روايه ليله العمر

الي كان بيجيبهم ويحطهم ادامي واحنا بنتفرج علي التليفزيون
واتعجبت من امرة
لية عابد يلجئ للعصير الي فيه منوم ولية الحوارات دي كلها 
دنا زوجتة وحلالة
وسالت نفسي
وقلت...
يكونش عابد شك فيا لما ورطتة في الجواز
و اعتقد خطأ اني بت شمال 
فا حب يتأكد ان كنت عذراء ولا لا
ورجعت قولت لنفسي

لا ...التخمين ده مش صح
لان لو عابد كان عايز يتأكد من عڈريتي
كان هيقوم بالمحاولة مرة واحدة بس
لكن عابد كان بيجبلي العصير كل يوم لمدة اسبوعين تقريبا
وكل ما كنت بشربة
كانت راسي بتتقل بعدها...
واروح في النوم وانا قاعدة ادام التلفزيون
ودا رجعني تاني لنفس السؤال
لية عابد يلجئ للاسلوب الغريب ده
ولية يلجئ للمنوم وانا زوجتة اصلا
وفضلت افكر في تصرفات عابد الغريبة معايا
لكن فشلت اترجمها
و في اللحظة دي
فكرت اني اواجهة عشان يفهمني هو عمل كدة لية
لكن ....تراجعت عن الفكرة لما لقيت المواجهة ممكن تسببلة شيئ من الاحراج
وانا مش عايزة ادايق عابد لاني بحبة
وقلت لنفسي
اكيد انا عجبت عابد
بس هو بيكابر 
بسبب الطريقة الي اتجوزتة بيها
بس مين عارف
يمكن لما الحمل يكمل وابنة يجي للدنيا 
اكيد عابد هيتغير
واكيد كمان هينسي الطريقة الي اتجوزنا بيها
وابدء اعيش معاه زي اي اتنين متجوزين
وبعدما توصلت للتحليل ده
قررت بعدها
اني اتجاهل الي حصل
وكأني معرفتش حاجة
وبسرعة اخدت التوكة بتاعتي
وخرجت من الغرفة قبل ما عابد يخرج من الحمام
وفعلا عابد خرج من الحمام
لقاني في المطبخ
ورجعت اتعامل معاه عادي
بس في الوقت ده كنت قررت ان لما عابد يقدملي العصير
مش هشرب منه
وهعمل نفسي نايمة
عشان اشوف اية الي بيتم بعدما بنام
يمكن اعرف هو بيعمل كده لية
لكن...
مر كام يوم وانا بنتظر علبتين العصير 
بس عابد مجبش حاجة
وفي ليلة
عادبد رجع من الشغل علي غير العادة
وجاب معاه اكل جاهز
وحطة ادامة وهو بيتفرج علي التليفزيون
وبعدها سابني ودخل نام
وبصراحة شكل الاكل كان شهي جدا
فا اكلت من الاكل الي اتبقي منه ...لغاية ما شبعت
وبعدها...
صحيت من النوم الصبح 
علي صوت الجرس
وفي الوقت ده
عابد كان خرج لشغلة
فا قمت فتحت الباب
واول ما فتحت لقيت امي واقفة ادامي
فا اټفزعت اول ما شوفتها
وقلت اكيد جاية تستفرد بيا
وتعاقبني براحتها
لكن الغريبة
اني اتفاجئت انها بتبصلي اوي
وكانت بتشهق وهي مبحلقة لوجهي
وبعدها...
لقيتها بتسألني بقلق
وبتقولي...سلامتك يا قلبي
انتي تعبانة اوي كده 
فا اتعجبت من سؤالها واسلوبها الي اتغير فجاءة
وقلت...مالي فيا اية
انا تمام الحمد لله
فا اتفاجئت بامي وهي بتحضني وبتقولي...
لا لا متتحامليش علي
نفسك
وتعالي ارجعي للسرير
وحاولي تستريحي
وبعدما اخدتني امي للسرير
دخلت جهزتلي صينية اكل من الي هي جايباه معاها
وبدات تاكلني وانا في السرير
فا اتعجبت من الاهتمام المبالغ الي امي بتعملة...
