جانا الهواء الكاتبة شيماء محمد الفصل ٣٠

جانا الهوى ٣٠
بقلم الشيماء محمد احمد
شيموووو
دخلت شذى مبتسمة ينفع أدخل يا دكتور  
بصلها پصدمة مش مستوعب هي هنا ليه وجاية الجامعة ليه وتلقائيا بص لهمسته پخوف وبدل نظراته بينهم.
استغربت صمته فقالت بهزار أمشي ولا ايه  
همس باصالها بغيظ لان دي اللي بتاخد منها حبيبها بصت لسيف ولاحظت ارتباكه رجعت تبص لشذى تدرسها كويس عن قرب بدل الصور وانتبهت على صوت سيف بيقرب منها بارتباك طبعا اتفضلي .
سلم عليها وكمل أنا بس مستغرب وجودك هنا مش أكتر .
علقت بابتسامة عريضة حبيت أفاجئك مش أكتر مش هتعرف طلبتك عليا ولا ايه  

اتضايق لأنه اتمنى ياخدها ويخرج بدون ما يعرف حد مين دي بس الظاهر انه مضطر يكمل وجعه لهمسته .
ابتسم بالعافية وبص لطلبته دكتورة شذى .
شذى كانت لابسة بدلة بيضا رقيقة جدا وكانت بحكم شغلها كدكتورة تجميل خبيرة في إظهار جمالها بمكياچها وإظهاره بشكل طبيعي شعرها أسود ناعم مفرود على ظهرها جزمتها وكعبها العالي بجسمها المفرود واقفة جنب سيف طويلة زيه من الآخر الاتنين جنب بعض صورة خرافية مكتملة .
أو ده اللي شافته همس وهما واقفين جنب بعض قد ايه هي ضئيلة جنبها 
خلود اټصدمت لما شافت خطيبته لان لو هي بتنافس همس فده طبيعي لكن واحدة زي دي بالشكل ده فهنا منافستها شبه مستحيلة أصلا .
شذى كملت جملته بابتسامة نسيت تقول أهم حاجة اني خطيبتك ولا صحيح أكيد كلهم شافوا صور خطوبتنا 
اتقابلت عينيهم في نظرة طويلة كان فيها لوم من شذى بس اللي شايفهم من بعيد هيفتكرها حاجة تانية سيف ابتسم بصعوبة وبصلهم وخطيبتي .
بص لساعته وكمل علشان ينهي الموقف ده قدامي عشر دقايق لو تحبي ممكن أكنسلهم و ....
قاطعته بسرعة لا لا لا أرجوك كمل أنا من بدري عايزة أشوفك هنا وسط طلبتك وأفهم سر حبك للتدريس بدل البيزنس فلو مش هضايقك أنا هقعد بصت حواليها وراحت للبنش اللي في النص جنب همس وشاورت هقعد هنا وأحاول أفهم منك اتفضل كمل .
قعدت جنبها وهي ماعندهاش أدنى فكرة انها قاعدة جنب اللي ملكت قلب خطيبها . 
همس بصت بحزن لسيف اللي واقف عاجز تماما مش عارف يعمل ايه ومش فاكر أصلا الدرس بيتكلم عن ايه  
مجرد منظرهم جنب بعض شال تماما العقل منه حاول يتكلم ويكمل حل المسألة اللي كان بيشرحها خلصها بالعافية وبص لساعته وقف كتابة سوري يا جماعة نكمل المحاضرة الجاية بصراحة مش مركز نهائي دلوقتي .
الكل ضحك تخيلا منهم انه مش مركز علشان حبيبته موجودة .
خلود سألته دكتور هتدينا محاضرة مراجعة قبل الميدترم ولا ايه  
شذى بصتلها وبصت لسيف مستنية إجابته سيف فرك دماغه مش عارف هيعمل ايه فرد بهدوء بصي لو قدرت هحاول ممكن اليوم اللي قبل الامتحان بعد ما تخلصوا أقعد معاكم ساعة ولا حاجة فكروني هو الامتحان بتاعنا قلت يوم ايه  
واحد رد الاتنين الجاي واليوم اللي قبله هنخلص ١٢ .
أخد نفس طويل وبصله طيب هبلغكم قبلها لو قدرت.
لاحظ الكل قاعد فبصلهم بهزار على فكرة المحاضرة خلصت انتشروا .
ضحكوا وشذى قامت جنبه بس لاحظت ان الطلبة اتلموا حواليه وكل واحد بسؤال وهو وسطهم .
همس قربت منه كانت كاتبة آخر مسألة شرحها ورتله الكشكول بتاعها وقالتله پألم مافهمتش حليتها ازاي  
بصلها وموجوع لۏجعها اللي لامسه في عينيها أخد منها كشكولها وقلمها وبدأ يشرحلها المسألة والكل متابع معاه وخصوصا خلود اللي شبه لازقة فيه .
سيف بيبص لهمس من وقت للتاني وبيعدل الكشكول لمحها في الصفحة التانية كاتبة ربنا يسامحك 
وقف لحظات حزين وبعدها كمل شرح المسألة وكذا حد بيسأل لحد ما وقف الكل خلاص كده المرة الجاية أو في مكتبي وقت تاني .
الكل بدأ ينسحب بس كشكول همس وقلمها في ايده وهي جت تبعد بس افتكرتهم فبصتله بجمود الكشكول يا دكتور  
للحظة مافهمش قصدها بس بعدها استوعب انهم معاه وقبل ما يقفله كتب جنب جملتها آسف  
قفله وعطاها قلمها وكشكولها وراح ناحية شذى اللي وقفت مبتسمة عجبتني وانت بتشرح همست بدلال شكلك مثير .
ابتسم باصطنا وهو بيتلفت حواليه يشوف همس فين لأنها كانت بتلم حاجتها وشبه سامعاهم خير