زين
ردك صح فتحت باب العربية
زين أنتي راحة فين
ورد ماشية
زين خرج خلفها ومسك يدها الحته هنا مفيهاش ناس و بعدين متنكديش ما أحنا قاعدين بنتكلم أهو
ورد علي فكرة أنا مبنكدش أنا لاقيتك بتستهزق بكلامي
زين أصل أنتي مطلعاني وحش يا ورد فعيزاني أقولك أيه
ورد عيزاك تاخد و تدي معايا في الكلام أحنا بنتكلم في طلاق يا زين مش في حاجة تافهة
ورد بحزن أعاتبك أقولك أيه أقولك علي حاجة قرارك ده كان أكبر صدمة في حياتي يا زين لأن أنا كمان أتجوزتك ڠصب عني و حياتي كلها أتغيرت في يوم واحد بس انا حاولت كذا مرة في علاقتنا و خصوصا أن أنا بحبك و ألاقيك أنت أص
زين بمقاطعة أنتي أيه
زين اللي أنا سمعته ده صح
ورد پبكاء و عصبية أيوووه يااا زين أنا بحبك عشان كده محبيتش أخلي حد ينكد عليك في أكتر يوم أنت فرحان فيه لأن أكيد أنت فرحان عشان هترجع لنيرة مش عاتبتك عشان صعب عليا نفسي أني هونت عليك تعمل فيا كده صعب عليا نفسي عشان كنت مخططه لحاجات كتير نعملها سوا و نكمل حياتنا سوا و كنت فاكرة أني مهمه عندك و ليا مكانة في قلبك عشان أنت فعلا كنت مبينلي ده من معاملتك معايا كنت محسسني أنك فرحان بوجودي معاك و أنك أستحاله تستغني عني خصوصا لما أنا كنت خاېفة ساعة رجوع نيرة وأنت ساعتها طمنتني انك بدأت تنساها و ألاقيك فجأة تقولي أنا و نيرة هنرجع لبعض يعني معاملتك ليا و ده كله طلع تمثيل منك عشان تعرف تغفلني صح أستغليت ثقتي فيك في أنك خونتني فبعد ما أكتشف أنك مش عايزني في حياتك عايزني أعاتبك و أبينلك حبي و أن وجودك فارق معايا فعلا هقولك تاني أزاي عايزني أمسك في حد عايز يسيبني
ورد پبكاء ما هو واضح
زين والله العظيم بحبك تركها و قال أنا أسف
ورد پبكاء ازاي بتحبني و ازاي عايز تسيبني أنت عبيط
أبتسم وقال طب أهدي طيب و أنا هفهمك كل حاجة يا عبيطة
ورد بشحتفه أنا مش عبيطة
زين بأبتسامه حاضر انا اللي عبيط حلو كده
ورد أيووه
زين ينفع تسمعيني
ورد أتكلم
زين بصي ياستي
بدأ بسرد ما حدث معه بالتفصيل
رغد أه والله ده البيت كله زعلان عشان ورد
سليم أينعم أنا معرفهاش بس حقيقي كان باين من كلامها أنها طيبة أوي
رغد دي حتة سكره يا سليم
سليم بجديه رغد
رغد نعم
سليم متتكلميش مع حد من عيلتك دلوقتي علينا لغاية ما يشوفوا موضوع زين أبن عمك عشان بصراحة شايفها عيبه أنك تتكلمي معاهم في وقت زي ده
سليم ربنا يهدي زين و يكمل مع ورد و الأمور تعدي علي خير بإذن الله
رغد يارب يا سليم والله كلنا بندعي
سليم إن شاء الله خير ده أختبار من ربنا أهم حاجة متحطيش حاجة في بالك و حاولي تتكلمي مع ورد و تخففي عنها حزنها
رغد حاضر والله هعمل كده مامتك عاملة أيه
سليم الحمد لله بخير خدت العلاج و نامت
سليم يارب عايزة حاجة
رغد لأ شكرا
سليم لو عوزتي حاجة رني عليا ماشي
رغد حاضر
سليم يلا سلام
رغد سلام
في منزل محمد
محمد يعني مش هتنامي
جميلة بقلق أنام أزاي و أنا لسه مطمنتش عليها
محمد يا جميلة نامي و أبقي رني عليها الصبح و كلميها براحتك
جميلة بدموع ورد صعبانة عليا يا محمد
محمد بحزن ربنا بيختبرها و أنتي عارفة أن بنتك عاقله و تعرف تحل اي مشكله
