حكمنا الهوى الكاتبة شيماء محمد الفصل ١٣

القاعة جوزيني بنتك وهو في ايده خطيبته أنا بس بفكر معاكي بصوت عالي مش أكتر كانت هتخرج بس رجعت لبنتها وقالت بهدوء همس حبيبتي أنا صعب عليا أشوفك مقهورة وموجوعة كده وعارفة انك بتحبيه ويمكن هو كمان يكون بيحبك بس ظروفه صعبة ومش مناسبة وكل اللي أقدر أقوله يروح ويصلح ظروفه ويوم ما يفسخ خطوبته بشذى دي يا أهلا بيه حتى لو هتشحتوا مع بعض طبعا عمرها ما هتوصل لكده بس قصدي انه يظبط ظروفه وقدامه الوقت مفتوح براحته انتي كده كده لسه بتدرسي لكن طول ما هو مش حر نفسه يبقى مايلزمناش ولا انتي عندك رأي تاني غيري  
حركت راسها برفض وبصت للأرض وهي بتقول بخفوت ماعنديش رأي تاني .
خرجت بعد ما باستها ورجعت لأوضتها وهمس قعدت على سريرها وفكرة جديدة زرعتها أمها بدون قصد منها هل ممكن تقبل تتجوز سيف في السر وهل ممكن تتحمل تكون ضرة لشذى  
مجرد التفكير ۏجعها وغمضت عينيها بتطرد الصورة دي صورة سيف مع شذى وايدها في ايده وهي بعيد مالهاش حق تقرب أو تتكلم أو تنطق بحرف هو في ذل أكبر من ده  
لا يمكن تقبل وضع زي ده أبدا حتى لو التمن تتحرم منه .
رشا سهرانة في بيتها مش عارفة تنام وبتفكر مين يا ترى عرف بدر على واحد زي سيف الصياد اللي بمجرد ذكر اسمه الدنيا بتتقلب كده من امتى يعرف عائلات ارستقراطية بالشكل ده ليه كانت غبية وما صبرتش عليه! مش يمكن لو صبرت كان العز ده كله بتاعها  
يا ترى عاملين ايه دلوقتي بينضفوا شقتهم وبيندبوا حظهم أيوة أكيد ليلة دخلتهم باظت .
ضحكت من قلبها وافتكرت حړقة قلبها أول ما دخلت الشقة بتاعتهم وشافتها بالجمال ده قلبها ۏجعها وكانت لازم تفكر في حاجة تخرب بيها الجمال ده تقطع الهدوم مثلا ولا تولع تفتح الڼار وتسيبها تولع في الشقة بس كدا ممكن يجيبوها وټتسجن وقفت بحيرة وابنها بيبصلها بترقب وندمان انه سمع كلامها بس فضل ساكت.
فكرت كتير لحد ما الباب خبط وكانت مړعوپة بس لما بصت من العين السحرية شافت حد عادي فتحت بثقة وعرفت انه عامل النظافة بيلم الژبالة وهنا جت في بالها الفكرة طلعت فلوس وطلبت منه ان كل الژبالة اللي لمها من العمارة وكل الژبالة اللي تحت قي العربية يطلعهالها وهو استغرب وكان رافض بس الورقة اللي ب ٢٠٠ زغللت عينيه وهو محتاجها وبعدين هو ماله هتعمل ايه بيها! شقتها وهي حرة نفذ طلبها بهدوء وحطلها الژبالة كلها قدام الشقة ومع ذهول أنس اللي مسك موبايله يتصل بأبوه بس هي لمحته وأخدت منه الموبايل وحبسته في أوضته لحد ما خلصت ومش بس كده دي دخلت أخدت شاور ولبست فستانها تاني وغرقته برفان علشان لو في ريحة ژبالة واستعدت عندهم قبل ما تتحرك و تاخد ابنها وتمشي انتبهت من افكارها مبسوطة انها قدرت تكسر فرحتهم .
النهار نور ونادر طلع من أوضة هند لقى أبوه وأمه صاحيين وقاعدين مع بعض في البلكونة انضملهم بابتسامة صباح الخير ايه اللي مصحيكم بدري كده 
أبوه بصله نفس اللي مصحيك .
ابتسم أيوة أنا متعود على النوم القليل وكده أعتبر نمت كتير جدا كمان المهم سيف صحي ولا ايه ليكون صحي ومحروج يخرج 
أبوه بص ناحية الأوضة واقترح طيب خبط خبطة واحدة لو صاحي هيرد عليك .
وقف وراح ناحية أوضته وخبط بالفعل خبطة هادية ولحظة وسيف فتح وكان صاحي فنادر ابتسم صباح الخير خفت تكون صاحي ومحروج تخرج فقلت أشوفك .
ابتسمله أنا متعود أصحى بدري فعلا حتى لو نايم متأخر .
نادر شاورله تعال طيب اقعد معانا كلنا في البلكونة يلا بس الأول طمني چرحك أخباره ايه خليني أبص عليه .
اطمن على جرحه وغير عليه بعدها خرجوا مع بعض للبلكونة وصبح عليهم وانضمولهم بيتكلموا عادي بس نظرات فاتن له عاملاله توتر ومش عارف هي بتفكر في ايه بيفكر كمان لو فتح الموضوع مع أبوها هيكون ايه رد فعله هل هيتفهم ظروفه ولا هيعمل زي مراته  
انتبه على سؤال خاطر اللي ما سمعهوش أصلا فاعتذر