العاصفه الكاتبة شيماء محمد الفصل التاسع عشر

خالد الصبح نزل شركته بدري علشان يكون في استقبال نورهان أول ما توصل ويعرفها كل حاجة بنفسه .. 
وصلت نورهان الفرحة مش سايعاها أبدا وكانت هتقرب عليه بس هو شاورلها من بعيد فكشرت بهزار 
أخدها لمكتبه وأول ما دخلت باسته في خده وهو بصلها وكشر وبعدين معاكي بقى يا نور ! كده غلط .
نورهان بضحك طيب أعمل ايه ! بحبك يا خلودي وبموت فيك .
خالد كشړ بهزار كده هندم إني شغلتك معايا هنا .
نورهان رسمت الجدية عليها وضړبت تعظيم سلام وبلهجة ظباط من هنا ورايح يا فندم هنفذ كل الأوامر .
خالد ضحك ڠصبا عنه المهم هخلي حد من المهندسين يديكي فكرة عن الشغل عامة وعن المطلوب منك أنتي .. وزي ما قلتلك احترسي تماما من ملك بنتي .. ملك مش سهلة أبدا .. خلي بالك من كل كلمة تنطقيها وهى موجودة .

نورهان اتوترت أنت هتخوفني منها ليه بقى  
خالد بجدية لأنك المفروض فعلا تخافي منها .. مش عايزين غلط يا نور .
نورهان شاورت بدماغها موافقة وهو استدعى المهندس حاتم وطلب منه يعرفها على كل شغل الشركة ويسلمها مكتبها زي ماهو فهمه ووصاه .. 
اتحركت نورهان معاه بتتفرج بشغف وحماس إنها اشتغلت في الشركة أخيرا .. 
ملك وصلت ومعاها سليم بيوصلها كالعادة وبعدها مشي على شغله وهى طلعت لفوق وهى ماشية بتقلب في شنطتها خبطت في نورهان اللي كانت بتتكلم مع حاتم ومدياها ظهرها 
ملك بصتلها من فوق لتحت واتنرفزت تلقائيا أول ما شافتها وبصت لحاتم مين دي ! 
نورهان عرفت إن دي ملك بس استغربت جدا أسلوبها وهى اللي اتكلمت المفروض إنك خبطتيني فتعتذري !
ملك بصلتها بفوقية وأنتي اللي هتعلميني المفروض ! بعدين أنتي شايفاني جاية في الطريق تفتحي الطريق مش تقفي كده .
نورهان كشرت ليه أفتح الطريق ! الأميرة ديانا هتعدي ولا ايه ! دي حتى الأميرة ديانا كانت متواضعة .
ملك بصت لحاتم طلع الشخصية دي برا الشركة كلها .
حاتم اتوتر ومش عارف يعمل ايه ونورهان بصت لحاتم وتجاهلت ملك مين دي أصلا ! 
حاتم بتوتر دي باشمهندسة ملك بنت خالد بيه !
ملك انتظرت نظرات الخۏف والړعب من نورهان بس كانت عادية وهزت دماغها بتفهم امممم علشان كده متوقعة إن الكل يفتح الطريق ليها بصت لملك على فكرة الأسلوب ده مش حلو .. من تواضع لله رفعه .. بعدين ربنا بيقول 
ولا تمش في الأرض مرحا ۖ إن الله لا يحب كل مختال فخور يعني الواحد ما يمشيش متفاخر بنفسه كده .
ملك اټجننت هى ما سابتش كريم علشان تطلعلها دي تعلمها الحړام والحلال وتكلمها بنفس أسلوبه بصت لحاتم وزعقت بصوتها كله البت دي بتعمل ايه هنا ! 
حاتم بقلق خالد بيه عينها هنا .
ملك پغضب رهيب أنا داخلة عنده وأشوف ازاي يعين الأشكال دي عندنا .
سابتهم ونورهان بصت لحاتم هى على طول نرفوزة كده وحاطة مناخيرها في السما دي ولا ايه ! 
حاتم باستغراب لا أبدا بس من ساعة ما فسخت خطوبتها على كريم المرشدي ومع إنها لما اتخطبت لغيره قلت أكيد هترجع لطبيعتها بس للأسف زي ما أنتي شايفاها كده .
نورهان هزت دماغها بتفهم وتفكير ممكن تكون كانت بتحب كريم ده واتخطبت مثلا عندا فيه وعلشان كده هى نرفوزة ! ما علينا هتبقى تسأل خالد بعدين هى ليه عصبية كده بس دلوقتي يا ترى هل ممكن تخليه يجبرها تسيب الشغل ! معقولة ! اتوترت شوية ده برضه أول يوم لها ماكانتش عايزة مشاكل في أول يوم كان المفروض لمت الدور شوية !! 
ملك دخلت لأبوها في قمة عصبيتها لدرجة إنه تخيل إن في مصېبة حصلت ايه اللي أنت معينها دي ! ها! جاية من أي داهية !
خالد لوهلة مافهمش قصدها على مين بس بعدها استوعب إنها تقصد نورهان فاتنرفز في ايه مالك ! وايه الصوت واللهجة اللي بتتكلمي بيهم دول  
ملك بعصبية البنت دي تمشي برا الشركة حالا وبدون نقاش .
خالد بصلها بذهول ليه !
ملك بعصبية علشان أنا قلت كده .. علشان أنا مش طايقاها .. علشان أنا مش هقدر أشوفها قدامي كل يوم . كفاية الأسباب دي