حكمنا الهواء الكاتبة شيماء محمد الفصل الثاني

بنرفزة روح لسيف اتأسفله قوله انك بتحبني قوله هو الكلام ده واقنعه بحبك ساعتها هو فعلا هيطلب مننا نتجوز بس في النور وبرضاهم مش بالشكل ده مش تتخانق معاه وتقول لمروان بكرا هتطرده هو برا وهتعكس الأدوار! هتطرده ازاي يعني ها
حازم اټصدم بجملتها وسؤالها لأنه ما تخيلش أبدا ان مروان يقولها أو يقول لأي حد بس الظاهر انه لازم يخلي باله أكتر من كلامه وانتبه على كلامها بتكمل بسخرية فهمني ازاي واحد عايز تصالحه بتقول عليه كلام زي ده  
جاوبها بسرعة بنفي مين قالك الهبل ده يعني أنا رايح الحفلة علشان أشوفك وأكون معاكي وما صدقت شوفت سيف روحت علشان أسلم عليه وألطف معاه الجو أتفاجئ بيه بيطلبلي الأمن وجرجروني لبرا وما اعترضتش دلوقتي تقولي معرفش ايه مين قالك التخاريف دي استحالة يكون مروان لأنه شخصية جميلة ومش بيحب المشاكل .
آية اتنهدت بحيرة مروان اللي قالي فعلا .
حازم پصدمة مصطنعة معقول طيب ليه يكدب ليه عايز يوقع بيني وبين سيف بزيادة بدل ما يحاول يصلح بينا أنا بجد مصډوم ومش عارف ازاي أفكر طيب قوليلي انتي أعمل ايه ازاي أصالح سيف وأنا هصالحه أروحله الشركة ده طلبك  
آية بحماس اه روحله وهو مش هيطردك أو بلاش الشركة تعال هنا البيت تعال هنا واتكلم كده كده بابا عرف .
كرر بذهول باباكي عرف ازاي ورد فعله ايه  
اتنهدت بتعب رد فعله ما اختلفش عن سيف كتير دموعها لمعت وردت بصوت متحشرج بس زاد عليه انه ضړبني بالقلم المهم دلوقتي حاول تصلح علاقتك بيهم ده اللي يهمني ازاي بقى ما أعرفش !
اتنهد باستسلام حاضر يا آية زي ما تقولي أنا هنفذ بس لو طردوني تاني يبقى ساعتها فكري في خطوة الجواز العرفي وبالورقة دي هنجبرهم يجمعونا مع بعض ده لو فعلا بتحبيني يا آية أنا هعمل المطلوب مني بس انتي كمان تقفي جنبي وتخاطري شوية علشان نوصل لبعض يا حبيبتي. 
انتبهت من أفكارها على دخول مامتها اللي قعدت جنبها بلوم وبعدين هتفضلي حابسة نفسك كتير في أوضتك تعالي نخرج نتمشى شوية .
آية كشرت وبصت بعيد بحنق مش عايزة . 
سلوى مسكت ايدها باستنكار كل ده ليه علشان حازم حبيتيه امتى كل ده و ....
قاطعتها پغضب كل ده لأنكم بتتعاملوا بوشين ليه لما عرفتوا ان سيف بيحب اتعاطفتوا كلكم معاه وبابا عنده استعداد يتحبس علشان ما يبعدش سيف عن حبيبته وانتي مستعده تتطلقي وتخسري جوزك وتخسري مركزك وفلوسك وكل حاجة علشان سيف يفضل مع حبيبته لكن أنا كلكم وقفتوا ضدي كلكم ضدي وعلشان ايه حبيت حازم بقى حازم ولا همس ها ما تخلوكم حقانين همس العيلة اللي لسه قدامها سنة تدرس ومن بيت بسيط ومش من القاهرة أصلا والله أعلم أصلها وفصلها ايه ولا حازم حازم اللي نعرفه من أكتر من عشر سنين فاتوا وشغال في الشركة مع بابا ويعتبر دراعه اليمين لحد ما سيف رجع ركنه على جنب سوري ما تلزمنيش ابني رجع! وبالرغم من كده ما اعترضش واتقبل اللي بابا عمله بس حبني حبني دي چريمة في نظركم انه بص لأسياده زي ما نكون لسه في عصر العبيد ده مهندس وألف شركة تتمناه وعمل في الكام سنة دول شقته وبنى مستقبله و وقف على رجليه ازاي شايفينه شخص وحش  
سلوى بتسمع بنتها مصډومة من كل الكلام ده ومش عارفة تقولها ايه فحاولت تبرر يا حبيبتي حازم غلط و ....
قاطعتها پغضب غلط نحاسبه على الغلط ده مش نقتله ونطرده ونشرده ونرفضه ونبهدله وكل حاجة تحصل نتهمه بيها عاقبوه ماشي على قد غلطه غلط انه خبى عن سيف لكن حبه ليا مش غلط بعدين بتعاقبوني أنا كمان ليه بعدين لو هو شخص سيئ أوي كده ليه سيف ډخله البيت ليه بابا مسكه الشركة ليه ولا يشتغل عندنا اه لكن يرتبط بينا بشكل جاد لا  
سلوى وقفت تنهي الحوار ده بعقلانية في غلط يغتفر وغلط لا وغلط حازم لا يغتفر لأنه دخل لحيز الخېانة دخوله البيت ده كان يلزمه يحط وشه في الأرض مش يحب أهل