جراح لا تنسى الكاتبة امانى السيد

احمد بصراحه منتهى بنت حلال دايما بتزورنا وتيجى تقعد معانا ورافضه انها تتجوز حد تانى مع ان جالها ناس كتير
مرفت واخرهم الدكتور اللى عندنا في البيت بس هى رفضت
هنا زهران بان على وشه الڠضب من فكره ان حد تانى بص لمراته منتهى مسكت ايده وطبطبت عليها عشان يهدى 
احمد. ودايما كانت بتوريه صورك عشان يفضل عارفك كتر خيرها بنت اصول يازين ماربيتى ياام منتهى 
معدش فى حد بالاخلاص ده
زهران عندك حق
 

وبص في ساعته يا الوقت جرى بسرعه انا لازم اروح وانتو كلكم جهزوا نفسكم تيجوا تعيشوا معايا
هنا منتهى شدت ايديها منه 

اه روح طبعا اصل مراتك هتتوغوش عليك ولازم تروحلها طبعا 
هنا زهران فهم غيرتها 
مانتى كمان هتيجى تعيشى معايا ماينفعش ابنى يعيش في مستوى اقل من اخته
ام زهران اه اخته نفسى اشوفها واحضنها واتعرف عليها وبالمره اشوف مراتك الجديدة بصتلها منتهى بزهول انها تقبلت فكره انه متجوز عليها بسرعه 
قامت منتهى وقفت 
يلا يا ماما عشان نروح عشان عندى شغل بكره عن ازنكم 
مسكها زهران من ايديها استنى بس رايحه فين 
منتهى الوقت اتاخر وانت الحق روح لبيتك ونبقى نتكلم بعدين 
احمد حس بمنتهى وقدر مشاعرها وقرر انه يدخل 
بقولك يا زهران انت ليك شقه هنا فوقينا على طول ولبسك فيها زى ماهو منتهى كل شهر تيجى تنضفها ايه رايك تطلع تريح فوق شويه
بص زهران لمنتهى بمكر 
فكره حلوه طبعا خلاص هطلع اريح شويه واخد شاور وبكره الجمعه نفطر واخدكم افرجكم على الفيلا عندى ونروح سوا 
شد زهران منتهى من ايديها ومدهاش فرصه تتكلم واستاذنت مرفت وروحت واحمد اصر ان حفيده يبات معاه 
طلعت منتهى الشقه مع زهران واول مادخلوا فضل تليفون زهران يرن وكانت هاله وهو فتح عليها
هاله عرفات فينك اتاخرت ليه كده
عرفات انا هبات انهارده بره نامى انتى واطمنى انا بخير 
هاله طيب انت فين 
عرفات عند اهلى لقيتهم اخيرا يا هاله 
هاله طيب ممكن يكونوا ڼصابين عرفت منين 
عرفات لأ مش ڼصابين روحتيلهم لوحدى 
بص لقى منتهى سابته ودخلت الاوضهو
بقولك ايه اقفلى وانا هاجى بكره واحكيلك كل حاجه سلام دلوقتي قفل مع هاله ودخل لمنتهى لقاها بټعيط 
زهران مالك يا حبيبتي فى ايه
منتهى انت ليه مش حاسس بيه 
عارف احساسك كان ايه لما عرفت ان حد بس فكر يتقدملى شوفت كانت الڼار جواك ازاى 
تفتكر بقى انا بحس بايه وانا عارفه انك متجوز واحده تانيه بتلمس واحده تانيه وتحضنها 
غير عرفات وشه 
تحب اقولك بحس بايه وانا بتخيل انك مخلف منها قالتها باڼهيار 
طيب انت بتقولها نفس الكلام اللى كنت بتقولهولى 
حسيت معاها نفس المشاعر اللى حسيتها معايا من ساعت ما شفتك وانا نفسي تجاووب على اسئلتى 
زهران طيب اهدى اهدى بس عشان نعرف نتكلم 
اولا يا ستى لا عمرى ماحسيت معاها نفس الاحساس اللى بحسه معاكى ومش هى بس ولا اى ست تانيه خلقها ربنا بدليل انى كنت زى المچنون 
ثانيا انا مش فاكر كنت بقولك ايه عشان اعرف كنت بقولها نفس الكلام ولا لأ
بس اللى متأكد منه ان الاحساس اللى معاكى واللى بعبرلك عنه عمرى ما عبرت لحد تانى بيه 
منتهى طيب اقعد واحكيلى عرفتها ازاى واتجوزتها ازاى 
كل اللى فاكره انى صحيت لقيت نفسي في مستشفى ومكنش فى اى حد معايا غير مؤمن وكانت هاله الممرضه اللى بتابع حالتى 
وقتها مؤمن دخلى وحاول يكلمنى لكن للأسف مش فاكر اى حاجه في الدنيا وسألته انا جيت هنا ازاى 
فعرفت انى ابنرجل اعمال كبير اوى هو اللى خبطنى وانه محجوز في الشرطه مستيين ياخدوا اقوالى وان ابو المتهم لما عرف انى فقت جه بره وكان عايز يقابلنى قبل ما البوليس ياخد اقوالى 
منتهى ها وبعدين