وخصوصا ان ده مش العادي بتاعها
فاسألتها
وقلت...هو في اية
فا ردت ماما
وقالتلي...عابد قلق عليكي بعد الاغماءة الي حصلتلك
واتصل بخالتك وعرفها بتعبك
فا بصتلها بتعجب
وسالتها...
وقلت..انا اتعرضت ل اغماءة
فا ردت امي
وقالتلي...
متقلقيش يا حبيبتي
الاغماءة كانت بسبب الانيمياء الشديدة الي عندك
بس باذن الله مع الاكل والعلاج هتبقي كويسة
فا بصتلها بتعجب
وسألتها..
وقلت...هو عابد اتصل بخالتي امتي
قالت...اتصل بيها امبارح باليل
وهي اتصلت بيا وقالتلي
بصراحة كلام ماما حيرني ولخبطني
ومبقتش فاهمة حاجة
لكن ...
محاولتش انفي كلام عابد لغاية ما اعرف اية الحكاية
واثناء ما كنت قاعدة مع ماما
سمعت صوت موبيلي
ولقيت المتصل هو عابد
ودي كمان كانت حاجة اغرب واغرب
من امتي عابد كان بيكلمني في الموبيل
وجاب رقمي ازاي اصلا
ومين الي سيف رقمة علي موبيلي
وبسرعة رديت علية
وقلت...الووو
فا سمعت صوت عابد من خلال الموبيل
وهو بيقولي ..
الوو يا ريم
..ازيك يا حبيبتي عاملة اية
فا اندهشت من طريقة كلامة
وقلت..مين الي بيتكلم
فا رد عليا
وقالي...انا عابد جوزك يا قلبي
مش عارفة صوتي ولا اية
قلت..هو انت مش كنت هنا من شوية...
ولسة خارج للشغل
فا رد عابد
وقالي...
منا روحت المكتب و لغيت شغلي يا حبيبتي
وراجع عشان اقعد معاكي
يا قلبي
عموما....انا وصلت تحت البيت
وبتصل بيكي
عشان اشوفك لو عايزة حاجة اجيبهالك قبل ما اطلع
فا بصيت لامي وانا مخضۏضة
ورجعت رديت علي عابد
وقلت...لا شكرا مش عايزة حاجة يا عابد
وبعدما قفلت معاه
ماما سالتني
وقالتلي...
جوزك كان عايز اية 
قلت...مفيش
اصل عابد تحت البيت وبيسالني ان كنت عايزة حاجة
فا انتفضت امي من مكانها
وقالتلي..
انا مش عايزة اتقابل في جوزك
بعد الي عملة معايا
و هنزل بسرعة قبل ما يجي
وفعلا...تركتني امي ونزلت
وانا قمت بسرعة عشان اظبط نفسي قبل ما عابد يطلع
وبسرعة روحت القي نظرة علي نفسي ادام المراية
لكن...
اول ما بدات ابص في المراية...اټفزعت
اية ده انا شكلي مريض اوي كده لية
ولية تحت عنيا اسود اوي كده 
ولية لوني شاحب اوي 
ولما لقيت منظري مريض و مرعب
فا جريت بسرعة علي الحمام
عشان 
اغسل وشي واحط شوية بودرة واحمر خدود
لكن...اول ما دعكت وجهي بالمياه
اتفاجئت با لون اسود شبية بالكحل والمكياج بيسيل في ايدي
فا رجعت بصيت في المراية
عشان اكتشف ان الي كان تحت عيني مكياج
وسالت نفسي
اية المكياج ده
داانا متأكدة اني قبل ما انام غسلت وجهي
ومكنتش حاطة اي مكياج
يبقي اكيد 
عابد حطلي حاجة في الاكل بتاع امبارح
وهو الي حطلي المكياج ده
وانا نايمة
بس لية عابد هيحطلي 
مكياج ...وانا نايمة 
وهيستفاد اية
ولية اتصل بماما وخالاتي وقالهم اني اتعرضت لاغماءة
واية موضوع التليفون
الي بيمسكة من ورايا ده
واثناء ما كنت واقفة محتارة من الي بيحصل
سمعت صوت بابةالشقة وهو بيتقفل بره