اميرتى ناهد خالد الحلقة الأولى والثانية

تفاعلوا عشان انزلها كامله
الفصل الأول
ۏجع الهوى 
_انا خلاص يابابا قررت اتجوز أن شاء الله
قالها بسعاده باينه على وشه وابتسامه عريضة ظاهره بوضوح بتبين هو قد اي متحمس  ماكنت محرجه ومش عارفه هيبقى اي رد فعلي لما يسالوه عن العروسه ويشارولهم عليا.. هعمل اي ساعتها.. هتحرج واقوم أجري علي الاوضه وهيقولوا اني مكسوفه والسكوت علامه الرضا ويجوزونا بقى.. أي ده لا ده جو قديم اووي... ممكن اتحرج اه بس هقوله اللي  أسمه أسر وهو أسر فعلا...أسر قلبي من أول ما بدأت اعرف يعني اي حب ويعني اي تعلق.. هو ابن عمي واحنا عيله مترابطة كلنا عايشين مع بعض.. اصلا مليش غير عمي وعمتي... أسر عنده ٢٨ سنة دلوقتي بيشتغل مع والده في شركه العيله اللي متقسمه علي بابا وعمي وعمتي لكل واحد منهم جزء... علاقتي بأسر دايما كانت كويسه اوي هو اصلا اللي يعتبر مربيني.. بحكيله كل حاجه عني وهو كمان وبنخرج ونضحك وكل حاجه حلوه بنعملها سوا بيهتم بأدق تفاصيلي.. محدش يقدر يرفع صوته عليا في وجوده أو يزعلني.. دايما بيناديني ب 

صحيح أنا أميره عندي ٢١ سنه دلوقتي في بداية آخر سنه ليا بكلية الحقوق. .. انا مكنش مجموعي قليل بالعكس انا كنت جايبه مجموع يدخلني هندسة بس انا اللي بحب المجال ده ومن زمان اوي نفسي ابقي محامية... بابا مټوفي من وانا عندي ٤ سنين عشان كده قولت ان أسر هو اللي مربيني يعتبر...
_بجد يا أسر ده خبر حلو اوي ده.. قالتها ماما وهي مبسوطه وبتبصلي بصيتلها وحطيت وشي في الأرض محروجه.. ماما عارفه من زمان حبي لأسر وكانت شايفه علاقتنا وعارفه اننا هنكون لبعض.. مش هي بس هي وطنط ليلي مامت أسر وعمي كمان...
عمي ها ي أسر مين سعيدة الحظ دي
أسر بفرحة سارة بنت عمتو هدي
خبر صاعق بكل المقاييس.. صډمه نزلت علينا كلنا.. رفعت راسي پصدمة وعيني مليانه دموع بس في نفس الوقت ملامحي كلها متجمده... مش قادره اخد نفسي انا فاكره أن قبل ما يقول جملته.. كان في نفس خرج مني... طب هو لي مرجعش! 
_كلهم كانوا مصډومين لأنهم متوقعوش ده ابدا
ليلي حبيبي انت بتقول اي... ساره.. بس انت عمرك ما لمحت لحاجة نحيتها
_عارف ياماما بس حقيقي هي مشاعري ليها اتطورت اوي.. وانا محبتش أبين اي حاجه غير لما اكون واثق في قراري..
ياربي نفسي يرجعلي بقي... انا بتخنق بجد.. حاسه ببداية دوامة سودا بتسحبني جواها... انا... انا عاوزه اقوم.. ايوه مش هسمع اكتر من كده... انا.. انا لي مش قادره أقف مفيش اي جزء في جسمي بيستجيب ليا.. ياااارب صړخت بيها جوايا مهو مفيش غيرة هيساعدني.. لاقيت نفسي بعدها بقف ببطء شويه بس بقف.. اي ده!!!! انا رايحه فين... لا انا المفروض امشي اهرب.. انا لي ماشيه تجاهه.. لاقيت نفسي بدون وعي مني بقرب له وبابتسم وبقول الف مبروك يا أسر ربنا يتمم بخير فرحت اوي بقرارك حقيقي
ابتسم ابتسامه ساحرة وقال الله يبارك فيكي عقبالك يا أميرتي
مش قولتلكوا بيقولي دايما اني اميرته.. اومال اي اللي حصل... واضح اني فسرت غلط 
ابتسمت شكرا..