روايه مرايتي عينك ايه موسي

_أنا مراتك مراتك
الدنيا دوامة لازم تدوخ فيها وتتعب علشان تحقق اللي نفسك فيه ومن جانب تاني ممكن الدوامة تيجي على حظك وتقف 
_لا أنت مش مراتي أنت مين !!
_حمزة
_أنت ميييييين
خۏفت ومن امتى أصلا وأنا مش خاېفة طول حياتي عايشة في دوامة الخۏف قربت منه بالراحة وبهدوء فزقني جامد وقام من الأوضة طلع الصالة طلعت وراه وهو واقف يبص في كل ركن كأنه بيتعرف على المكان أو بيدور على حد
_فين منى 
_منى مين 
قرب مني وعيونه كلها شرر ومسك دراعي جامد وزعقلي
_متعمليش عبيطة منى فين وأنت مين !!
_أنت ليه مش مصدق إني مراتك !!

_لأني مش متجوز وكنت خاطب منى فجأة أصحى ألقيك جنبي دا عبط ولا مش عبط
هي جات عليا كتير أوي الدنيا دي بس كان أملي إنها متجيش عليا تاني وأنا معاه بس أنا كنت عايشة في وهم وهم كبير أقنعوني أنه لما ترجعله الذاكرة هيحبني وأنا أنا محتاجة محتاجة حبه
روحت بسرعة جبت تليفوني وفتحته على الصور
_مراتك وصور كتب الكتاب أهي
_كذب
مسكني من دراعي جامد وسحبني لحد باب الشقة وفتح الباب وخرجني
_مش عايز أشوف وشك هنا
كان لسه هيقفل الباب بس زقيته على قد ما أقدر ودخلت
_أنا مش همشي من هنا وأصلا أروح فين معنديش مكان معنديش حد معرفش حد غيرك
فقد الأمل تقريبا دخل قعد على الكنبة اللي في الوش وحط رأسه بين ايديه ومش عارف يعمل ايه بس صوت أنفاسه عالية قربت منه وحطيت ايدي على كتفه
_أجبلك الدواء طب أنت كويس محتاج حاجة أعملهالك !
اندهشت لما لقيته مد ايده مسك ايدي وقعدني جنبه على الكنبة والتفتلي
_أنت باين عليك كويسة لو بتعملي كدا علشان الفلوس هديكي اللي أنت عايزاه
حطيت ايدي على قلبي بسرعة يمكن من الإهانة الغير مقصودة أو من وجعه اللي ملهوش دوا قومت وقفت وبعدت عنه مسافة
_شكرا أصلي مبأخدش فلوس تمن حبي
دخلت أوضتي وقفلت الباب وكلمت والدته وقولتها لازم تيجي بكرا هي ووالده لأن حمزة تعبان مرضتش أحكي أكتر من كدا علشان أفهم الموضوع ومين منى !! وطالما هو خاطب خدعوني ليه !!
الصبح طلع وأنا محاولتش أقرب منه ولا أتكلم معاه شويه سمعت جرس الباب قومت فتحت لقيت مامته مخضۏضة
_فين حمزة ماله !!
كان قاعد

ساكت بنفس وضعية إمبارح أول ما شاف والدته قام جري ناحيتها كأنه لقى طوق النجاة
_ماما كويس إنك جيتي
أخدها من ايدها ودخل بيها على جوا وأنا بصيت بره أشوف والده بس ملقتهوش قفلت الباب ودخلت
_ماما أنت اللي هتقوليلي ازاي البنت دي تبقى مراتي
مامته بصتلي وابتسمت وطلبت بذوق
_رقية ممكن كوباية مايه
_طبعا
سبتهم ودخلت المطبخ أجبلها مايه ومن جوايا متأكدة إنها عايزة تتكلم معاه لوحده علشان كدا اتعمدت أتأخر ولما خرجت لقيته بيزعق وقام وقف
_يعني إيه منى اتجوزت مستحيل
_اتجوزت بقولك