روايه بجانبك حياتي جميله

قولت حالا

 بعدين ي مي قولت وبعدين حاجه ضروريه اي دى 

هو انا هيعط لي لا لا حاسه اني هعيط غددى الدمعيه هتكسفنى حالا وټعيط قدامهم مسكت نفسى قبل م دموعي تنزل بس بعد اي كانت عيني رغرغت بالعياط اصلا

احم ولا حاجه .. الفلوس اهى بتاع إمبارح.. اتفضل 

سبته ومشيت مهتمتش لانه بينادى ولا انه تقريبا جرى ورايا بس الحربايه بنت خالته مسكته انا بروح ف داهيه انا بنجذبله انا... انا بغير عليه... بس لا.. والله م هحبه حتى لو اضطريت ادوس ع قلبي بالجزمه

خلصت سكاشن خالص وانا ماليش نفس لاي حاجه ولا قادره اصلا كان آخر سكشن وخلص بعد العشا طلعت المسجد صليت وع منزلت مكانش فيه اي حد ف الكليه حتى الامن ملقتوش واقف ع البوابه حتى يونس عربيته مش موجوده فبالتالى هو كمان مشي معرفش لي حسيت بالوحده لما جه ف دماغي انه مشي بس حاولت اتجاهل شعورى ده ومشيت

قبل م اوصل للبوابه لقيت حد بينادى 

ببص لقيته طارق معيد عندنا ف الكليه عمرى م اتعاملت معاه نهائى ولا اعرفه اصلا بس أسمع عنه زى م أسمع عن كم المشاكل ال بينه وبين يونس وكذلك كرهه لدكتور يونس ال مش عارفه سببه 

 مي... بشمهندسه مي

أيوه ي دكتور خير

رد وهو بينهج من الجري  بسرعه بس الحقى ف بنت تعبت ف السكشن بتاعى ومفيش بنات خالص ف السكشن.... ومش عارف اعمل اي ممكن بس تيجى معايا نفوقها عشان انا مينفعش افوقها زى م انتى عارفه مبقاش انا وهى بس ال ف الاوضه الصحيه عشان انتي عارفه الكلام ال بيتقال..

تمام حضرتك يلا

م اخدتش بالى من الضحكه الخبيثه وهو بيقول  يلا بس بسرعه عشان نلحق...

يتبع

Mai Sayed

زواج بالاتفاق 

البارت السابع

صلي علي رسول الله.. 

وصلنا مكان السكشن وملقناش حد حاولت اتجاهل القلق ال سكنى مره واحده والتفتله بعد م دخل ورايا اصلا محدش عنده سكاشن دلوقتي غير القسم بتاعي وخلصنا ازاى نسيت حاجه زى ده

 هي فين البنت ي دكتور

رد وهو بيقفل الباب برجله بعد م دخل بنت مين 

 البنت ال حضرتك قولت انها تعبانه

رد وهو بيقرب عليا لا متوقعتش انك تكونى غبيه للدرجادى خيبتى ظنى فيكي بعد ال عملتيه ف يونس وبعدين لو يونس قصر معاكي ف حاجه فانا تمام ولا هو ليونس حلو ولطارق وحش 

قال كده بعد م كان وصلي وبيفصل بينا مجرد خطوه تقريبا ومجرد م خلص كلامه كنت كالعادي بضربه ع وشه بالقلم

 انت مقرف وزباله انا اشرف منك ومن امثالك القذره ويونس انضف منك ي مقرف

مسكنى من الخمار وشده بشعرى انتى لو مفكره انى هسكتلك زى م يونس عمل تبقى غبيه وبعدين انتي بتدافعي عنه كده ليه لو عمل حاجه وخاېفه من حد قوليلى وانا استر عليكي 

ناديت وانا قلبى بيبكى قبل عينى  يارب يارب انت القوى يارب يارب ي يونس.... صړخت .... ي يووووووونس

ينفع كده تدخل ف وقت مش مناسب وكمان من غير م تخبط مش عيب كده

 وقت مش مناسب ي زباله ي حقېر

رد يونس وهو بيضربه ع وشه بعصبيه

انت بټضرب لي وبعدين م تتكلمى ي ميوش قوليله ان احنا متفقين نتقابل هنا ي حبيبتى بعد م كله يمشي 

اټصدمت لا لا والله كده كتير مش هستحمل ان حد يبصلى نظره الشك دى وخاصه لو يونس 

صړخت فيه اخرس ي زباله حسبي آلله ونعم الوكيل فيك حسبي آلله ونعم الوكيل فيك 

بصيت ليونس 

مد ايده عشان يعدلى الخمار بعدت راسى 

اتكلمت بصوت مجهد  انا هعمله

أخيرا اتكلم بعد كم الصمت ال عدا علينا وال بوظلى اعصابي ضعف م هى بايظه

 طب يلا عشان نمشى

اتكلمت بتردد ي.. يونس

بصلي من غير م يرد

هو انت مصدقه!

فضل باصص ليا فتره من غير رد وبعدين قال

 قولت يلا عشان نمشى

حسيت بالوحده عيطت كأن قوتى طول الفتره ال فاتت كانت سراب كان تماسكى طول الوقت ال فاات اتدمر عيطت كاني معيطتش بقالي سنه كاني كنت ماسكه نفسي عشان اللحظه دي صړخت كأن روحي بتخرج منى انا ف اللحظه دى حاسه بالۏجع اكتر من اي وقت تانى اكتر حتي من معامله أمى ليا اكتر من اي وقت من ساعه م عرفته اكتر حتى من ال حصل من شويه معرفش عيطت قد اي ولا استمريت ف الصړيخ اد اي ومعرفش ازاي أمن الكليه لسه مسمعش كل الصوت ده محاولش يكلمنى ولا انا حاولت اتكلم تانى 

حاولت أسند نفسي لحد م قومت مسحت وشي وحاولت اهدى نفسي وابطل عياط مع وعد انى هعيط تانى اول م اوصل البيت عشان كفايه عليه ال شافه منى دلوقتي 

دخلت المكان ال المفروض بنعمل فيه التجارب وسبته واقف دخلت ظبطت هدومى والخمار وانا بحاول معيطش كل م عينى تتملى دموع امسحها پعنف كأنى مش من حقى أعيط مش من حقى أعيط قدام حد مش من حق