قلب وكبد الحلقه الرابعه

يونس يحول الغرفه الى ساحه حرب ولا يترك شيء مكانه كل شيء موجود بالغرفه مكسر ومبعثر وكانه فقد عقله ولم يعد يستوعب ماذا يفعل
فريده تقترب منه ببطء وتمسك ايده وتحاول ان تهديه___ ارجوك اهدى مفيش داعي ابدا لكل العصبيه دي
يونس ينظر لها وعيونه تلمع بالدموع ويسحب يده منها بهدوء____
اخرجي حالا يا فريده
فريده باصرار ___

ارجوك خليني اساعدك ما تستسلمش للحاله دي انا موجوده هنا علشانك
يونس يقرر كلامه و هو يحاول ان يتمالك اعصابه___
قلت لك اخرجي من الاوضه يا فريده
فريده بعناد وصوت مرتفع____
لحد امتى هتفضل ضعيف بالشكل ده لحد امتى هتفضل حابس نفسك في الاوضه الضلمه اللي جواه دي اخرج براها وشوف الدنيا وشوف الحياه ليه مصر ټدفن نفسك جواها ليه دايما حابب تبقى ضعيف
يونس پغضب وكاد ان يضربها ____
انتم اللي مش قادرين تفهموا ان مش انا اللي اخترت اني ادخل في الاوضه الضلمه دي لو انت شايفه اني شخص ضعيف سيبيني وامشي الدكتوره اللي ناجحه في شغلها وفي دراستها ليه تقبل انها تربط حياتها بشخص مريض و ضعيف
فريده 
انت جوزي وانا مش هتخلى عنك ولا هتخلى عن الارتباط اللي بيني وبينك
يونس بزعيق ____
وانا مش عايز الارتباط ده افهمي بقى اخرجي من حياتي
فريده دمعه ټخونها وتنزل وكانها لا تشعر بها ___
لكني مازلت في حياتك وانت اللي اديتني الحياه دي من بعد ربنا
يونس يشدها من ذراعها پقسوه ____
وده كان ندم عمري
فريده بۏجع وبكاء شديد____
ليه مصر على انك تكسرني اديني فرصه اساعدك اديني فرصه اخرجك من الظلام ده عشان انا كمان اخرج منه
يونس پغضب امسكها من زراعيها ويخرجها بره الاوضه ويقفل الباب وبصوت مرتفع____
انت الشخص الوحيد اللي مش عايز مساعده منه لو كنت عايزه تساعديني ابعدي عني وامشي وما تجيش هنا ثاني
سعد ___
انزلي يا حبيبتي اقعدي شويه في الجنينه !!ما تزعليش منه هو هيهدى دلوقتي
فريده بدموع____
انا مش زعلانه منه انا خاېفه يعمل حاجه في نفسه
سعد بطمئنان ____
لا اطمني هو عصبي اه .. بس عارف حدوده كويس ما تقلقيش انزلي انت شويه في الجنينه وانا هتكلم معاه
فريده تمشي وهي تنظر على باب غرفه يونس بۏجع
سعد يخبط على الباب ____
افتح يا يونس فريده مشيت
يونس يفتح الباب ويدخل سعد وينظر على حال الغرفه لا يوجد شيء مكانه ويبدا يركن الاشياء المبعثره على الارض____
قلبت الاوضه الى ساحه حرب لانك شفت دموعها
يونس____
مش قادره تفهم انها لازم تبعد عن حياتي عشان تعيش
سعد بتساؤل___
ليه رفضت تقول لها الحقيقه
يونس وكانه لا يفهم ما يقصد جده____
حقيقه ايه 
سعد بتركيز 
حقيقه انك خفيت ورجعت يونس اللي يقدر يكون معاها ويحميها ليه عايز تكمل الكذبه
يونس بضعف____
احميها ازاي وانا اكبر خطړ عليها
سعد بتنهيده
يا ابني كل تفكيرك غلط ليه مصر تشيل نفسك ذنب انت ملكش يد فيه
يونس