جميلة پبكاء و شحتفه بس صعبانة عليا يا قلب أمها ورد طيبة والله و قلبها رقيق و بتزعل و بتاخد علي خاطرها بسرعة بس مبتبينش و مش بتتكلم مع حد و بتخبي حزنها جواها و بتسامح بسرعة و مش بتشيل من اللي أذاها دي بنتي و انا عرفاها قلب أمها محدش حاسس بيها أكيد بتقعد مع نفسها بټعيط و قلبها محروق
محمد أهدي بس و بعدين أنا واثق في ورد وعارف أن مهما يحصل هيا هتكون مقتنعه بأنه قضاء ربنا و أنتي عارفة هيا بتحب ربنا قد أيه و استحالة تعترض علي حاجه ربنا كاتبهالها و عارف أنها عاقله و مش بتحب تعمل مشاكل دي بنتي وأنا عارفها انا لو عليا والله أولع في زين بس ساكت عشان ورد و المفروص كلنا نكون واقفين جنبها و نحسن من نفسيتها مش نعملها مشاكل و ندخلها في مشاكل نفسية
جميلة بدموع معاك حق
محمد ينفع تنامي و تتكلمي معاها الصبح و غير كده زين خدها قدامنا كلنا و مشيوا فأكيد هيتكلموا سوا فسيبيهم دلوقتي و أبقي أفهمي منها كل حاجة الصبح أن شاء الله
جميلة حاضر
عند ورد و زين
ورد طب بما أن ده كله حصل متكلمتش معايا ليه
زين معرفش والله أنا ساعتها مكنتش عارف أعمل أيه كل اللي فكرت فيه أني أسمع كلام لؤي دلوقتي لغاية ما ألاقي حل
ورد يعني لؤي عمل ده كله عشان عايزني
زين أيوه
ورد ده مريض نفسي أكيد
زين عارفة أنا شاكك في أن نيرة مشتركة معاه عشان كده لو لاقيت حل مش هقولها
ورد و بصراحة أنا كمان شاكة لأن لؤي مش هيفكر في الفكرة دي لوحده غير بمساعدة نيرة
زين طب الحل أيه
ورد بتفكير أنا جاتلي فكرة
زين أيه
ورد أيه رأيك أروح أشتغل عند لؤي و أجيب منه مشاهد بابا زي ما
جبت التصاميم بتاعتك
زين لؤي هيشك فيكي
ورد لأ مش هيشك لأن هو أصلا عايزني أكون معاه فمش هيرفض فكره زي دي و بعدين أحنا هنمثل قدام الكل في أننا هنتطلق
زين يعني أحنا هنتطلق بجد
ورد لأ ركز معايا انت قول لنيرة في أنك أقنعتني أننا نأجل طلاقنا شوية بحجة ان جدي تعبان و القرار ده ممكن يتعبه أكتر
زين ايوه و بعدين
ورد و انت قولت انك شاكك في نيرة أنها مشتركة مع لؤي فمينفعش تعرفها أني عرفت
زين ايوه طب أنا و هيا كده عارفين أنه تمثيل لأنها قالتلي انا معرفش أي حاجه عن خطه لؤي و مش مشتركة معاه فتعالي يا زين نتخطب لغاية ما نلاقي حل سوا يعني هيا فاكرة انها ضحكت عليا
ورد لأ ما انت قولها أنك قولتلي حجة جدو دي لغاية ما أنتوا الأتنين تلاقوا حل فاهم و شوف رد فعلها أيه لأن هيا أندمجت في التمثيل بزيادة يا زين
زين خلاص ماشي بس أنا خاېف عليكي لما تروحي عند لؤي
ورد متخافش انا في سكة يومين هيبقي معايا المشاهد دي سهلة بالنسبالي
زين خلاص ماشي
ورد يلا بينا نرجع عشان منتأخرش عن كده و نيرة تشك فينا و نكمل تمثيلنا بقي
زين يلا يا حبيبتي
ورد بأبتسامه دلوقتي حبيبتك
زين خلاص بقي أنا أسف
ورد و انا كمان أسفه
زين لأ متعتذريش انتي مقولتيش حتي كلمة تزعلني و منعتي عيلتك من أنهم يعملولي مشاكل
