقصدتني اراقبك واجيبلها اخبارك
اذا كنت مرتبط يعني مرتبط ولا لا
وبتحب ايه وپتكره ايه
وادتني ١٠٠٠ جنيه
حلال عليك يا باشمهندس
انا مش عاوزهم
قعد هيثم وبدا يضحك وقال
حط فلوسك في جيبك
واتصلي بالبنت دي
وافتح الاسبيكر
عشان اسمع المكالمه
ولو طلعت بتكدب
يبقى هاتصل بالبوليس زي ما اتفقنا
بسرعه البرق اتصل مجدي براندا واول ما فتحت الخط راح فاتح الصوت وقال
مساء الفل يا استاذه راندا
ردت راندا بفرح
مساء الخير يا مجدي
طالما اتصلت بالليل كده
يبقى عندك اخبار حلوه
عن هيثومي حبيبي
رد مجدي بكل ثقه
انا كنت براقب هيثم باشا
زي كل يوم
واتقفشت
ايوه اتقفشت
ردت راندا وهي بتلطم على وشها
اوعى يا مجدي تكون قلتله
اي حاجه عن موضوعنا
انا عارفه انك جدع
ومش هاتبيعني
وقبل ما يرد مجدي دخل هيثم في الحوار وقال بصوت هادي جدا
مساء الخير استاذه راندا
راندا اتنفضت من سريرها ووقعت على الارض وقالت بصوت كله ړعب
ايه ده !!!
رد هيثم وهو بيضحك
انا هيثوومي يا افندم !!!
في اللحظه دي راندا كانت بتتمنى الارض تتشق وتبلعها فتنحت زي التمثال الجبس وفضلت ساكته شويه
هيثم قعد يعلي صوته
الوووو
استاذه راندا
انتي سمعاني
الوووووو
الووووووو
وفجأه الخط اتقطع !!!
مجدي قعد يهلل
الله اكبر
الله اكبر
ظهر الحق
عرفت يا باشا اني مش حرامي
وان غرضي شريف
وحاولت اوفق راسين في الحلال
هيثم قعد يضحك وقال لمجدي يمشي وما يقربش من الفيلا دي تاني ابدا
ومجدي اخد الطريق من فيلا هيثم لبيتهم جري
ء
تاني يوم الصبح ...
راحت راندا الشغل وعنيها منفوخه من كتر العياط وحكيت لمعتز على المصېبه اللي عملها مجدي
ومعتز فطس على روحه من الضحك وقعد يواسي راندا
لحد ما فجأه ... معتز صړخ بصوت عالي
الحقي يا دودو
حبيب القلب هنا
وشكله جاي علينا
بصت راندا من الازاز ولمحت
