روايه لن اظل صامته
ما نشوف صرفه انا مستنياكى
قفلت معاها ورحت على شقتها واول ما فتحت اترميت فى حضنها وانا شايله ابنى وفضلت ابكي اخدت منى ابنى ودخلت نيمته على السرير فى الغرفه اللى فضت لى سرير فيها عشان ابيت فيها ودخلت ابن من ابنائها ينام معاهم فى غرفتهم اصل الشقه غرفتين وصاله وهى عندها ثلاث ابناء ورجعت لى وقالت اقعدى استريحي
اناشوفتى يانسمه جوزى اللى ضحيت بكل حاجه عشانه يروح يتجوز عليا ويجبها لى تعيش فى البيت
نسمهوازاى ده حصل وليه
اناقال ايه خاله شرط عليه عشان يدى ليه ورث امه يتجوز بنته
وحسام ماصدق ما كدبش خبر بعدها بكام يوم لقيته داخل بيها البيت شوفتى الندل
انااخويا ده مش راجل ماهو اللى تمشيه مراته وتمشي كلمتها عليه وعلى اخته يبقى مش راجل قال ايه يقول لى وايه المشكله لما يتجوز عليكى لا اول ولا اخر واحده يتجوز عليها جوزها كل اللى همه ان ابعد عنه وخلاص ولو حتى ھموت
نسمهاخوكى ده اسمحى لى انانى و...
اناومش راجل زى ما قولت قولى ماكسوفه ليه ما دى الحقيقه
نسمهادخلى طب دلوقتى استريحى والصباح رباح
دخلت الغرفه عشان انام دا ان جانى نوم
وفضلت قاعده على السرير وبنظر لابنى طب انا وبدفع ثمن اختيارى الغلط طب انت ذنبك ايه وهربيك ازاى وفين وهعمل انا ايه ومن كتر التفكير والارهاق نمت دون ان اشعر بنفسي
ونسمه عماله تقول له وطى صوتك لحسن تصحى وتسمعك حرام عليك هى مش ناقصه كفايه اللى هى فيه
جوزها لا بقولك ايه مش جوزها واخوها مايسألوش فيها ويرموها وانا اللى هشيل همها انا ارجع من الشغل يكون شوفتى ليها صرفه سلام
قعدت نسمه على كرسي وحطت ايدها على خدها وبتسأل نفسها اعمل ايه انا دلوقتى
انا عملت نفسي ما سمعتش حاجه وقومت وطلعت ليها وقولت