ورد أصل هتيجي تفكر فيها يا زين هتلاقي مجتمعنا عامل الطلاق أزمة و بيعاملوا الست المطلقة أنها مينفعش تعيش حياتها و بتلاقي العيلتين عاملين مشاكل مع بعض في فترة الطلاق محدش فيهم قادر يقتنع أن الطلاق عادي جدا و وارد يحصل بين أي أتنين مش عارفين يكملوا مع بعض فليه نعمل مشاكل و ننهي العلاقة بزعل بين الطرفين فيها أيه لما الأتنين يسيبوا بعض بما انهم مش مرتاحين سوا
زين معاكي حق فعلا بس ربنا يديمك في حياتي
ورد و يديمك في حياتي يارب يا حبيبي
زين تصدقي وحشتيني
ورد بأبتسامة عرفت قيمتي
زين أه والله
ذهبوا إلي الڤيلا و لم يجدوا أحد فعلموا أن الجميع صعد إلي غرفته فقالت ورد لزين
ورد أنا هطلع اتكلم مع رغد شوية
زين ليه في حاجة
ورد هبقي اقولك بعدين و أصلا هتلاقي نيرة جيالك دلوقتي عشان تعرف أيه اللي حصل
زين خلاص ماشي بس متتأخريش
ورد حاضر
صعدت ورد إلي غرفة رغد و صعد زين إلي غرفته
رغد أدخل
دخلت ورد و قالت الجميل عامل أيه
رغد الحمد لله يا حبيبتي أنتي عاملة أيه
جلست بجانبها علي السرير أنا الحمد لله بصي يا رغد انا أسفه جدا عشان نسيت موضوعك أنتي و سليم بس
رغد بمقاطعة لأ متعتذريش يا ورد و بعدين في الظروف دي مينفعش أتكلم عني أنا و سليم غير لما تحلي المشاكل بينك أنتي و زين
ورد أنا و زين هنتطلق بس قولنا هنستني فترة لغاية ما جدو يخف شوية
رغد إن شاء الله ربنا يغير الأحوال لحال أحسن
ورد اللي ربنا عايزه هيكون بس لازم أتكلم مع زين عليكي عشان مينفعش تتأخروا و غير كده لسه هيبقي في ترتيبات كتير
رغد فعلا بس أنا قولت الوقت مش مناسب فهستني شوية
ورد لأ الوقت مناسب علي الأقل العيلة تكون فرحانه شوية
رغد يعني هتكلمي زين
ورد أه يا حبيبتي أما أطلع هبقي أكلمه
رغد بفرحة ربنا يخليكي يا ورد شكرا جدا
ورد حضنتها ربنا يتمملك علي خير يارب
في هذه الأثناء ذهبت نيرة إلي غرفة زين فعلم أن ورد كان لديها حق
نيرة يعني انت قولتلها نأجل الطلاق لغاية ما جدك يخف شوية
زين أيوه يا نيرة
نيرة بضيق ماشي
زين أنتي مضايقة ليه هو مش أنتي عارفة انه أستحاله ارجعلك و أننا بنعمل كل ده عشان لؤي مياخدش خطوة كبيرة لغاية ما نلاقي حل
نيرة أيوه عارفه ده
زين يبقي مش لازم تندمجي في التمثيل
نيرة خلاص ماشي
تركت زين و ذهبت إلي غرفتها بضيق
دخل زين يأخذ دش كي يستريح قليلا فكان يوم متعب و لكن كان سعيد بسبب أعتراف ورد بحبها له
دخلت الغرفة زييين
زين وهو في الحمام نعمم يا ورد
ورد طب لما تخرج خلاص عشان متتكلمش في الحمام
زين بتقوولي أيه
ورد لماااا تخرررج عشان غلط تتكلم في الحمام
زين والله مش ساامع
ورد بعصبية خفيفة يااالهوووي علي الغباااء أنت بتحلف كمان
زين بصوت عالي كي تسمعه لما اخرجلك طيب
ورد بنفاذ صبر والله ما هرد عليك
بعد قليل خرج زين و قال
زين وهو يمسك الفوطه ينشف شعره بتقولي أيه بقي
ورد كنت بنادي عليك بس لما عرفت أنك في الحمام سكت عشان غلط تتكلم في الحمام و انت عمال تقول أيييه اه لما اخرج لأ و كمان بتحلف
زين معلش والله ماكنتش سامع كنتي بتقولي أيه بقي
ورد بص هو موضوع مهم فعلا
جلس بجانبها قولي
ورد رغد معجبه بواحد اسمه سليم وهو كمان معجب بيها بس هو شغال عامل في الكافيه بس لما أنا كلمته قالي أن
زين بمقاطعه
