روايه الظلم ظلمات الكاتبة مشيرة محمد الفصل الخامس

بفرحه واعجاب لان معنى كلامها انها موافقه ومستنيه رضى امه. 
ادهم بتعقل. ها ياخالتى قول اللى عندك بكل صراحه انا اتفقت مع سيف بعد ما كلمك امبارح انه يفتح الموضوع فى حضورنا كلنا علشان نوضحلك اى حاجه عايزه تعرفيها عن فدوه لان جودها الفتره اللى فاتت معانا خلاها كتاب مفتوح قدمنا وعرفناها كويس.
اكرام مش رافضه فدوه بس هى شايفه الفرق بينها وبين ابنها كيير
بس كمان هى شافت ظروف طلاق ابنها ورغم ان طليقته كانت مناسبه ليه بكل المقاييس الا ان الجواز فشل برضو يبقى خليه يمشى ورا قلبه يمكن ربنا يكون شايله الخير و الفرح فى جوازه من فدوه. 

اكرام. وانا كمان قدرت اعرفها الفتره اللى عشتها هنا معاكم واهتمامها بكل كبير وصغير وحنيتها على الكل وعرفت اد ايه معدنها اصيل الف مبروك ياسيف ومبروك يافدوه. 
بقلم مشيره محمد
وتم جواز فدوه وسيف وقرر انه خلال كام شهر خلاص مش هيسافر تانى خصوصا لما اكرام اصرت انها ما تسافرش تانى وخلاص هى اطمنت عليه بوجود مراته معاه.
دولت واكرام اتولوا رعايه معاذ طول فترة شهر العسل اللى ماكنتش شهر اوى بس كانت ايام من الجنه للاتنين خصوصا ان فدوه كانت بتحاول تطور من نفسها علشان تناسب سيف وحتى كلامها اللى بتحاول تغيره بس هو رفض ده وقالها دى احلى حاجه فيكى لهجتك بتخطفنى.
فى البلد
نوال. واه واه انتى لساتك جاعده ياخاله. 
امينه. كيف يعنى اروح وين عاد. 
نوال. السوق.. نسيانه السوق ولا ايه هناكل طوب اياك ولا شاطره بس كل شوى تفتحى صوتك علي وتقولى الوكل وينو
امينه. انى ماجدارش اتحرك اعملى اللى يلد عليكى. 
نوال. وانى تعبانه اكتر منيكى ومجدراش واحمدى ربك انى بعمل والوكل من اساسه ولولا انى نفسى بتجرف كت سبتهولك تعمليه انتى و يلا بقا قومى روحى خلصينى ودلوك يا ايمتا ماعملاش وكل وابقى شوفى ولدك هياكل ايه 
وابقى اشتكيلو منى انى كمان كنك متعوده تحطى راسك براس نسوان ولدك وتخربى عليه اصلك تموتى فى الزن وخړاب البيوت
امينه. اللى يشوفك وانتى بتقولى مجدراش دى يقول انك حبله بلا خيبه. 
نوال بخبث. واه انتى نسيتى ياحماتى ان ولدك ما بيخلفش ولا ايه ابقى شوفيلو حكيم يعالجه قبل لا تتنقورى عليا. 
امينه مش قادره تتكلم ليتفضح امرها كانت مغصوبه خوف على ابنها و خوف من كلام الناس وانه يتقال عليها سبب فى خړاب بيت ابنها مره تانيه. لبست الملس بتاعها وطلعت من باب الدار واتفاجئت باللى شدها لمكان متخبى. 
بقلم مشيره محمد
امينه. ياخراااابى الحجووونى
الشخص. حط ايده على بوقها وقال. اكتمى..اكتمى لقټلك. 
امينه پخوف. لاه لاه كتمت اهه. 
الشخص. جيتك بالذوق گتير بس الظاهر اكده انك مابتاجيش الا بالعافيه فين عقد الارض يا وليه انتى. 
امينه پخوف. بعد السکينه دى اللاول وبعدين انى قولتلك خد الفلوس اللى رايدها وبلاها الارض. 
الشخص. يالارض ياروحك وقبل ما اخد روحك ولدك هيكون راسى عالدور كلاته غورى هاتى عقد الارض ولا اخش اجيبه بنفسى. 
امينه لاه عقد ايه عاد انت قولت قيراط واحد عايز الورق كلاته ليه خلاص صدقنى انى هكتبلك القيراط انهرده ولا اقولك شوف يتسعر ابكام وانى هعطيك الفلوس
الشخص. ديه كان فى اللاول قبل ما تلاوعى وتلفى ودورى بس دلوك خلاص الفدان ونص بقيو حلالى.
امينه برجاء. ابوس يدك لاه طيب انى هكتبلك قراطين وتسيينى فى حالى الارض دى لولدى اللى ماحلتيش غيره. 
الشخص. انى جولتها كلمه ومش هرجع فيها ولا انتى بدك احسرك على ابنك واتاويهولك ها قولك ايه دلوك تروحى