انا لست قبيحة الرواية كاملة الكاتبة امانى السيد
قدامها اخر حد ممكن تكون حابه تقابله دلوقتي
ياترا غزل قابلت مين وايه اللى خلاها مصدومه طول الوقت كده
غزل ماشيه مع رعد وهي مصدومه من المكان وفجاه شافت قدامها عمها جندي عمها الصغير كان اخر حد تحب تشوفه
غزل عمى جندى
جندى بصلها بتشبيه غزل
رعد ايه ده انتوا تعرفوا بعض
جندى هي مش قايلالك هي من عيله مين وبعدين انتى جايه معاه ليه وتعرفيه منين
رعد هنا فهم ان الشركة دى بتاعت باباها اللى كان ماسكها عشان كده هى مصدومه
رعد حب يخفف الجو . طب يا جماعه مش يلا عشان نتفرج على الشركه يا جندى بيه
جندى بيبص لغزل ببرود يلا بينا واخدهم وفرجهم على الشركه ودخلهم مكتب باباها وجه تليفون لعمها وسابهم وطلع يرد على التليفون وجنه افتكرت زكرياتها مع باباها
غزل الله يا بابا مكتبك حلو اوى
جميل انتى احلى يا اجمل غزل
غزل بابا انا عايزه اشتغل معاك هنا
جميل اتخرجي انتى بس وانا هشغلك معايا على طول وهعملك مكتب احلى من ده كمان
غزل بجد يا بابا
جميل انا عمري ضحكت عليك
غزل بصراحه لا
جميل ادخلي كليه حلوه وكبيره واتخرجي بتقدير كبير وكل ما تقديرك يكبر مرتبك هيكون كبير
End flash back
رعد ايه يا غزل رحتى فين
غزل تعرف ان ده كان مكتب بابا الله يرحمه
رعد بجد
غزل اه و كان بيوعدني اني اول ما اتخرج هشتغل معاه
رعد خلاص يا غزل اعتبري باباكي نفذ وعده واول ما اشتري الشركه المكتب ده هيكون مكتبك وظبطيه براحتك
غزل لا انا عايزاه كده
رعد اللى انتى عايزاه
جندى ها يا رعد بيه الشركة عجبتك
رعد اه تمام على خيرت الله شوف فاضي امتى وانا الفلوس جاهزه عندي ونروح الشهر العقاري ونخلص
جندى تمام اول الاسبوع الجاي باذن الله
رعد تمام على خيره الله نستاذن احنا بقى
وعدى اليوم بدون احداث جديده وعند رعد اتصل بشهاب وبلغوا بالميعاد يوم السبت وشهاب ما قالوش ان هو هينزل يحضر معاه الاتفاق عشان عاملها له مفاجاه
رعد ألو يا غزل عامله ايه
غزل بخير الحمدلله بقولك ايه انا مش هقدر اجى الشغل بكره
رعد خير يا غزل تعبانه او حاجه اجى اوديكى للدكتور
غزل لا ابدا بس ماما عايزامى معاها بكره فى كذا مشوار ضرورى
رعد طيب تعالي وامشي بدري
غزل طب لازمتها ايه بقى انى اجي
غزل معلش يا رعد اوعدك بكره بس اللى هغيب
رعد بضيق ماشى يا ستى بس بكره بس
عدى بقيت اليوم بدون احداث جديده
تاني يوم الصبح
ناديه صباح الخير يا غزل
غزل صباح الخير يا ست الكل
ناديه قومى يلا عشان نفطر ونكتب الحاجه اللى محتاجنها عشان نلحق اليوم من اوله
غزل حاضر هدخل اصلى واحضر الفطار وانتى اكتبى اللى انتى محتاجاه
ودخلت غزل صلت وجهزت الفطار
ناديه بصى احنا محتاجين ستاير وبياضات جديده للانتريه ومفرش حلو للسفره وسجاده جديده للصالون
وانتى كمان محتاجه فستان حلو كده بطرحه وشوز عليه
وعشان جدك بقى والضيوف محتاجين نزود في الاكل شويه
غزل بصه لمامتها پصدمه والاكل ايه بقى
ناديه بصى يا ستى هعمل بطايه وطاجن رز معمر ومحاشى ورقاق ومكرونه بشاميل وكام جوز حمام وفرختين شمرت
غزل ومنين كل ده بقى ومين هيلحق يجهز ده كله في يومين
ناديه مالكيش فيه
غزل يعنى ايه ماليش فيه انا عايزه اعرف
ناديه بعدين يا غزل قومى يالا عشان نلحق نشترى الفرش واللبس.
والاكل انا كلمت واحده فلاحه هتحضره هتقور البتنجان وتنضف البطه وتسلق الكرمب واحنا نحشى ماتشغليش بالك انا مرتبه كل حاجه
نزلت غزل ومامتها اشتروا الاول لبس ليهم واكسسوار وبعدين اشتروا كل لوازم البيت
عند رعد
كان قاعد متضايق وحاسس ان اليوم ناقصه حاجه كبيره
والوقت مش عايز يمشى وقرر انه يتصل بغزل
رعد الو
غزل الو
رعد عامله ايه
غزل الحمد لله
رعد انتى فى الشارع ولا ايه
غزل اه خرجت انا وماما نشترى طلبات
رعد بقولك ايه يا غزل اعملي حسابك ما فيش غياب ثاني
غزل ليه بقى ده ظلم
رعد الظلم الاحساس اللي انا حاسه دلوقتي على فكره بقى انتى وحشتيني جدا انا ما وحشتكيش
غزل هو انا فاضيه ابص جنبي انا مع ماما من الصبح مش سايباني خالص حتى مش عارفه اشرب بق ميه
رعد على فكره انتى فصيله عمك كلمني وهننزل بكره نخلص الورق بتاع الشركه واستلمها اعملي حسابك تستلميها معايا
غزل مبروك عليك ربنا يجعلها وش السعد
رعد عرفتي مامتك
غزل لا ما حبتش اضايقها
رعد تمام احسن برضو
تانى يوم رعد وغزل وجندي راحوا خلصوا اجراءات النقل ورعد استلم الشركه وسلم غزل مكتب باباها زي ما كان متفق معاها وده بسط غزل جدا عشان بيفكرها بباباها
ووافقت انها تمسك مع رعد الفرع الجديد
عدى باقي الايام بدون احداث
