العاصفة الفصل التاسع الكاتبة شيماء محمد
اذنك .
جه يخرج أبوها وقف في وشه يحاول يوقفه كريم اهدأ بس يا ابني وخلينا نتكلم بهدوء أنا وأنت .
كريم ابتسم بمجاملة عمي معلش وقت تاني .. الوقت فعلا اتأخر .. بعدين حضرتك المفروض تتكلم مع بنتك مش معايا أنا .. وياريت تبلغوني بقراركم ..
كريم اعتذر بهدوء وانسحب لبيته كان مؤمن قاعد في الجنينة فراح قعد معاه وفضل ساكت ومؤمن بصله شوية بس حس إنه مش عايز يتكلم ففضل ساكت باصص لموبايله ..
الصمت طال بينهم ومؤمن قفل موبايله لا كده كتير أوي .
كريم بصله باستغراب ايه ده اللي كتير ! بتتكلم عن ايه
مؤمن باستغراب الصمت يا كريم .. الصمت اللي كتير .
مؤمن استغرب لأنه مش فاهم حاجة وبص حواليه للجو اللي نوعا ما زهق وظلمة ومفيش قمر أصلا وبص لكريم المسترخي في قعدته الجو مش ظريف ولا حلو .
كريم فتح عينيه بضيق عايز ايه!
مؤمن بصله ارغي .. اتكلم معايا !
كريم بزهق أقول ايه أنت منتظر مني حاجة معينة أقولها
مؤمن استغرب يا ابني أنت مش طبيعي وأعتقد أو أنا بحب أعتقد إني أقرب حد ليك وإنك بتعتبرني زي أخوك ولا أنا غلطان في اعتقادي
كريم بصله بتعب أنت عارف إنك فعلا أخ مش زي .. أنا معنديش أخوات وأنت من واحنا عيال واعتبرنا نفسنا أخوات وطول عمرنا ماشيين خطوات واحدة .
كريم نفخ بضيق تخيل لحد النهاردة لسة بتتكلم في قصة ازاي أتدخل وأعرض حياتي للخطړ علشان خاطر واحدة معرفهاش .. لسة لحد النهاردة ماشيين في نفس الدوامة .
مؤمن ابتسم بتفهم لا يا حبيبي هي مش بتتكلم في النقطة دي
كريم بصله باستغراب لا بتتكلم فيها ! لسة متخانقة معايا وقالتلي ليه اتدخلت وليه عرضت حياتي للخطړ .
مؤمن بصله باهتمام أعتقد يا كريم إنها بتتكلم في التوابع اللي اترتبت على تدخلك ده .. يعني أنت الأول كنت عاجبها لكن لما اتعرضت للحاډثة وفوقت اتحولت لشخصية تانية .. شخصية هي مش عارفة تتعامل معاها .. فلما بتقولك دلوقتي ليه .. هي قصدها ليه كل ده حصل وليه اتغيرت كده ..
مؤمن ببساطة بالحب .
كريم بصله بذهول الحب
مؤمن أخد نفس طويل وابتسم أيوة الحب ! الحب اللي يخليك تستحمل وتعافر مع حبيبتك لحد ما تعدوا وتوصلوا لبر الامان .. الحب اللي يخليها هي تستوعب شخصية حبيبها الجديدة وتحاول تقرب من الشخصية دي وزي ما عرفت تكسب حبيبها قبل كده تعرف تكسبه دلوقتي .. الحب اللي يخليكم أنتوا الاتنين تدوروا على الأرض المحايدة اللي أنت بتتكلم عنها .. الحب يخليك تصبر عليها وهي تصبر عليك .. فالسؤال الصح يا كريم دلوقتي هل عندكم رصيد حب كفاية يعديكم لبر الأمان ولا هتغرقوا !
مؤمن ابتسم بعطف بتفكر في ايه كل ده !
كريم بيتكلم وكأنه بيكلم نفسه أعرف منين اذا كان عندنا رصيد حب كفاية ولا لا!
مؤمن اتنهد وقعد بارتياح وبص للسما دي الأيام الجاية هي اللي هتعرفك للأسف مش أنت ..
كريم استرخى زيه وبص لفوق والاف الأفكار بتعصف جوا دماغه وبيحاول يفتكر ازاي ارتبط بملك وايه كانت مقوماتها وايه اللي خلاه ياخد الخطوة دي وازاي هو كان مختلف أوي كده !
مؤمن لف دماغه بصله هو أنت بتحبها صح !
كريم بدون ما يلتفتله همس لو قلتلك إني مش عارف هتصدقني !
مؤمن ابتسم وبص للسما تاني طبعا هصدقك لأنه واضح إنك مش عارف .
كريم اتعدل مرة واحدة وبصله هو ازاي الواحد يعرف إنه بيحب أصلا يا مؤمن !
مؤمن اتعدل وبصله شوية وبعدها ضحك وكريم استغرب ضحكه ممكن أعرف سيادتك بتضحك ليه !
مؤمن بضحك أصل المفروض إن أنت اللي بتحب وأنت اللي مرتبط مش أنا
