حكمنا الهوى الكاتبة شيماء محمد الفصل ١٢

وهمس ما استنتش وفتحت الباب وجريت خصوصا لما لمحته على الأرض قعدت جنبه بلهفة ودموع سيف افتح عينيك قولي مالك سيف 
صړخت في أخوها اللي لسه بيقرب نادر تعال بسرعة .
الكل نزل ونادر قرب منه بيصحيه بقلق سيف فوق يا ابني سيف  
همس كانت ھتموت من القلق وأمها مراقباها ومستغربة حبها الكبير له بالرغم من خطوبته لغيرها !
سيف فتح عينيه واستغرب ان كل الناس دي فوقه شايف ناس كتير بس مش مميز أي حد فيهم .
نادر بيكلمه باهتمام انت كويس اتكلم قول أي حاجة .
بصله لوهلة كأنه مش عارفه بس بعدها الرؤية وضحت قدامه ورد بتعب نادر انت ايه اللي جابك هنا بص حواليه شاف همس وعياطها وباقي أهلها حتى هند وبدر فكمل بتعجب انتوا كلكم بتعملوا ايه هنا أنا كويس .
وقف بسرعة بس داخ فنادر مسكه وسنده بسرعة يا ابني بالراحة .
بصله بإرهاق أنا كويس أنا بجد كويس 
ابتسم وهو بيفكره قلتلك اني مصدع .
بصله بذهول ولما انت تعبان للدرجة دي مشيت ليه وايه اللي حصل  
بص لعربيته ورفع كتفه بحيرة والله ما أعرف مرة واحدة لقيتها كده !
كلهم بصوله باستغراب وهمس دموعها نازلة بصمت وبدر سأله بجدية طيب انت كويس دلوقتي وبعدين طلعت عن الطريق ازاي ولا حد خبطك  
بصله واستوعب انه عريس ولسه واقف معاه فرد باستنكار انت واقف ليه ما تاخد عروستك وتروح يا جماعة والله أنا كويس بص لهمس بالذات وابتسم علشان يطمنها أنا بجد كويس .
نطقت پخوف انت متعور فوق حاجبك !
حط ايده على الچرح بابتسامة دي حاجة بسيطة حتى مش پينزف .
نادر قرب وبص لاخته بجدية نوريلي يا همس بموبايلك كده .
همس قربت بسرعة بموبايلها ونورت على جرحه ونادر بيشوفه باهتمام في إزازة على فكرة دي اللي مانعة الڼزيف يا ناصح .
سيف بصله بلا مبالاة حتى لو ڼزفت هتكون حاجة بسيطة برضه . 
نادر تجاهل كلامه وبص لأخته هاتي عدة الإسعافات اللي في عربيتي يا همس .
سيف حاول يعترض بس خاطر اتدخل پخوف عليه يا ابني انت في ايه انت ازاي عايزنا نروح ونسيبك كده هو انت لو شوفت حد في الشارع في ظروفك هتسيبه وتمشي  
سيف اتنهد وبرر يا عمي لا بس ده فرح بنتك والمفروض تروحوها مش تفضلوا هنا معايا وتوقفوها هي كمان في نص الشارع !
بدر اتدخل بهدوء ممكن ما تشغلش بالك بينا بعدين يا سيدي احنا والحمدلله اتجوزنا خلاص الباقي كله تحصيل حاصل المهم نطمن عليك دلوقتي.
فاتن بصتله وسألته بتهكم امال المحروسة فين خطيبتك  
بصلها بهدوء عدوا علينا زمايلها وخليتها تروح معاهم .
علقت باستنكار وهي سابتك عادي كده  
جاوبها بعدم اهتمام يعني هتقعد معايا تعمل ايه أفضلها تروح على الأقل ما أشيلش همها . 
همس ادت أخوها علبة الإسعافات وهو قعد سيف على الأرض زي ما كان قاعد وفتح علبة الإسعافات طلع قطن منها وبص لهمس بجدية نوري يا همس .
فاتن قربت تاخد الموبايل من بنتها بصرامة هاتي أنا هنورله .
همس بصتلها بحزن وفاتن شدت الموبايل ونادر شال الإزازة بعدها الډم ڼزف بغزارة ونزل على قميصه ونادر حط قطنة بس كانت صغيرة فهمس قربت بسرعة أخدت كذا قطنة وبتحاول تساعد أخوها اللي قالها بهدوء اضغطي على الچرح علشان يبطل ېنزف لازم أخيطه .
بصتله بذهول هتخيطه هنا كده وبدون بنج يا نادر  
نادر بص لسيف بتساؤل نروح مستشفى يا سيف ولا تستحمل غرزتين  
همس اللي ردت پخوف نروح مستشفى طبعا ياخد بنج مش هتخيطه كده .
كلهم بصولها بس محدش علق وأبوها اعتقد انها قلقانة لأنه دكتورها 
سيف بص لنادر بهدوء خيط وبسرعة خليكم تمشوا .
همس حاولت تعترض پخوف بس نادر بصلها بهدوء مش هيحس بيهم ما تقلقيش وبعدين هرش بنج موضعي والموضوع هياخد دقيقتين بالظبط شيلي ايدك .
شالت ايدها بس الډم نزل تاني فرجعت القطنة تاني بسرعة ونادر سحب ايدها اهدي أنا هتعامل خلاص .
نادر مسح الچرح وهي قاعدة مكانها على الأرض قدامه بحزن والكل مركز مع نادر اللي هيبدأ يخيط بس بصلهم بجدية اللي معاه موبايل تاني ياريت ينور بدل الضلمة دي .
كلهم طلعوا موبايلاتهم ونوروا وسيف بصلهم بس ماقدرش يفتح عينيه فقال بابتسامة مش متخيل انت كمية الأنوار دي عاملة ايه 
ابتسم بهدوء غمض عينيك لان أنا محتاج الأنوار دي .
خاطر وبدر وفاتن كل واحد ماسك موبايل منوره وهمس قاعدة على الأرض قصاد سيف ماسكة علبة الإسعافات لأخوها والكل بيراقب نادر وهو بيخيط چرح سيف.
همس سألت بحب وألم بيوجعك 
محدش لاحظ لهجتها في السؤال إلا مامتها وهند اللي عارفين حبها له وراقبوه وهو بيجاوبها بحنان يطمنها مش حاسس بيه أصلا ما تقلقيش.
نادر بصلها بطرف عينيه وبصله وطلع لزقة صغيرة حطها بابتسامة انتهينا .
بعد وسيف حاول يفتح عينيه بس ماقدرش فقال بتعب ينفع