روايه جبروت اسمه اختي
سيئا قد حدث فتتوتر وتفتح باب الشقة وتدخل سريعا بحثا عن الاولاد وهي تنادي عليهم فتفاجأ ان كمال جالسا مع الاولاد يأكلون فشار ويشاهدون كارتون توم وجيري ويبدوا ان الجميع في حالة من الانبساط والضحك ويراها كمال تقف مندهشة من صدمة المنظر
كمال .. فريال !! اخيرا جيتي ..
برن عليكي تليفونك مقفول !!
فريال .. كمال !! انت كنت فين !
كمال .. انا كنت في الجمرك بخلص ورق البضاعة اللي جبتها من الصين
فريال .. وايه الصورة اللي جاتلي ع الواتس دي !
انا فكرت ان امال خطڤتك وعذبتك كمان
كمال .. يادي آمال اللي انتي صاحية نايمة بتحلمي بيها !!
ناوية تطلب قصادي فدية ولا ايه !
فريال .. اهو دا اللي خطړ في دماغي بقي
كمال .. عرفة ليه
عشان انتي حطاها في دماغك دايما ومش عاوزة تخرجيها واي مشكلة بتحصلك ربطاها بيها ودا غلط
فريال .. طب ما الصورة اللي جاتلي بالمنظر اللي فيها هي اللي خلتني اشك في ده
كمال .. دي صورة عادية وانا عملت عليها شوية فوتوشوب قلت لما اشوف رد فعلك هيكون ايه لما تشوفيها .. هتقلقي عليا ولا لا
فريال .. بذمتك دا وقت هزار من النوع ده ! طب والرقم اللي جاتلي منه الصورة رقم مين !
كمال .. رقمي طبعا .. الرقم اللي اشتريته من فترة وكنت لسة مشغلتوش .. دا حتي انتي اللي جيبتهولي ومتسجل بأسمك كمان
طب والدم اللي كان في الارض وواصل لحد بره باب الشقة دا يطلع ايه !!
كمال .. دا مش ډم دا ورنيش احمر سايل بتاع الجزمة الحمرا اللي عندي حبيت المعها الصبح معرفتش والورنيش سيل مني وبهدل الارض .. بصراحة دادا حسنية كانت مريحانا في حاجات كتير
فريال .. الله يجازيك يا كمال .. لما اتصل بالظابط هشام واعرفة انك رجعت البيت
كمال .. ليه هو انتي بلغتي بأختفائي ولا ايه
فريال .. للأسف شكيت ان ممكن تكون اتخطفت لما شفت الصورة المنيلة دي والدم
اللي علي الارض وموبيلك اللي كان مقفول فخلاني قلت للظابط ياخد اجراءاته
فريال .. وليك عين تهرج !!
فريال تتصل بالضابط
فريال .. ايوا يا كابتن هشام .. كمال رجع البيت خلاص .. اه .. كان بيخلص ورق في الجمارك .. الصورة اللي جاتلي !! لا دا طلع هو اللي باعتها من رقم تبعنا برضوا بس انا ناسياه ..
قال عايز يشوفني هقلق عليه ولا لا ..
الحمد لله جت سليمة تعبتك يا فندم معايا .. شكرا لحضرتك .. اه علي معادنا ان شاء الله ..هجيب لحضرتك الملف كامل ..
اوك مع السلامه
كمال .. ملف ايه اللي انتي هتوديهوله!!
كمال .. علي فكرة انا مش مؤيد اللي هتعمليه ده .. متنسيش ان دي اختك ونابها ازرق دا غير مكانتها الاجتماعية ..
فريال .. طظ انا لازم اكشفها قدام الناس كلها وبعدين هي اللي بدأت .. تبقي تستحمل
كمال .. ملوش لزوم اللي هتعمليه .. اسمعي كلامي يا فريال متنسيش ان دي اختك وخالة اولادك وسمعتك من سمعتها وسمعة اولادك .. خلاص اللي حصل حصل مع انك معكيش دليل قاطع ان هي ورا اللي حصل للاولاد والدادا واحنا خلاص هناخد حذرنا بعد كدا وهنأمن البيت والاولاد ولا انتي مش واخدة بالك من ضلفتين الدولاب اللي بعتهم يحرصوا الشقة والاولاد
فريال .. ولو .. امال مش هتسيبنا في حالنا الا لما تفرق بيني وبينك .. امال عايزاك ليها يا كمال
كمال .. مش مهم انها تكون عايزاني ليها او لا .. المهم اني انا عاوزك انتي واخترتك انتي وبحبك انتي
فريال .. ودا اللي ھيقتلها ومخليها عايزة تفرق بينا بأي وسيلة
كمال .. محدش هيقدر يفرق بينا يا فريال مهما عمل .. صدقيني
فريال .. صدقني كل ما افتكر ان ممكن تيجي لحظة وملاقيكش جمبي انا مش عرفة ساعتها ممكن يحصلي ايه !!
وفي الصباح تجد
