روايه نسل الفراعنه الحلقه من ١ الي ٧

بره
وهي ما تعتبريها موجوده البيت انتي مسئوله عنه
ولقيت عم الهدوء بعدها
دخلت اوضتي ونضفتها وحطيت هدومي في الدولاب واتوضيت وصليت اللي فاتني ونمت نوم عميق
صحيت الفجر وصليت ونمت تاني وصحيت علي صوت الباب بيخبط
لقيت صابحا بتقولي الفطار جاهز ولقيتها حطالي حاجات غريبه معرفتش منها غير البيض المسلوق والجبنه اكلت وخۏفت اخرج الصينيه
الحلقه الرابعه
انا مش عارفه اعمل ايه بقالي اسبوع محپوسه في الاوضه بتاعتي بصلي وبقرأ قرآن وبكلم اهلي كل شويه واكدب واقولهم اني مبسوطه لما زهت حتى اكلهم كله لحمه وحاجات مهروسه معرفش ايه هي مره تقولي مكبوس ومره تقولي هريس ومره اكل غربي
وانا طول الاسبوع مراقبه مواعيد خروجه ودخوله علشان اعرف اخرج بدون ما نتقابل
واول يوم خروج ليا خليته خرج ولبست نقابي وخرجت لقيت طباخ راجل وسفرجي راجل غير الحريم يعني كده مش هعرف اخرج من اوضتي بدون نقاب
لفيت الفيلا اتفرجت عليها بس صابحا منعتني اطلع الدور التاني قولت مش مهم المهم أكل
دخلت المطبخ لقيت بيعملوا اكل غريب تاني سألته على المكونات وبدأت في عمايل اكلي
لقيت باذنجان قولت نبدأ بالمسقعه عملتها بالشطه وأخدت اكلي ودخلت اوضتي شويه ولقيت صابحا جايبه اكل من بتاعهم قولتلها اكلي انا هعمله لنفسي بعد كده
وانا باكل لقيت الجرس رن وصابحا قالتلي ان اهل احمد بره وعاوزين يشوفوني
لبست وخرجت لقيت حريم بس لبسهم غربي زي ما بنقول عندنا في مصر اتعرفت لقيتهم ام أحمد وأخواته اتنين بنات ومرات اخوه محمود وبنت خالته عرفوني على نفسهم لكن
كانت نظراتهم كلها استهزاء بيا علشان لبسي طبعا
ام احمد لقيتها بتقولي شو هاد ياللي لابستيه وف اي عصر انتي عايشه ولا لتكونه مشوهه وما بنعرف
ندهت على صابحا وقولتلها ما بتخلي اي راجل ييجي هنا ورفعت النقاب
ردت فيحاء اخت احمد الكبرى انتي هيك بس ليش حاطه هاي الخيمه ما فيكي شئ
ردت جوهر بنت خالته اللي عم يشوف عيونك يقول انك شئ لكن هيك عاديه وأقل من العاديه
اكتر رد صدمني ام احمد قالت عن جد تشبه الخدم عرفت ساعتها احمد طالع لمين
رديت قولتلهم عندنا في مصر بنقول الحلو حلو الطبع
اما بالنسبه لشكلي اذا حلو او عادي او حتى وحش انتي بتعيبيني ولا بتعيبي اللي خلقه
بصو لبعض كلهم وكأني كلامي مش عاجبهم وقالوا راح نمشي
بصت ام احمد ليا وقالت رجاءا ما تقابليني هيك مره ثانيه
اما جوهر ردت وقالت هي اقل واحده اتزوجها احمد النمر
وماسلموا عليا ومشيوا
انا بقى اتمليت غيظ ازاي يكلموني كده وعلشان اطلع غلي دخلت على اوضه كلها اجهزه رياضيه وقفلت الباب وخلعت العبايه وابتديت اعمل تمارين وقعدت ساعتين اعمل لحد ما حسيت بارهاق شديد
ندهت على صابحا تاخذني اوضتي و مقدرتش ونمت من التعب
الحلقه الخامسه
تاني يوم استنيت يخرج من الفيلا علشان اخرج وبعد ما مشي قررت اعمل محشي طلبت من الطباخ المكونات وبعت يجيب الباقي وانا اشتغلت في محشي الكرنب
هوب حطيته يستوي ودخلت اصلي بعد ما هديت عليه جيت اخرج لقيت صوته في البيت
يعني مش هعرف اخرج حطيت ودني على الباب علشان اسمعه وهو خارج سمعت الحوار التالي
أحمد صابحا شو هي الريحه
صابحا هي اكل المدام
أحمد اكل شو
صابحا ما بنعرف هي بتعمل أكلها لحالها
لقيت صوت غطا الحله بيتفتح
أحمد هاذا حار كتير بس طيب هي على السفره لأكله
وفرغوا المحشي وقعد ياكل ويعلي صوته علشان يسمعني حتى البطه أكل منها والباقي قال أخرجي الباقي للوسي الكلبه بتاعته
وانا هطق من غيظي عماله اعمل أكل وفي الاخر مدوقتش