وصمة ۏجع الكاتبة سهام عادل
والحالة اللي أنت فيها دي مؤقتة نتيجة الحاډث اللي عملته لإنه أثر على الخلايا الدماغية عندك وفيه طبيب مختص في ذلك هيساعدك إن ذاكرتك ترجع
أعاد بصره لها وسألها مرة أخرى أنتي مراتي
أخفضت بصرها بحيرة ثم قالت أنا خطيبتك او بالأصح كنت خطيبتك كان بينا شوية خلافات بس كانت خلاص هتنتهي كنت مسافر عمرة وجيت ودعتني قبل ماتسافر وطلبت مني السماح وان خلافتنا تنتهي وكنت مقررة اما ترجع اعطي لعلاقتنا فرصة تانية بس للأسف حصل اللي حصل وانت راجع من المطار
نفي برأسه وقال أنا هنام
ثم أغمض عينيه بسلام فاقتربت منه تحكم عليه الغطاء وقالت وأنا همشي وأبقى أجيلك وقت تاني
ثم اتجهت ناحية باب الغرفة لتخرج فتقلب هو على جمبه وأولاها ظهره وهو يقول بصوت ناعس متتأخريش عليا
تجلس مع أخيها في صالة منزله بينما الولدين يلهوان في غرفة الألعاب واستمعت له بتمعن حتى قص عليها ماصدر من والدته من إهانة لغصون حتى انتهى الأمر بطلبه الزواج منها وبعد أن انتهى نظر لها بتعجب وسألها ساكتة ليه ياياسمين ماتقولي أي حاجة تريحني من العڈاب اللي أنا فيه ده
نظرت له بعناية تتأمل ملامح وجهه القلقة وتقول اللي فهمته من كلامك إنك كنت عارف نية قعدة ماما معاك في البيت اما دخلت على غصون المطبخ ولقيتها معيطة وأكد طبعا طنط سعاد اللي حذرتك من لؤم الخدم وانت بتوصلها للبيت
أجابته بحدة بس كنت ممكن توقف المهزلة دي من البداية ياياسر البنت مسكينة
وملقتش حد حنين يطبطب عليها ولا يجبر خاطرها تيجي أنت وماما كمان كده حرام أوي
تعجب فسألها وأنا عملت إيه أنا مجتش عليها
قال بتعجب حب!!!... لا مش حب بس ممكن تعتبريها مكافأة.. إنسانة خلوقة صانت ولادي وحافظت عليهم اهتمت بهم وحبتهم بصدق حولت حياتي المشتتة لحياة مستقرة أعطت روح للبيت بعد ما كان تربة
شعر ياسر بالحيرة وقال ما انا أنا في الفترة الأخيرة اتخنقت من استهانة الكل بها وخصوصا يوم فرح آسر اما ماما قدمتها أنها خدامة وزاد على ده اتهام ماما لها في شرفها لقيت إني واجبي إن اقطع كل الألسنة واتجوزها على الاقل تاخد وضعها في المجتمع
رد بتلقائية وثقة لا طبعا محدش يقدر ياخد مكانة صبا الحياة كانت هتمشي زي قبل الجواز الفرق ان كان فيه صفة رسمية هتعيش بها ف بيتي
نظرت له بخذلان وقالت بحدة اول مرة أحسك أناني ياياسر ذنبها إيه تربطها على اسمك وتعيش مع واحد روحه متعلقة بواحدة سابت الدنيا ومشت هي كمان ست ومن حقها رجل يحبها ويحتويها بعد العڈاب اللي شافته مش واحد واخدها بس لأولاده وده اللي غصون فهمته من طلبك وعشان كده شعرت بالإهانة منك أكتر من ماما عشان كده سابت لكم الدنيا ومشت وياعالم هي فين دلوقتي مفيش حد يعرف عنها حاجة
ابتلع ريقه بحرج من كلام ياسمين فهو يعلم مدى صحته ولكنه كان يحاول أن ينقذ الوضع قدر المستطاع لا يعلم أنها ستغادر بتلك الطريقة كل مايريده الآن هو إيجادها والإعتذار لها حتى تغفر حتى لو رفضت العودة لمنزله لذا سأل أخته طب والحل إيه أنا بفكر أبلغ الشرطة أو اعمل إعلان عن فقدانها لحد ما نلاقيها آسر قال أنه راح كل مكان متوقع وجودها فيه وللأسف ملقهاش
تنهدت ياسمين بحيرة وردت عليه أنا هكلم مراد يكلم هشام صاحبه ظابط شرطة ويبحث عنها بشكل ودي
