زواج ب الاجبار ولكن بقلم ايه موافي الفصل السابع

ملكش دعوة انت
مراد اللهم صبر الۏحش على الجحش
قامت مها وقالت بقولك ايه يا مراد
مراد عايزة ايه
مها متخلينا عاقلين شوية ونبطل شغل العيال ده
مراد بتفكير وبعدين
مها احنا ممكن نبقى صحاب لحد ما نطلق 
فكر مراد شوية وبعدين قال ماشي
مدتله مها ايدها وقال مراد خيث كده بقى تعالي نعمل اكل عشان جعان
مها بضحك يلا
عند مروان
كان قاعد في الشركة وهو مستني ميرنا بفارغ الصبر سمع صوت خبط على مكتبه فقال بلهفة
ادخل.
دخلت ميرنا من الباب وقالت صباح الخير
مروان بإبتسامة صباح النور تعالي اعدي
اعدت ميرنا قدامه وهو قال
شغل انهاردة هيبقى بسيط خالص.
ادالها ورقة وقال انا عايزك كل شوية تفكريني بمواعيد الاجتماعات انهاردة
ميرنا كده بس
مروان اه دا بالنسبة لشغل السكرتيرة اما بالنسبة لشغل البرمجة فالاستاذة مروة هتعرفك على كل التفاصيل
ميرنا هي فين استاذة مروة
مروان مكتبها في اخر الدور ومكتبك قدام مكتبي
ميرنا بإبتسامة تمام ماشي
مروان لو اى حد ضايقك عرفيني على طول
ميرنا بإستغراب ليه بتقول كد
مروان عشان يعني انتي موظفة جديدة فممكن حد يسوق الرخامة عليكي
ميرنا لا متقلقش لو حد ساق الرخامة عليا انا هعرفه مقامه كويس اوي انا مش مستنية حد يجيبلي حقي
مروان ببلاهة
ميرنا بحدة افندم
مروان بتوتر روحي للاستاذة مروة عشان مستنياكي
قامت ميرنا وهو قال بصوت واطي امسك لسانك ده شوية لتلاقي كف خماسي الابعاد على وشك
خرجت ميرنا وهي سمعاه بيبرطم بس مهتمتش وهو حط ايده على قلبه وقال
هتعملي فيا ايه تاني يا ميرنا بقى مروان اللي كل البنات بتتحدف عليه وقع لواحدة تقيلة في نفسها بس انا وانتي والزمن طويل ومبقاش انا مروان ان ما خليتك تحبيني زي ما بحبك
عند مها
كانت باصة لمروان بقرف فقال
في ايه حجة انتي بتبصيلي كده ليه!
مها انا اخدت خازوق في الجوازة دي على فكرة مكنتش متوقعة انها هتبقى كده
مراد بسخرية اومال كنتي متوقعة ايه يا ست الحسن والجمال
مها بالرغم من اننا مكناش بنطيق بعض ومازالنا بس ليه اتحبس في ام البيت ده
مراد بملل عايزة ايه من الاخر كده
مها انا عايزة اتنيل اتخرج
مراد ببرود لا
مها بعصبية ليه!
مراد عشان انا مش عايز كده
مها يا مراد بطل بقى انا قربت اخلل في ام البيت ده من كتر القعدة
رفع مراد حاجبه وقال
دا هما تلت ايام قربتي تخللي ايه!
مها وانت مستهون بالتلت ايام!!
مراد ريحي نفسك مفيش خروج
مها هي بقت كده يا مراد!
مراد بإستفزاز اه بقت كده
مها ماشي يا مراد بس خليك فاكر ان مسير الملوخية تيجي تحت المخرطة
مراد بيئة اوي
دخلت اوضتها مها ورزعت الباب جامد ومراد ضحك عليها
دخلت ميرنا مكتب مروان من غير ما تخبط عشان تفكره بالاجتماع
بعد مروان فرح عنه بسرعة وقال بتوتر
ميرنا
بصتله ميرنا وقالت اسفة اني مخبطتش على الباب بس فكرك بميعاد الاجتماع اللي بعد ساعة وياريت بعد كده لو هتعمل ده متعملهوش في مكتبك عشان مش ده المكان المناسب
مروان بتوتر ميرنا استني انتي فاهمة غلط
ميرنا عن اذنك
مشت وسابته وكان هيمشي وراها بس فرح وقالت پغضب
بقى هي دي اللي مش معبرني علشانها
يتبع