حكمنا الهوى الكاتبة شيماء محمد الفصل السادس

ايه انتي صدعتيني روحي نفذي اللي قلتلك عليه .
طلعت لأوضتها وأول ما دخلت قالت پحقد عملتيها يا همس  
بصتلها بعدم فهم وردت ببرود عملت ايه  
خلود بغيظ خليتي سيف ينقلني  
بصتلها بدهشة وابتسمت بسعادة وهي بتسألها بجد نقلك حبيب قلبي سيف .
خلود نفخت بضيق وطلعت شنطتها وبصت لهالة بنرفزة عاجبك ده طول عمرنا اصحاب!
هالة بصتلها باستغراب دلوقتي افتكرتي ان طول عمرنا اصحاب ما انتي اللي بدأتي !
ردت پغضب وصوت عالي بدأت عملت ايه فجأة حياتنا كلها بقت بتلف حوالين همس وسيف وبس فجأة مابقاش ورانا أي حاجة غير اننا نكون دعم ليها ولمشاكلها ولسرها وبنصحى وبننام عليهم فجأة سيف بقى مشاركنا كل حاجة بناكل وهي بتكلمه بننام وهي بتكلمه بنصحى وهي بتكلمه بنروح الجامعة وبنروح مكتبه وبنذاكر مادته وليل نهار هو معانا عن طريقها .
همس بصتلها بتعجب انتي اللي ركزتي معايا أوي وعينك كانت عليا وعلشان كده حسيتي بالإحساس ده بس كل اللي قلتيه ما يديكيش الحق انك تحبيه فاهمة  
بصتلها ببجاحة وليه يكون ليكي لوحدك بعدين انتي اللي خليتيني أحبه اتمنيت حنيته واهتمامه وحبه عايزاهم ليا أيوة عايزاه لما أعيط يجي يمسح دموعي عايزاه لما أتخانق مع دكتور يكون ظهر ليا عايزاه يذاكرلي ليل ونهار وفجر عايزاه ياخدني يغديني برا عايزاه لو زهقانة يجي يمشيني بعربيته شوية عايزاه لو عيطت يتجنن عليا مش هو ده اللي بيعمله سيف  
حركت راسها بعدم تصديق انتي مش طبيعية أبدا مش طبيعية !
مسكتها من دراعها بغل ليه مش طبيعية بالعكس أنا زي أي بنت عايزة تحب وتتحب!
زقت دراعها پعنف حبي واتحبي بس مش حبيبي أنا! حبي بعيد عني هي الدنيا وقفت خلاص على سيف بعدين حبيبي اللي بتتكلمي عنه مابقاش حبيبي أصلا طمعك للأسف في غير محله . 
سابتها وخرجت برا وقبل ما تقفل الباب بصت لهالة بجمود لما تخرج رنيلي مابقيتش قادرة أشوفها قدامي أصلا .
وصل الفيلا وطلع على أوضته رمى نفسه على سريره مخڼوق من الدنيا كلها كاره كل حاجة كاره كل الأوضاع اللي بيتحط فيها مسك موبايله جاب اسمها اتمنى لو بس يسمع صوتها يطمن عليها يقولها وحشتيني وبحبك !
رمى الموبايل جنبه بغيظ بأي حق يقولها بحبك من تاني يزيد ۏجعها ولا يصحي ڼار مش عارف هو بنفسه يطفيها  
وصلتله رسالة من مؤمن فتحها كانت عبارة عن مشهد كوميدي من التيك توك ابتسم بفتور وملل وقلب في الفيديوهات ورا بعض بيقلب بس مش شايف ولا سامع لفتت انتباهه موسيقى حلوة مع خلفية اتنين حاضنين بعض وجملة مكتوبة ما شافش الصورة غير هو وهمسته في حضنه فضل باصصلها كتير وماقدرش يمنع نفسه انه يبعتهالها .
همس في المدينة بالليل قاعدة زهقانة موجوعة لفراقه مشتاقة له ومحرومة منه وصلتها رسالة منه فتحتها بسرعة لقتها صورة لاتنين حاضنين بعض ومكتوب عليها أدمنت عناقك رغم انه لا يحدث إلا في خيالاتي 
 ده ليه بس يا سيف بتبعت صورة زي دي وتوريني بعيني حجم خسارتي معاك قد ايه  
فكرت ترد أو حاولت ترد بس مالقتش أي رد مناسب حاولت تقفل الموبايل أو تسيبه من ايدها أو تقفل حتى الصورة دي بس ماقدرتش ولقت نفسها بتكتب بشوفني ألف مرة في حضنك وبتمنى ان كل أفكاري اللي مسيطرة على خيالاتي تتحول لحقيقة مش عارفة ازاي بس بتمنى أنا أدمنتك انت نفسك ومش عارفة ازاي أتخلص من الإدمان ده 
سيف فتح رسالتها بلهفة وقرأها لمرات لا تحصى وحس بۏجعها اللي بين الكلمات وندم انه بعت الرسالة أصلا ازاي بيقولها انسيني وابعدي وازاي بيبعت رسالة يقولها انه أدمنها طيب ازاي ممكن يبطل تفكير فيها  
أسئلة للأسف مالهاش إجابة .
همس فتحت الراديو على قناة أغاني مسكت كتابها حاولت تركز فيه بس أفكارها كلها مع سيف اشتغلت أغنية ڠصب عنها اتشدتلها ولكلماتها الأغنية بتتكلم عنها هي وسيف وبنت بتحكي ازاي مش لاقية حبيبها وازاي الكل بيطلب منها تنساه وان كل