روايه نوبه حب
فين و انا بفضله على اهلي
و انا بعصي ابويا عشان واحد زيه
بعد يومين
_ لا إله الا الله راجعو نفسكوا تاني يا ولاد
إن ابعض الحلال عند الله الطلاق
قالها المأذون و هو بيضرب كف على كف
كان جارنا و هو بنفسه اللي كاتب كتابنا
شتان الفرق بين احساسي يوم كتب كتابنا
و بين احساسي دلوقتي... حاسة روحي بتتحرق
_ ملهوش لزوم الكلام دا يا شيخنا
_ يفكروا تاني عشان عيالهم... حرام دول عيلين ملهمش ذنب
_ ولا بنتي كان ليها ذنب في اللي عمله.... وعياله يقدر يشوفهم
وقت ما يحب انا مش هحرمهم من ابوهم البيت في وش البيت
يعني هيفضلوا قدامه علطول
_ يا عمي ارجوك خليني اتكلم معاها..... خليني اوضحلها اللي حصل بس
كنت بحاول اتحاشى نظراته ليا طول الوقت
_ امضي هنا يا فريد
مسك القلم و هو بيبصلي برجاء
كانت ايديه بترتعش مقدرش يمضي و رماه في الارض
_ انا مش هطلق... مش هطلق
قاله كلامه وهو بيقرب عليا و بحركة سريعه منه
كان حضڼي حاولت ابعد لكن من غير فايدة
كنت حاسة اني متكتفة مش طايقة قربه
_ خلينا نمشي من هنا يا حياة.... هنسيب كل حاجة ونمشي
كان بيتكلم بهيستريا و هو حاضني بقوة
حاول عمر و والده يبعدوه عني و بعد محاولات قدروا يشدوه بعيد
_ سيبوني انا مش هطلق..... ابعدوا عني
وقتها والده ضربه بالقلم
شهقت پصدمه من رد فعله
و مسكت القلم ومضيت بسرعه مكنتش مستحملة افضل في الوضع دا اكتر من كدا
اتكلم پقهر و هو شايفني بمضي قدامه
_ لا يا حياة.... لاااا
جريت على اوضتي بسرعه و قفلت الباب
كنت سامعه صوت زعيقه اللي كان كله عبارة عن
مش همضي انا... مش هطلق.... يا حياااة اطلعي
رجليا مكانتش شايلاني قعدت ورا الباب و انا حاسة الدنيا كلها بتلف بيا
جزء مني عايز عايز يلبي كلامه و يجري عليه و الجزء التاني مش مستحمل حتى يسمع صوته
كل حاجة اتهدت في لحظة
____________________________________
_حددت هتختار مين صح
_ اهااا حددت
_طيب حياة من ضمنهم صح
_ للأسف لا
رمى الملف من ايديه بعصبية
_ ليه.... ليه يا أيمن انا قولتلك البنت كويسه
رد بضحك
_ ايه يا عم سامر براحه ما تيجي تاخدني قلمين احسن
اتكلم سامر بدهشة
_ هي كانت مسافرة
_ ايوا كانت عايشة في أستراليا 5 سنين و لسه نازلة مصر من فترة قصيرة.... بعدين انا فكرتك قريب منها ازاي متعرفش انها مسافرة
_ كانت زميلتي في الكلية و من بعد التخرج وانا معرفش عنها حاجه
_ اللي يشوفك وانت بتوصي عليها
