روايه تزوجت اختها

وهو متغطي وغمضت عينيها وبلعت ريقها
جه الراجل الموجود في الأوضة شال الغطا من على وشه .. فتحت عينيها 
شافت چثة متفحمة مش باينه ليها ملامح .. مش باين غير إنه جسم شاب
مها بتبصله ودموعها نازلة .. مدت ايديها وهي بتترعش حطيتها على الچثة وهي انفاسها بتسابق بعضها
وفي لحظة شالت ايديها وبعدت عن الچثة
مها ده مش جوزي

الراجل نعم ازاي يعني
مها بقوووولك ده مش جوزي .. دوروا علي أهله ده مش مصطففففى
الراجل طب وحضرتك عرفتي منين وهو مش باينله ملامح كدا ماهو كان في نفس العربية بتاعة زوج حضرتك وجنب العربية نفس
التليفون بتاعه بالخط بكل حاجة ازاي مش هو !!!
مها هو انت مبتفهمش عربي !
بصوت عالي بقوووووولك ده مش جووووزي شيله من قداااامي
بدر وزهره سمعوا الصوت وجم بسرعة علي الباب
بدر في ايه يا مها
مها خارجة على برا متدخلش تشوفه عشان ده مش صاحبك انا اكتر واحدة تحس بيه وبقولك اللي جوا ده مش مصطفى 
بټعيط وبتبتسم جوزي عايش انا متأكدة وحاسة بيه والله
زهره طب مش هتدخل تبص عليه يا بدر 
بدر لا .. انا كمان إحساسي بيقول ان اللي جوا ده مش صاحبي 
ومش هحط نفسي في موقف اني ادخل أشوف جثته يا زهره .. انا هنزل من هنا وهقلب الدنيا فوقاني تحتاني لحد ماالاقيه
الفجر بيأذن 
مها وبدر وزهره بيسمعوا الله أكبر الله أكبر بيغمضوا عينيهم وبياخدو نفسهم وكان ده رد من ربنا عليهم إنه معاهم وواقف جنبهم ..
مها احنا هننزل ندور مع بعض .. ووعد عليا إني مش هخطي عتبة البيت غير وانا ايدي في ايده بټعيط او حتي معايا جث....
بدر بس بس متكمليش قولتلك مصطفى عايش .. يلا ننزل ندور
زهره بتبصلهم ومش مقتنعة ولكن بتقرر انها تطاوعهم
زهره بتمسك ايد مها وبتبتسم يلا بيننا 
مها بتبتسملها وهي دموعها نازلة يلا
خرجوا على برا بسرعة .. بدر سابقهم ونازل يجري ع السلم 
وهو نازل طلع التليفون من جيبه عشان يتصل بحد وبعد ما فتح جهات الإتصال افتكر إنه كان هيتصل بمصطفى عشان ييجي يدور معاه عليه 
غمض عينه وحس بۏجع بشع في قلبه .. وبعد لحظات فتح عينه تاني ومسك نفسه وكمل نزول بسرعة علي تحت
في بيت أم بدر 
هند قاعده في بلكونة اوضتها باصه للسما بتتفرج على شروق الشمس وصوت زقزقة العصافير وهي لسة بتفوق
Flash back 
هند اي حد من حقه ياخد فرصه وانا من حقي تديني فرصة واحدة بس اثبتلك بيها إني اتغيرت بجد وغلبت الطبع بالتطبع لكل قاعده شواذ يا فريد 
فريد باصصلها وساكت
وبعد لحظات...
فريد ماشي
هند بتبرق ماشي ايه بالظبط ماشي يعني موافق صح 
فريد ايوة
هند بتتنطط وبتسقف بجددددد 
فريد استني بس عشان تكون كل حاجة على نور .. قبل ما نبدأ في أي حاجة انا عندي شرطين
هند انت تؤمر 
قول شروطك وانا موافقة قبل مااسمعها
فريد اول حاجة خليكي عارفه ان الفرصه دي مش عشان نرتبط دي عشان أتأكد الأول إذا كنتي اتغيرتي فعلا او لا وفي حالة إني أحس إنك متغيرتيش انا همشي ومن غير مبررات
هند موافقة
فريد تاني حاجة ودي الأهم بقي ..
مفيش مخلوق يعرف بالعلاقة اللي بيننا فترة لحد مااتطمن واقرر إننا هنبدأ العلاقة فعلا وساعتها هاجي اخطبك رسمي
هند موافقة علي دي كمان 
بيبصلها وبيبتسم على خيرة الله .. أتمنى من قلبي تكوني اتغيرتي بجد يا هند
هند وانا هبهرك يا فرفورتي 
فريد لا مبدأيا فرفورتي دي نلغيها من القاموس 
رجعت من الفلاش باك 
هند بتبتسم أوعدك إن مش هيعدي علينا شهر واحد غير وانت عارف إني اتغيرت بجد يا فريد .. مش هيعدي شهر الا ما تكون آمنت بحبي ليك بجد وجيت تتجوزني علي سنة الله ورسوله 
مها وزهره وبدر راحوا مكان الحاډثة مكان فاضي وواسع وكل واحد فيهم في ناحية عمال يدور على مصطفى 
بدأوا يتوسعوا شوية ويسألوا في الاقسام والبيوت والمستوصفات واي مكان ممكن يكون فيه
وفجأة زهره مسكت مها في نص الشارع
زهره مها ياحبيبتي انا حاسه ان اللي بنعمله ده ملوش أي لازمة .. كل المواصفات بتقول ان چثة مصطفى هي اللي كانت في المستشفي لأن هي عربيته وتليفونه وساعته ونفس المعاد اللي خرج فيه كل حاجة على مقاسه يا مها وواضحة زي الشمس
مها لا يازهره