روايه حكايه فاطمه
بت انتى قولى الحقيقه
الهام عيطت انا هقولكم الحقيقه كلها واللى حصل وابتدت تحكى احمد بيحب فاطمه من زمان بس هى مش بتحبه خالص أتقدم ليها كذا مره وكانت بترفض
زين وبعدين كملى
الهام بدموع مالك خطيبى مش بيشتغل والواد
احمد بيشتغل فى شركه كويسه اوى فى يوم طلبت من مامته تكلمه عن شغل لخطيبى وفعلا
اتكلم معاه بنفسى وطبعا هما جيرانا وناس كويسه
لما قعدت معاه وكلمته على شغل ل مالك قالى
المفروض فى فلوس بتدفع وبصراحه كان مبلغ
بس لقيته بيقولى هو هيخليه يتعين من غير
حاجه مقابل حاجه واحده اى حاجه من ريحه فاطمه وقتها انا استغربت وسألته ليهرد وقالى
وبيحبها اوى وطلب منى اى حاجه من هدومها
علشان سأل حد بيفهم وهيقرى على الهدوم
دى وممكن تعطل الجوازه وفاطمه تكون من نصيبه
__ الهام اڼهارت جامد انا كنت غيرانه منها انها
هتتجوز جوازه حلوه ومحترمه وكمان واحد غنى
دخلت قلبى ووافقت والله الشيطان هو اللى
وژنى ووسوس ليه انا بنى آدم مش ملاك بصت لفاطمه وزين انا مش ملاك ڠصب عنى وبقيت اقول لنفسىهى احسن منى فى ايه علشان تتجوز قبل منى من راجل غنى وابن ناس
وحسيت ان الفرصه جاتلى على طبق من دهب
وانتقم من فاطمه اللى طول عمرها احلى واجمل منى اللى شباب الشارع كلهم بيحبوها ويتمنوا
الغيره اتملكت من قلبى وعقلى وكنت بتصرف
وكأنى عاميه قبل فرح فاطمه بأسبوع وزعت
هدومها القديمه علينا كلنا وادتنى كذا حاجه
خدت منهم ترنج واديته ل أحمد جارنا وعيطت
واڼهارت بس والله الشيطان اللى عمل فيا كده وبردوا مكنتش اعرف ان الجوازه هتبوظ بجد
الهام معرفش انا اديته الترنج وقال إن شيخ
هيقرى عليه وانتى توافقى انك تتجوزيه إنما
يعمل سحر والحوارات دى لا لا مقالش كده
فاطمه اڼهارت انتى صاحبت عمرى لا انتى اختى تعملى فيا كده حسبى الله ونعم الوكيل
انا عمرى ما اذيتك ولا جرحتك بكلمه بالعكس
انا كنت اخت ليكى بقى انتى يا الهام بتغيرى
الهام ابوس رجلك سامحينى
فاطمه منك لله انتى مش بوظتى الجوازه انتى اذيتينى واذيتى مالك نفسه منك لله
زين والحل ايه
فاطمه فى ايه ما انا خلاص حياتى كلها ادمرت
زين البت دى لازم تتحاسب هى والواد اللى اسمه احمد
الهام هتعملوا فيا ايه هتموتونى ولا هتبلغوا عنى والله ما اعرف انه هيعمل سحر كل اللى قالوا ان الشيخ هيقرى على الهدوم
فاطمه سابها تغور كفايه عليها مالك واللى حصلو
زين حصلو ايه
فاطمه اتلبس وكمان بقيت فتاه أحلامه
الهام نعم انتى بتقولى ايه
فاطمه انا بقيت فتاه احلام مالك وكله بسببك
الهام لا لا
زين انتى يا فاطمه
فاطمه للأسف وانا كمان يا زين بحس من ناحيته بحاجات غريبه وخارجه عن ايردتى
الهام انا هكلم احمد واخد منه الترنج والسحر هيتفك صدقينى يا فاطمه
زين طيب والحل دلوقتى
فاطمه خلاص انا ضعت
زين يا بنتى اهدى ان شاء الله كله هيبقى خير
المهم وخدها بعيد وشوشها مش هنروح العماره
علشان تشوفى البواب ده اللى معاه السر واكيد لما يشوفك هيعرفك ويمكن يعرف زين الصغير كمان
فاطمه عندك حق طيب والخاينه دى هنعمل فيها ايه
زين خليها هنا علشان لازم تروح البيت معاكى وكمان علشان متجبش سيره لأى حد ولا انتى رأيك ايه
فاطمه انا معاك وشالت الولد وطلعت
البيبرونه
ورضعته الهام قاعده بټعيط سامحينى انا هتصرف وان شاء الله السحر هيتفك
__ الولد خلص رضاعه وخدت الولد وخرجت
مع زين
الهام رايحين على فيين انتوا هتسبونى لوحدى ليه يا فاطمه يا فااااطمه
__فاطمه رجعت وقالت ربع ساعه وارجعلك
يا اختى يا جدعه مټخافيش شويه وارجعلك
وقفلت الباب وراها زين قفل الباب بالمفتاح على الهام ورجع فتحه وخد منها الفون وخرج
الهام وقفت ورا الباب وقعدت على الأرض وبقت
ټعيط
___ زين خرج مع فاطمه وركبت وراه وكان نفس الاحساس عنده لما لفت ايدها على وسطه انه يعرفها وهى حته منه
___ زين طلع بالموتوسيكل على العماره ولما وصلوا نزل وركن وخد الولد من فاطمه وقربوا من العماره
فاطمه ب استغراب مش ده البواب اللى كنت بشوفه!!
زين معقول
فاطمه اه التانى كان راجل كبير شويه وشعره
كله ابيض وسألته فين عم الحج اللى كان بيقف هنا رد وقالها معرفش انا لسه مستلم جديد
زين طيب انا بسأل بخصوص الشقه
البواب قاطعه فى الكلام عارف يا استاذ تقصد شقه اللى فى الدور
