العاصفة الكاتبة شيماء محمد الفصل ١٧
سليم
ملك فتحت الباب پعنف عند كريم اللي كان ماسك التليفون مع مؤمن
ملك بتريقة حضرته بلغك بآخر الأخبار !
كريم قفل التليفون وبهدوء تام حط السماعة مكانها وبصلها وبص لعلياء اللي واقفة وراهم محتارة وابتسلمها روحي أنتي يا علياء خلاص لشغلك ..
علياء خرجت وقفلت الباب وراها وكريم شاور بليده إنهم يقعدوا وهو ساكت وهادي بطريقة تنزفز ..
ملك قعدت قصاده وهي في قمة نرفزتها ونرفزها كريم أكتر بهدوئه وتمالكه لأعصابه بالشكل ده .. انتظرت يتكلم أو ينطق بس هو ساكت بيلعب بأعصابهم هى فاهمة أسلوبه كويس
كريم بهدوء تام أنتي اللي عندك مشكلة مش أنا ! فأنا منتظرك تتماسكي وتتكلمي في اللي مضايقك ومخليكي تدخلي بالمنظر ده عندي !
ملك بتريقة اه سوري نسيت أخبط .
كريم عارف إنها عايزة تستفزه بس هو مش بسهولة أبدا بيتهز والمفروض إنها عارفة ده كويس ..
تجاهل تعليقها الأخير وبص لسليم خير ! مالكم ! ولا أنت جايبها علشان هى تتكلم بص لملك اتكلمي !
سليم جه يتكلم بس ملك سكتته بإشارة من ايدها واتكلمت هى عايزة أقبل عرض شركة الحسيني
ملك بهجوم أنتوا بتدخلوا الشغل في الاعتبارات الشخصية .
كريم بهدوء بصلها بنوع من التريقة والله لو حد بيعمل كده فمش احنا .. احنا درسنا وأخدنا قرار فهل أنتي قبل ما تيجي تقعدي قصادي وتتهميني وتتهمي مؤمن إنه بيتحيز قرأتي أي عروض
ملك جت تتكلم بس كريم بصرامة كرر سؤاله قرأتي أي عروض أنا منتظر إجابة منك !
ملك أخدت نفس طويل وبصتله لا .
كريم ابتسم طيب .. قرأتي يا ملك عرض شركة الحسيني اللي أنتي عايزانا نقبله !
ملك بمجادلة عقيمة أنت قبلت عرض تكنو علشان البنت اللي جت من عندهم محجبة وحاصلة على المواصفات بتاعة كريم المرشدي !
كريم بصلها بجمود أعتقد يا ملك أنا لو كنت راجل سطحي في شغلي بالشكل اللي أنتي بتتكلمي بيه ده كانت الشركة وقعت مني من أول سنة . أنا لا عمري حكمت على حد بمظهره ولا عمري هدخل الشغل في الحياة الخاصة ..
ملك بنرفزة أنت كنت عملي زمان لكن من ساعة الحاډثة وأنت بتحكم بعواطفك وبأحاسيسك ولغيت العقلانية من قاموسك تماما بدليل .......
سليم اتكلم لأول مرة يا جماعة اهدوا الحوار ما يكنش كده .. كريم أنت لازم ........
قاطعه كريم بنظرة حادة أنا وأنت مش أصحاب ولا زمايل فما ترفعش الألقاب بينا .
سليم بتوتر اعذرني يا باشمهندس .
ملك بتريقة شوفت إنك بتردهالي .
كريم وقف بعصبية شوفي يا ملك أنا مش فاضي للعب العيال بتاعك ده .
ملك وقفت لعب عيال يا كريم !
كريم پغضب لما تيجيلي وأنتي جايبة في ايدك صاحبك وتتخانقي معانا علشانه يبقى لعب عيال أيوة.. فاتفضلي بقى شوفي مكان تاني العبي فيه معاه بعيد عن هنا لأني ورايا شغل مهم ..
ملك بتحدي لعب عيال بلعب عيال بقى أنا هقبل عرض شركة تكنو وريني سيادتك هتعمل ايه !
كريم بصلها ومرة واحدة ضحك وضحك جامد كمان وقعد مكانه واسترخى في كرسيه وهى استغربت ضحكه وهتتجنن منه ومن طريقته
كريم بضحك سوري سوري بس بجد ضحكتيني .. شوفي يا ملك أنتي ممكن تمشي كلامك وتلعبي اللعب ده في شركتك هناك عند أبوكي لكن هنا لا .
ملك استغربت وبصاله وهو حس إنها مش فاهمة
كريم ابتسم أوضحلك أكتر عشان أثبتلك إنك جاية تلعبي وإنك مابصيتيش حتى على المشروع ولا شوفتي أسماء الشركاء ولا نسب شراكتهم .. شركة باباكي وشركتنا بيتعاملوا مع بعض أيوة وأبهاتنا أصحاب أيوة بنعمل مشاريع مع بعض أيوة لكن بنعملها ازاي وايه الشراكة دي دي الأسئلة المهمة
