دمعه عين الكاتبة شيماء طارق
انا موافقه
سليم يوم الخميس الجاي كتب
الكتاب جهز نفسك يا حمدي
حمدي اللي تؤمر بيه يا باشا
عين فضلت تفكر الدنيا مخبيه لي ايه تاني كتر التعب غلبها النوم ونامت
اشرقت شمس يوم الجديد
وعين قامت بكل نشاط راحت مدرسه
بعد كده راحت لمامتها
عين عامله ايه يا ماما النهارده ايه اخبارك
زينب الحمد لله يا عين عامله ايه يا بنتي اوعى تكوني مقصره
في المدرسه
عين ما تخافيش يا ماما انا بروح على طول وشاطره قوي في المدرسه
وهطلع الاولى ان شاء الله !
زينب انا عارفه يا بنتي اللي انا مقصره في حقك انا لو قادره اقوم واشتغل واديك دروس وادخلك احسن المدارس انتي واخوك اتظلمتوا معانا مع اب زي حمدي ومع
عين بس يا ماما بقى ما تضايقنيش ان شاء الله هتخفي وهتكوني زي الفل يلا بقى خذي العلاج
زينب كفايه يا بنتي عليكى كده وانتي بتجيبي فلوس منين حق العلاج دي
عين في واحده صاحبتي شغاله في مصنع بيكونوا عايزين شغل تشطيبات بتخلص في البيت باخد منهم كميه وبسلمها كل يوم الصبح وانا رايحه المدرسه !!
زينب حمدي لو يعرف عن الموضوع ده هيموتك يا عين
عين ما تخافيش يا ماما انا بخبي الشنطه مش بخلي بابا يشوفها
خالص !
زينب ربنا يقويك يا بنتي هو اخوك فين
عينفي المدرسه ولسه ما خلص
خرجت عين من عند مامتها
وراحت على البيت حمدي
حمدي كنت فين يا بت
عين كنت في المدرسه وعديت شفت ماما !
حمدي مش قلت ما تروحيش للوليه دي تاني
عينيا بابا دي برده ماما ولازما اشوفها هي عايشه لوحديها وانت عارف ان هي مريضه!!
حمديانا كلمه مش هعدها مرواح عند زينب لا
عين حاضر يا بابا اللي انت تشوفه!
دخلت عين اوضتها وكانت زعلانه جدا لان باباها منعها ان هي تشوف مامتها
عين يا ترى هوصل لها العلاج ازاي ما فيش حل غير اقول لاسماء وهي توصل لها العلاج
خرجت وراحت على المصنع وسلمت الشغل وعدت على اسماء
عين يا اسماء لو سمحتي انا عايزه
اوصل الفلوس دي وهجيبلك اكل وتوصليه لماما
اسماء حاضر يا حبيبتي بس مش النهارده علشان اعمامي جايين من البلد والله اعلم نيتهم ايه ولو لقوني بره انتي عارفه هيعملوا ايه في امي
عين ربنا يسترها يا حبيبتي بس ما تنسينيش والنبي
اسماء ما تقلقيش اول ما يمشوا هاجي وهروح لمامتك
عين فضلت المنتظره اسماء يوم والثاني والثالث ومش عارفه تروح لمامتها
عين لو سمحت يا بابا انا عايزه اشوف ماما لو مره واحده
حمديانا قلت يا بنت الكلب ما فيش طلع بره البيت والمدرسه ما فيش
عين خلاص والنبي يا بابا خلاص خلاص مش هقول لك تاني بس سيبني اروح المدرسه
حمدي غوري في داهيه من وشي
بعد مرور اربع ايام على بطلتنا اخيرا حمدي وافق ان عين تروح المدرسه وفعلا عين راحت المدرسه وجابت علاج لمامتها وراحت تزورها بس كانت اسوء لحظه في حياتها دخلت على مامتها
عين ماما عامله ايه
زينب الحمد لله !
عين مالك يا ماما انتي تعبانه
زينب الحمد لله يا بنتي انت غلبت نفسك ليه وجيتي
عين غلبت نفسي ايه انا لو عليا نفسي اجيلك كل يوم بس مش
