دمعة عين الكاتبة شيماء طارق

اتفضل يا عز في حاجه حصلت تاني

عز لا كل خير الرائد زين القناوي طلب ايد تولين للجواز 

نوح انا ما عنديش اعتراض زين شاب محترم وكويس جدا

الجد فعلا شاب محترم وساعدنا كتير

يسرا انا حبيت الواد ده من اول مره شفته فيها

احمد حبيتيه ازاي يعني 

يسرا مش وقته بقى يا احمد!

احمد مش عايز اسمع الكلمه دي تاني لحد غيري

يسرا خلاص بقى انا هسكت خالص

احمد يكون احسن برده 

سليم هو فعلا شاب كويس ومحترم جدا ومجتهد في وظيفته ووالده راجل محترم سمعته كويسه جدا 

نوح انتي ايه رايك يا تولين

تولين بكسوف اللي حضرتك تشوفه يا بابا!

تيا البت بتطلع قلوب من وشها 

عين تصدقي وشها قلب احمر

نوح بس بقى يا بنات يعني انتي موافقه

تولين اللي حضرتك تشوفه يا بابا

نوح تمام بلغوا ان هو يجي يقعد معانا يعز 

عز تمام يا عمي

نوح وانا اخذت قرار اني هعمل خطوبه عز وتيا وسليم وعين ولو حصل نصيب هيكون خطوبه تيا وزين الاسبوع الجاي ان شاء الله

تيا بس احنا مش هنلحق يا بابا

نوح ان شاء الله هنلحق انا كلمت شركه تنظيم وهتيجي ترتب كل حاجه ما تقلقوش

عين معلش يا عمي بلاش خطوبتي انا انا خلاص اتكتب كتابي ومش لازما 

نوح انا كلامي خلص انتي بنتي الثالثه يعني لازما يتعملك فرح ولازما اخلي سليم يدفع ډم قلبه علشان يعرف قيمتك

سليم وانا لسه هعرف قيمتها هي غاليه عندي قوي 

عز ايه النحنحه دي ومن امتى

سليم اسكت ياض

الجد ربنا يخليكوا ليا يا اولاد وما يحرمنيش منكم ابدا وتفضلوا ماليين عليا البيت وتجيبوا لي احفاد كثير علشان نكبر عائله بدران 

الكل اللهم امين 

سليم وانا زي ما وعدتك يا عين الفرح هيكون بعد ما تتخرجي من الجامعة 

عين تمام 

سليم ودي يا ستي هيكون فتره خطوبتنا

تولين هتتخطبوا خمس سنين 

سليم وايه المانع 

تيا بس فتره طويله قوي !

سليم مش طويله ولا حاجه بس ان شاء الله هتكون احلى ايام حياتنا

يسرا ان شاء الله يا ابني 

العيله كلها قعدت واتعشوا مع بعض وبعد كده كل واحد راح اوضته وسليم راح هو وعين اوضتهم وعين اهتمت بيه جدا علشان هو كان لسه تعبان وبعد يومين جه زين واتفق مع نوح على الخطوبه وان هم هيتجوزوا بعد ثلاث سنين بعد ما تولين وتيا خلصوا تعليمهم عز وزين هيتجوزوا والبنات كانوا فرحانين جدا 

زين جاب لتولين فستان تل وشبه فستان الاميرات بس كان فستان جميل جدا ولونه بينك

اما بقى تيا عز جاب لها فستان لونه موف ضايق شويه من عند الصدر وواسع من تحت ومعاه حجاب والاكسسوارات بتاعته

اما بقى عين فسليم هيعمل لها مفاجاه يوم الخطوبه وما رضاش يوريها الفستان لحد دلوقتي

وجه اليوم الموعود

اشرقت شمس يوم

جديده على كل من ابطالنا مليانه بالاحداث الجميله 

وجه العوض لعين اللي كانت شبه فقد الامل في الحياه لكن ربنا قادر على كل شيء

بس يا ترى عين فعلا بتحب سليم 

وسليم هيقدر ينسى ريم 

نعيمه هيحكموا عليها بالاعډام ولا لا 

وايه مصير نور في القصه دي ومنه وجدتها

يزيد هيعرف امتى اني نعيمه هي مامته ومنه اخته كل ده

هنعرفه في الخاتمه الثانيه انتظرونا قريبا

تابع