روايه زواج بالاجبار ولكن بقلم ايه موافي
روايه زواج بالاجبار ولكن بقلم ايه موافي ١٠ و١١
عجيبة كده متفهمش هو طيب ولا شرير حنين ولا قاسې هو اول انطباع اخذته عنه ان هو شخصية باردة وجدية اوي عملي يعني بس اما عاشرته الكام يوم دول عرفت ان شخصيته دي بيستخدمها في الشغل وبس انما في الحقيقة هو حنين وطيب اوي
عماد بخبث ده احنا واقعين اوي
سارة بتوتر ها لا طبعا انت بتقول ايه
ضحك عليها وقال متنكريش عشان انتي كنتي بتبتسمي زي الهبلة وانتي بتتكلمي عنه
بصت في الارض وهو قال موافقة عليه يا بنتي!
ابتسمت بإحراج وهو قال السكوت علامة الرضا انا هقوله على الرد بس بكرة عشان الراجل ميقولش علينا واقعين
سارة تعرف مها صاحبتي يا بابا!
سارة ده يبقى ابن عمها
عماد طب كويس
قامت سارة وقالت اعملك حاجة قبل ما انام!
عماد لا يا بنتي
سارة اكل العشا اللي حضرتها لك!
عماد واخدت الدوا كمان متقلقيش
باسته من خده وقالت تصبح على خير يا بابا
عماد بإبتسامة وانتي من اهله يا بنتي
عند مها
مها بتعب احنا مش هنتنيل نروح بقى الساعة بقت اتناشر
مراد عندك حق
مها الشغل انهاردة كان كتير اوي
مراد عارف عشان انا كنت مأجل حاجات كتير لما اتجوزت ومكنش ينفع اجعله اكتر من كده
قامت من الكرسي اللي قدامه بتعب وقالت انا مكنتش اعرف ان الشغل مرهق كده
مراد هو مش مرهق للدرجة دي بس انا اللي ضغطت عليكي النهاردة اعذريني
مراد مش حنروح مطعم الأول!
مها انا كلمت طنط من شوية وهي قالت انها جابت اكل دليفري
مراد كويس
رن موبايل مها واحتارت ترد ولا لا لما لقت آدم اللي بيتصل مراد
مين اللي بيتصل!
مها ده ادم
كشړ مراد ومها ردت وقالت في حاجة ولا ايه بابا وماما كويسين!
ادم مټخافيش احنا كلنا كويسين
مها ببرود امال عايز ايه!
ادم انتي مش ناوية تحني عليا وتسامحيني بقى!
مردتش عليه فقال انا عندي ليكي خبر لو سامحتيني هقولهولك
مها باستغراب خبر ايه!
ادم باضحك سامحيني الاول
فضلت مها ساكته بعدين تنهدت وقالت سامحتك يا آدم أنت في الاول والاخر ابن عمي
ادم انا اتقدمت لسارة
مها پصدمة بجد!
ادم بابتسامة اه اتقدملها من شوية لسة مستني الرد
مها بفرح ان شاء الله هتوافق انت عارف يلا انت لو زعلتها في يوم انا هعمل فيك ايه!
ضحك آدم وقال مش لما يوافقوا الأول تبقى ټهدديني
مها بثقة متقلقش هيوافقوا
ادم يسمع من بقك ربنا
قفل آدم معاها المكالمة ومراد كان باصص عليها بفضول اول ما بصتله مثل عدم الاهتمام وهي قالت بفرح
شوفت اللي حصل
مراد بفضول ايه!
مها مش ادم اتقدم لسارة
مراد ببرود الله يكون في عونها
مها بضحك نفسي اعرف بس السبب اللي يخليكوا متطيقوش بعض
مها بضحك طب يلا بقى عشان نروح
قام مراد ووصلها البيت كان لسة هيخرج من العربية بس مروان رن عليه رد مراد وقال بمرح
اللي واحشني
مروان بغيظ اه مهو واضح
ضحك مراد ومروان قال انا عايز اعد معاك شوية
مراد دلوقتي!
مروان اه
مراد طيب تمام اجيلك فين!
مروان تعال عندي البيت
قفل مراد معاه ومها قالت مش هتطلع ولا ايه!
مراد لا كلي انتي انا رايح مروان وهطلب اكل هناك
مها ماشي
مراد بعد ما تاكلي نامي على طول عشان تريحي جسمك من مجهود انهاردة متعديش على موبايلك
ابتسمت مها على اهتمامه وطلعت فوق ومراد ساق ناحية بيت مروان
طلع مراد البيت وخبط على الباب ففتح له مروان وقال
ادخل
دخل مراد وقال في حاجة ولا ايه قلقتني عليك
مروان لا مفيش حاجة
