حكمنا الهواء الكاتبة شيماء محمد الفصل ٣

الله رفعت عينيها ولقت نفسها بتبصله بتوسل انه ينفي سؤالها انت بجد هتتجوز بعد الامتحانات  
بص بحزن لعينيها اللي لمعت بالدموع بتمنى لا يا همس بتمنى لا .
حاولت تبتسم وهي بتلم حاجتها وقبل ما تقوم هو سألها نادر هيجيلك ولا أوصلك أنا  
اتمنت لو تقوله هو يوصلها بس خلاص مش هتفضل كتير تتعلق بأحبال دايبة نادر هيجي .
ابتسم بحزن في أي وقت عايزة أي حاجة في أي مادة كلميني . 
هزت راسها بموافقة وطلعت من عنده و وقفت برا شوية تحاول تتماسك قبل ما تنزل .
حازم كلم آية تاني يحاول يقنعها تاخد الخطوة دي معاه وتوافقه وبعدين أعمل ايه طيب يا آية قوليلي وأنا هنفذ 
اتنهدت بتعب مش عارفة بس مش ده الحل مش أنا البنت اللي تاخد خطوة زي دي من ورا أهلها . 
زعق بغيظ كنت فاكر انك بتحبيني كفاية وهتقفي في وش عيلتك علشاني .
زعقت هي كمان أقف في وشهم أيوة وأعارضهم أيوة لكن أحط راسهم في الأرض بالشكل ده لا مش أنا يا حازم مش أنا أبدا اللي ممكن أكسر بابا وأخويا بالشكل ده . 
اتراجع علشان ما يخسرهاش وغير نبرته للحزن طيب يا حبيبتي ايه الحل قوليلي ازاي أوصلك عرفيني ازاي وأنا هنفذ 
اتنهدت بتصميم كلم سيف تاني .
زعق پغضب انتي عايزاني أعمله ايه أروح أبوس رجله يعني ولا ايه انتي ليه سامحاله يتحكم فينا بالشكل ده  
اټصدمت من زعيقه فيها فردت بهجوم انت ازاي بتزعقلي بالشكل ده وبعدين اه تروح تترجاه يوافق أيوة ده المطلوب منك . 
حازم كان هيرد عليها پغضب ويطلع اللي جواه ويهد الدنيا كلها بس اتراجع وقفل السكة بدون ما ينطق لأنه لو نطق هيشتمها وهيشتم سيف فالأفضل يبعد لحد ما يهدا . 
آية فضلت باصة للفون اللي في ايدها مش مصدقة انه قفل السكة في وشها بالشكل ده . 
سابت الموبايل وبتفكر هي بتحب ايه في حازم دلوقتي وفي اللحظة دي طب ليه دلوقتي هي مش لاقية الحب ده ! وليه بس شايفة واحد بيحاول يكسر أخوها بأي شكل وشايفة نفسها بس بتعاند مع أهلها وأخوها تحديدا 
سيف خرج واتقابل مع كريم ومؤمن وقعدوا مع بعض بيسترجعوا أيام دراستهم وبيتكلموا ويهزروا وبعدها مؤمن سأل مفيش جديد يا سيف عن اللي نشر الفيديو ماحاولش يتهور تاني 
حرك راسه بنفي للأسف بعد ما اتعرف ان كريم المرشدي دخل في الصورة اختفى .
كريم سأله باهتمام انت شاكك في حد معين يا سيف  
سيف بص لمؤمن وبصله شاكك في واحد أيوة بس مش قادر أثبت عليه وللأسف بيلعب من كذا ناحية .
سأله كريم باهتمام ازاي من كذا ناحية  
مؤمن أضاف اقفل عليه كل الطرق اللي ممكن يدخلك منها .
اتنهد بتعب بحاول بس صعب .
كريم علق بتردد تقصد البنت اللي بتحبها  
بصله بتعب البنت اللي بحبها ڠصب عني وعنها علاقتنا انتهت فمفيش حاجة هيقدر يعملها ناحيتها والشركة وطردته منها .
مؤمن سأل بانتباه طيب فاضل ايه تاني هيدخلك منين  
بصله بۏجع دخل من بيتي الاتنين بصوله بحيرة وهو وضح بيقول انه بيحب آية أختي وهي بتقول انها بتحبه وده الباب اللي مش عارف أقفله .
كريم ومؤمن بصوا لبعض وحاسين بوضع صاحبهم والأزمة اللي بيمر بيها لأنها متقفلة حواليه من كل ناحية مؤمن بهدوء وبحذر سأل هو قالك انه بيحب أختك ولا أختك اللي قالتلك  
ضحك بتهكم مصحوب بۏجع ولا هو ولا هي أنا اكتشفت صدفة الاتنين خبوا عليا وتخيلوا هو مبرره ايه ماقدرش يقولي ويواجهني قدر بس يضربني في ظهري ويخرج معاها ويكلمها وهو معايا وقصادي بدون ما يعرفني شوفتوا خېانة أكبر من دي  
الاتنين سكتوا شوية وكريم علق يعني هو خاېن من البداية بس يا سيف اعذرني لو كلامي هيضايقك بس أي علاقة بين اتنين والغلط بيكون من الطرفين .
سيف اتنهد بتعب لأنه فاهم كويس أوي كريم عايز يقول ايه بصله وبيحاول يرتب الكلام اللي عايز يقوله بس الموقف اللي هو فيه صعب ومش قادر يتحمله فما بالك انه يحاول يبرره! رد باعتراف أنا ما نفيتش غلط أختي يا كريم